التيربو الألماني والفسلر والماقافيستا إستفسار بارك الله فيكم

[الحربي حاتم]

السلام عليكم ورحمة الله وبركاته
الله يبارك في من عطاني من وقته وأجاب على إستفساراتي
التيربو من وكيلة ؟ وكم مقاس متوفر منه للستيل ؟ وسعر كل مقاس ؟ وهل يوجد منه يد عادية بدون مسكة طويلة ؟
والفسلر من وكيله ؟ ومقاسات الستيل منه ماهي ؟ وكم سعر كل مقاس ؟ وهل هو يد عادية ؟
والماقافيستا من وكيله ؟ ومقاسات الستيل منه ؟ وأسعارها ؟
وبارك الله في من رد على إستفساراتي جميعها وبارك له في ماله وذريته ووقته .

[زيــآدِ]

انصحك بقدر الضغط الفرنسي tefal ستيل

هو افضل شيء بالسوق اذا كنت تبي جديد ويجي يد عادية نفس شكل السب القديم

التيربو والفسلر ممتاز لكن يد طويلة والسعر غالي

الماقفيستا كان وكيلة بادريق والحين لا يوجد له وكيل ولا قطع غيار

[أبو شيري]

لا تركض وراء بعض التقارير المنشوره لان فيها مبالغه أكثر من اللازم

لأنك تجد من يكتب التقرير عن الفرنسي او الألماني أكثر أستخدامه كاتم صيني ويقول هذا حق كرف بالبر

طيب والكلام عن الأستيل الصحي والأمان وين راح !!!!

لكن وجهة نظري خير الأمور الوسط

والتيفال الفرنسي والأسباني هي الوسط

وبالتوفيق

[كبتن رابح]

كلام الأخ ابو شيري عين الصواب وأحب أضيف ابتعد عن جميع القدور الرخيصة (المعدن) لأن مظارها أكثر
وجودتها معدومة عندي 8 لتر 10 لتر إسباني من احسن شي لكن عامة القدور الأستيل صحي بس يبي نار هادية لانه موصل جيد للحرارة

[الحربي حاتم]

الغالي زياد وأبو شيري والكابتن رابح الله يبارك لكم في مالكم وعيالكم ويزيدكم من فضله .
طيب التيفال منهو وكيله وأحجام القدور منه وأسعارها المعقولة في السوق وفقكم الله لما يحبه ويرضاه .

[كبتن رابح]

وياك يا غالي بالنسبة للي انا شريت اسباني اخذته من جده سعر 8 لتر و10 لتر 320 / 350 ما بينهن فرق واذا أنت بالرياض شف شارع السبالة تحصل هناك جميع اللي تبي وانصحك بالاسباني جودة ومتانة ومعذرة ما عرف احمل الصور ولا كان احملها بالموقع

[Mohammed5d]

بالنسبه لي عندي السيف الصيني والفرنسي سب والتيربوا الالماني
افضلهم التربو الكبسه فيها مظبوطه
ويستوي فيه الطبخ اسرع من غيره
السب الفرنسي ممتاز بس مايبي النار القويه يبي واحد يطبخ على رواقه
بالنسبه لمشكله يد التيربو انا حاطه في جراب خاص فيه والبلاستك لاجيت اطبخ عللى النار افكي واموره تمام

[الحربي حاتم]

كابن رابح ومحمد وفقكم الله وفالكم الخير دايما وحفظكم الله .
أنا من المدينة هل من معلومات للوكيل .

[كبتن رابح]

تحصله عند با دحمان للاواني المنزلية بس ما ادري بالمدينه المنورة لهم فرع أولا