المساعد الشخصي الرقمي

مشاهدة النسخة كاملة : مشكلة في جهاز قارمن مونتانا 650


AMERALNET
02/12/2015, 01:44 PM
السلام عليكم ورحمة الله وبركاته

اخواني الكرام عندي جهاز قارمن مونتنانا 650

المشكله اللي فيه ولاحضتها من سنه تقريباً

انه اذا كنت بالبر وحركت الخريطه يمين ويسار وكبرتها وصغرتها (يطفى الجهاز)

قبل كم يوم وانا متجه لمكان معين عند الدخول على الاحداثيات واضغط على احداثيه (معينه) يطفى الجهاز
(علما ان اي احداثية ادخل عليها ما يطفى)

رحت للعامة وسويت له تحديث وطلعت لي نفس المشكله
غيرت الخريطة من دار موجه الى الصحراء والعكس ونفس المشكله يطفى


هذا والله اعلم
انتظر ارائكم اخوتي الكرام
sameer_1798
02/12/2015, 03:49 PM
وعليكم السلام ورحمة الله وبركاته
التحديث اللي سويته ايش خريطة ولا نظام (سوفت وير)
abo30oof
06/12/2015, 09:30 PM
انا عندي نفس المشكله بالضبط وسويتله سوفت وير وحدثت الخرايط ومافيه فايده ارجو من الاخوان الافاده وشكرا لكم
الدوسري2010
06/12/2015, 09:38 PM
الله يعين كنت متوقع ان هالجهاز افظل جهاز والان بدت العيوب تطلع اشوا اني ما شريته
abo30oof
06/12/2015, 10:08 PM
الجهاز ممتاز ومايعلى عليه لكن لابد من تواجد مشكله وكل مشكله ولها حل وشباب يفيدونا انشالله الشباب
عمود الحماد
06/12/2015, 10:23 PM
يفيدكم مشرفنا العزيز

نحن بأنتظاره
AMERALNET
07/12/2015, 01:23 PM
وعليكم السلام ورحمة الله وبركاته
التحديث اللي سويته ايش خريطة ولا نظام (سوفت وير)

صحيح حدثت السوفتوير

علما ان المشكله وجهتني خلال السنه اللي الماضيه فقط والجهاز عندي له تقريبا 3سنوات.

علماً ان صديق لي معه نفس الجهاز ما وجهته نفس المشكله
مكشاتي نشيط
07/12/2015, 04:23 PM
السلام عليكم
حبيب احفظ البيانات اللي على جهازك على جهاز الكمبيوتر
وسوي فورمات وتروح المشكلة ان شاء الله

او راجع مركز الصيانه
الرياض بين مخرج 13-14
sameer_1798
07/12/2015, 11:21 PM
عندي جهاز واجهزة اخرى مرت علي ماوجهت المشكله هذه بالمونتانا لكن هي قد تحدث في أي جهاز السبب غالبا اخطاء سوفت وير او اخطاء في معايرة اللمس في الشاشه أو تعليق في ملاحة لعدة خرائط مثلا أو اضفت ملفات تنبيه رادار وهي تعلق باغلب الاجهزة وخصوصا اذا كانت الذاكره ممتلئه .
على العموم انت اتبع رد اخوي مكشاتي نشيط وان ماراحت سوي اعادة لسوفت وير اقدم يكون مافيه مشاكل ولو تسوي معايرة للمس بعد افضل .
AMERALNET
08/12/2015, 07:21 AM
السلام عليكم
حبيب احفظ البيانات اللي على جهازك على جهاز الكمبيوتر
وسوي فورمات وتروح المشكلة ان شاء الله

او راجع مركز الصيانه
الرياض بين مخرج 13-14


راجعت مركز الصيانه العامه اللي بين مخرج 13-14 وهو اللي سوا لي تحديث سوفتوير وشاف المشكله وقالي مالها حل.
AMERALNET
08/12/2015, 07:28 AM
عندي جهاز واجهزة اخرى مرت علي ماوجهت المشكله هذه بالمونتانا لكن هي قد تحدث في أي جهاز السبب غالبا اخطاء سوفت وير او اخطاء في معايرة اللمس في الشاشه أو تعليق في ملاحة لعدة خرائط مثلا أو اضفت ملفات تنبيه رادار وهي تعلق باغلب الاجهزة وخصوصا اذا كانت الذاكره ممتلئه .
على العموم انت اتبع رد اخوي مكشاتي نشيط وان ماراحت سوي اعادة لسوفت وير اقدم يكون مافيه مشاكل ولو تسوي معايرة للمس بعد افضل .

اخوي sameer بخصوص اللي ذكرت
خطاء في المعايرة (ماتحدث من احداثيه لاحداثيه) تحدث المشكله بجميع الجهاز وهذا الحمدلله سليه عندي.

بخصوص تعليق في الملاحة لعدة خرائط (انا جربت خريطة دار موجه والصحراء ونفس المشكله).

بخصوص اني اضفة ملفات تنبيه رادرا (ماذكر اني اضفتها).

الذاكره فيه اكثر من النصف فارغ.

لكن فيه حل اخير وهو بعد ما استشيركم
هل استطيع ان احذف ملفات الجهاز كامله واضيف ملفات صديق لي معه نفس الجهاز.

وجزاكم الله خير على تفاعلكم
مكشاتي نشيط
08/12/2015, 09:24 AM
راجعت مركز الصيانه العامه اللي بين مخرج 13-14 وهو اللي سوا لي تحديث سوفتوير وشاف المشكله وقالي مالها حل.
اخوي الغالي وكيل جارمن شركة دار موجة المحدوده مو العامه
راجع الاخ رامي واذا حد قالك مالها حل جيبلي اسمه بس لي تواصل مع الاخوان في ادارة دار موجة
AMERALNET
08/12/2015, 09:54 AM
اخوي الغالي وكيل جارمن شركة دار موجة المحدوده مو العامه
راجع الاخ رامي واذا حد قالك مالها حل جيبلي اسمه بس لي تواصل مع الاخوان في ادارة دار موجة

جزاك الله خير اخوي مكشاتي نشيط

سبب روحتي للعامه الضمان المشترى من عندهم.

ابشر بشوف دار موجه
مكشاتي نشيط
10/12/2015, 10:26 AM
جزاك الله خير اخوي مكشاتي نشيط

سبب روحتي للعامه الضمان المشترى من عندهم.

ابشر بشوف دار موجه
واياك ان شاء الله

اهااا لا حول ولا قوة الا بالله
ياخي هذي مشكلة اللي يسوي فيها وكيل وما عنده فنيين كفاءات همه بس يبيع واول ما يطيح بمشكله يحط العيب بقارمن

عموما ما اتوقع يخدموك دار موجة لان اول ما يشيك ع الجهاز يقولك مو من عندنا
لكن حاول فيه يعطيك معلومه هل هي عيب مصنعي او سوفت وير
اذا سوفت وير محلوله ان شاء الله اذا خلل مصنعي تراجع العامة يستبدلك الجهاز ولا يشوفلك حل

والله يعينك وعلى تواصل ان شاء الله
qulaib
10/12/2015, 01:32 PM
اخوي sameer بخصوص اللي ذكرت
خطاء في المعايرة (ماتحدث من احداثيه لاحداثيه) تحدث المشكله بجميع الجهاز وهذا الحمدلله سليه عندي.

بخصوص تعليق في الملاحة لعدة خرائط (انا جربت خريطة دار موجه والصحراء ونفس المشكله).

بخصوص اني اضفة ملفات تنبيه رادرا (ماذكر اني اضفتها).

الذاكره فيه اكثر من النصف فارغ.

لكن فيه حل اخير وهو بعد ما استشيركم
هل استطيع ان احذف ملفات الجهاز كامله واضيف ملفات صديق لي معه نفس الجهاز.

وجزاكم الله خير على تفاعلكم
السلام عليكم
أنا عندى الجهاز وما عندى مشاكل
وتقدر تبدل الملف من صاحبك بدون مشاكل
وإحتفظ بالملف الخاص فيك للرجوع له عند الحاجه
AMERALNET
17/12/2015, 05:59 PM
واياك ان شاء الله

اهااا لا حول ولا قوة الا بالله
ياخي هذي مشكلة اللي يسوي فيها وكيل وما عنده فنيين كفاءات همه بس يبيع واول ما يطيح بمشكله يحط العيب بقارمن

عموما ما اتوقع يخدموك دار موجة لان اول ما يشيك ع الجهاز يقولك مو من عندنا
لكن حاول فيه يعطيك معلومه هل هي عيب مصنعي او سوفت وير
اذا سوفت وير محلوله ان شاء الله اذا خلل مصنعي تراجع العامة يستبدلك الجهاز ولا يشوفلك حل

والله يعينك وعلى تواصل ان شاء الله

اخوي مكشاتي نشيط

الضمان منتهي اللي على العامه ومالي حق اطالبهم بشي
معشي الذييب
18/12/2015, 05:51 PM
اخوي AMERALNET (http://www.mekshat.com/vb/member.php?59144-AMERALNET)

هذه المشكلة يعاني منها بعض مستخدمي المونتانا 600 و 650 وحتى لو اخذته للوكيل فالحل لديهم : كالتالي
الحل هو ان تعمل باك اب لمواقعك اولا , ثم توفر نسخة لجميع ملفات جهاز 600 او 650 ومن ثم عمل فورمات لجهازك
وبعد الفورمات اعد تركيب الملفات .
وسلامتك . . .