خيال الصبحا
16/01/2007, 05:28 PM
السلام عليكم
ورحمة الله وبركاته
بسم الله الرحمن الرحيم
أخواني وأحبابي أعضاء منتدى
مكشات . أعتذر عن الإنقطاع الي
حصل بالايام الماضية , ولكن عسى الله
ييسر لي البقاء على إتصل(مع العلم ان الايام
الي كنت منقطع فيها عن المشاركة كنت أتصفح
الموقع بإستمرار , وكنت على إطلاع بكل جديد ).
المهم
أتصل بي قبل مده الأخ العزيز "طارق الحربي" (أحد أعضاء
منتدى مكشات , وأعتقد أن الجميع في خيمة الصقور يعرفه ولكن
هذا للتوضيح),وكان مشترى طير وكري و عاب عليه انه يكوش على
العلف(أظن أن أبو عبد الله باع الطير وأن معه الحين شيهانه جبليه وأقول له
"فالها الحباري والكراويين يالغالي").المهم انه بعد ماقفل جاء ببالي تساؤل وهو عن
سبب هذا العيب , وكيفية علاجة , وبعدين بحثت في هالموضوع ونتج هذا البحث المتواضع
الي أتمنى أنه يفيد الجميع , ولو أني ماني صقار ولكن ما اعتقد
انه من ضروريات البحث أني أكون أعاني من نفس المشكله, لإنه(بلا تشابيه)الي يسوي بحث عن
المخدرات (حمانا الله واياكم منها)هل يلزم أنه يكون مدمن؟لو كان مدمن كان علوم ( تلقاه كاتب
الاسباب : مافيه أسباب , النتائج أن أم قوسين ( الهلالية ) أزين من الشبح ومن أم حفيرة,وأن الخمر ريحه
وفضيحة,والحشيش يسبب للمدمن تشويش,أما النتائج فهي وحدة : إذا بغيت تفتك من المخدرات مالك
إلا أحد حلين:أما أنك تنتحر أو تزور مستشفى الأمل ههههههههههههههه)الله يكرم الرجال والدلال عن هالشيء.
وبعد هالمقدمه البسيطة فلنبدأ :
7
7
7
أكيد أن اغلب الصقارين يعرفون وش معنى يكوش على العلف , ولكن أبي أوضح للمبتدئين أمثالي . بعض الطيور إذا هدوها الصقاقير
وصادت لاجاء الصقار صوب الطير يتفاجئ أن الطير يطير بالصيده ويبعد عن الصقار إن كانت الصيده خفيفة, أما إن كانت الصيده
ثقيلة يجد ان الطير يضع جناحيه على الصيده وكانه يقول له(ما تاخذها)ولو مد الصقار يده للعلف ينسر الطير من يد الصقار,وهالشيء
يكره الصقارين بصقورهم ويسبب لهم أحياناً إحراجات , وهذا هو معنى يكوش على العلف(مثل ماكوشوا الهوامير على سوق الأسهم وأنتم
بكرامة).
وغالباً مايكون هالطبع بسبب الصقار الي درب الطير أو احد الي قنصوا به . وأنا ما أدري أن كان فيه طيور من طرحوها وهذا طبعها.ولكن
الي أعرفه أن الطبع هذا يكتسبه الطير من راعيه . فتلقاه إذا الطير صاد يجي يركض باتجاه الطير (وهالشيء يخوف الطير ويذكره بايام طرحه)
أو يجيه من وراءه,وإذا جاء يعزل الصيده تلقاه يسحبها من تحت الطير بالقوه , أو أنه يعزلها بطريقة واضحه للطير , ومع الايام الطير يعتقد أن
الصقار عدوه الي مايتركه ياكل من صيده(لإن الطير مايصيد لك يالصقار , ولكن يصيد لنفسه وأنت بطريقتك تعزل الصيده وتاخذها ,
والدليل انك إذا بغيت تصيد بالطير لازم تجوعه)فهو إذا عزلته بالقوة تكون حرمته من صيده ويبدأ بهالطبع الي يكرهه الصقار.
فما هو الحل؟
لو إنك بيوم من الأيام معك طيرك تدور الصيد وجاك صقار أخر وأخبرك أن طيره هرب بالعلف وأنه خايف أن الطير ياكل ويشبع ثم يحوم
ويضيعه وطلب منك الفزعه وش تسوي ؟بسيطة تقوم وتاخذ طيرك وتبرقعه وتنقله على يدك , وتمشي به باتجاه الطير الي هارب بالعلف ,
الطير لاشافك جاي وعلى يدك طير أخر يعتقد انك تبي تهده عليه وياخذ العلف منه , وتلقائياً راح يقضب الأرض يكوش على العلف وهو
بمكانه وماراح يطير , وخلك ماشي لين توصله وبكذا تكون رجعت طير الرجال له.
هذا لو انه طير رجال الي فيه هالعيب . ولكن لو أن طيرك فيه هالعيب هذا وش تسوي به على شان تتخلص من هالطبع الشين؟
-حاول أن الطير دايم يكون على يدك , وأمسح عليه واعلفه على يدك ورشه بالماء.
-إذا جيت تعلف الطير عطه العلف وأجلس جنبه وخل تحركاتك هادية(لا نصير مطفوق بس تحرك)وان كان لابد انك تتحرك خل حركاتك
هاديه ولا تستعجل بالحركة على شان ماتربك الطير (بحيث ان الطير يبدا يتلاش عنده الخوف من انك تاخذ العلف منه) وخله ياكل على راحته
الين يشبع.وبعد كم يوم أبد اقطع من اللحم واعلف الطير,واكرمه بالعلف ولا تاخذ العلف منه لين هو يبعد عنه وخلك قريب منه وهو يعلف
(تعرف الورع إذا كنت تاكل وجاء وقف بجنبك ويناظر لك , وإذا ماعطيته ياخذ شوي ويقول لك:أتحداك من وين أشتريته؟ انت سو مثله
مع الطير بس لا تقوله شيء هههههههه).
-وقت التدريب هده على شيء ثقيل (ديك , دجاج حبش , أرنب مربرب , بط ...أو حاجه زي كذا) , أو إذا تبي تفكه على حمامه أربط
خيط برجلها ودق لها مخطر(طنب) بالارض واربط الخيط بالطنب بحيث أنه يوم ياخذ العلف مايقدر ينقله من الارض وبكذا يفهم ان العلف ما
ينتقل من الارض ويتعود انه ماينقل علفه.
-إذا صاد الطير خله لين يذبح صيدته ويذوق الدم ثم تعال له بشويش(من قباله ولا تجيه من ورى)وساعده على نتف الريش وخله ياكل وانت
حوله(وخلك على هالحال كم يوم لين يتعود على قربك وهو يعلف).
-بعد كم يوم إذا بغيت تعزل الصيده منه تعال له وبيدك علف(مثل رجل حمامه)وقربها منه وخله ياكل منها , وادفن الصيده الي معه أو غطها
بكيس ,واذا بدى ياكل من الي معك قربها منه لين يترك صيدته ويرقى على يدك ,اذا رقى ارفعه على يدك واسحب الصيده من تحته بهدوء (أهم
شيء أنه مايحس بك) او ابعد به وخل اي واحد من الي معك ياخذ الصيده.
-بعد هذا هد له حمامه مربوط برجلها خيط طوله مترين أو أكثر أو أقل وإذا صادها تعال بالسياره وأوط الحبل بالكفره , وانزل له بهدوء
واعزل الحمامه , وان حاول يطير مايقدر لان الحبل ماسك الصيده.
-وان مافاد به كل الي فات ماعندك الا احد اربع حلول:
1-انك تحط الشوزن بين دواغره وتنتفه(وأنا ماأفضل هالشيء لانه حرام).
2-أنك تهديه لرجال(وأنا ما أفضل هالشيء لأنك أن أهديته لصقار راح يدري به , والمفروض أنك ماتهدي الشيء الي مايجمل , وأن كانك
أهديته لمبتدئ راح يكره الصقاره بسببك وسبب طيرك).
3-أنك تبيعه(وإذا جيت تبيعه لازم تعلم المشتري انه يكوش على العلف لقول النبي صلى الله عليه وسلم "من غشنا فليس منا",لاتقول ما احد
يشريه يمكن يجي واحد يبي طير يتمنظر به ويكشخ به قدام ربعه"تخبر الموضه كل يوم وهي شكل",أو يجيك واحد قاري هالموضوع ويبي يطبقه
ويطيح الطير بحلقه هههههههههههه, تراي ماني مسؤول).
4-أنك تجيب حلقه(حجله)وتكتب عليها (هديه للي يطرحه)ولا تكتب رقم جوالك,وفك سبوقه وطيره.(لازم تحط حلقه لانك لو ماحطيت
وطرحه صقار من الي يخافون ربهم راح يدري انه طير عرب"حتى لو مابه سبوق ولا حجل يبين", ويبدأ يدور على راعيه ,ويتعب على عماها
وانت ماتبيه.ويمكن ما احد يطرحه ونقول أن شاء الله تطرح من فروخه فرخ يبرد كبدك).
هذا وما أصبت فيه فمن الله وما أخطأت فيه فمن نفسي والشيطان.
وصلى الله وسلم على نبينا محمد وعلى آله وصحبه أجمعين.
ملاحظة/بعد إذن الإدارة:
للإخوان في المنتديات الأخرى(حقوق النسخ مفتوحه للجميع)ولا يشترط ذكر المصدر(هدفي هو الفائده ومواضيعي خير شاهده)
(أعتذر عن المشاركة والرد في الايام القادمة بسبب الإختبارات , دعواتكم)
أخوكم ومحبكم/خيال الصبحا
ورحمة الله وبركاته
بسم الله الرحمن الرحيم
أخواني وأحبابي أعضاء منتدى
مكشات . أعتذر عن الإنقطاع الي
حصل بالايام الماضية , ولكن عسى الله
ييسر لي البقاء على إتصل(مع العلم ان الايام
الي كنت منقطع فيها عن المشاركة كنت أتصفح
الموقع بإستمرار , وكنت على إطلاع بكل جديد ).
المهم
أتصل بي قبل مده الأخ العزيز "طارق الحربي" (أحد أعضاء
منتدى مكشات , وأعتقد أن الجميع في خيمة الصقور يعرفه ولكن
هذا للتوضيح),وكان مشترى طير وكري و عاب عليه انه يكوش على
العلف(أظن أن أبو عبد الله باع الطير وأن معه الحين شيهانه جبليه وأقول له
"فالها الحباري والكراويين يالغالي").المهم انه بعد ماقفل جاء ببالي تساؤل وهو عن
سبب هذا العيب , وكيفية علاجة , وبعدين بحثت في هالموضوع ونتج هذا البحث المتواضع
الي أتمنى أنه يفيد الجميع , ولو أني ماني صقار ولكن ما اعتقد
انه من ضروريات البحث أني أكون أعاني من نفس المشكله, لإنه(بلا تشابيه)الي يسوي بحث عن
المخدرات (حمانا الله واياكم منها)هل يلزم أنه يكون مدمن؟لو كان مدمن كان علوم ( تلقاه كاتب
الاسباب : مافيه أسباب , النتائج أن أم قوسين ( الهلالية ) أزين من الشبح ومن أم حفيرة,وأن الخمر ريحه
وفضيحة,والحشيش يسبب للمدمن تشويش,أما النتائج فهي وحدة : إذا بغيت تفتك من المخدرات مالك
إلا أحد حلين:أما أنك تنتحر أو تزور مستشفى الأمل ههههههههههههههه)الله يكرم الرجال والدلال عن هالشيء.
وبعد هالمقدمه البسيطة فلنبدأ :
7
7
7
أكيد أن اغلب الصقارين يعرفون وش معنى يكوش على العلف , ولكن أبي أوضح للمبتدئين أمثالي . بعض الطيور إذا هدوها الصقاقير
وصادت لاجاء الصقار صوب الطير يتفاجئ أن الطير يطير بالصيده ويبعد عن الصقار إن كانت الصيده خفيفة, أما إن كانت الصيده
ثقيلة يجد ان الطير يضع جناحيه على الصيده وكانه يقول له(ما تاخذها)ولو مد الصقار يده للعلف ينسر الطير من يد الصقار,وهالشيء
يكره الصقارين بصقورهم ويسبب لهم أحياناً إحراجات , وهذا هو معنى يكوش على العلف(مثل ماكوشوا الهوامير على سوق الأسهم وأنتم
بكرامة).
وغالباً مايكون هالطبع بسبب الصقار الي درب الطير أو احد الي قنصوا به . وأنا ما أدري أن كان فيه طيور من طرحوها وهذا طبعها.ولكن
الي أعرفه أن الطبع هذا يكتسبه الطير من راعيه . فتلقاه إذا الطير صاد يجي يركض باتجاه الطير (وهالشيء يخوف الطير ويذكره بايام طرحه)
أو يجيه من وراءه,وإذا جاء يعزل الصيده تلقاه يسحبها من تحت الطير بالقوه , أو أنه يعزلها بطريقة واضحه للطير , ومع الايام الطير يعتقد أن
الصقار عدوه الي مايتركه ياكل من صيده(لإن الطير مايصيد لك يالصقار , ولكن يصيد لنفسه وأنت بطريقتك تعزل الصيده وتاخذها ,
والدليل انك إذا بغيت تصيد بالطير لازم تجوعه)فهو إذا عزلته بالقوة تكون حرمته من صيده ويبدأ بهالطبع الي يكرهه الصقار.
فما هو الحل؟
لو إنك بيوم من الأيام معك طيرك تدور الصيد وجاك صقار أخر وأخبرك أن طيره هرب بالعلف وأنه خايف أن الطير ياكل ويشبع ثم يحوم
ويضيعه وطلب منك الفزعه وش تسوي ؟بسيطة تقوم وتاخذ طيرك وتبرقعه وتنقله على يدك , وتمشي به باتجاه الطير الي هارب بالعلف ,
الطير لاشافك جاي وعلى يدك طير أخر يعتقد انك تبي تهده عليه وياخذ العلف منه , وتلقائياً راح يقضب الأرض يكوش على العلف وهو
بمكانه وماراح يطير , وخلك ماشي لين توصله وبكذا تكون رجعت طير الرجال له.
هذا لو انه طير رجال الي فيه هالعيب . ولكن لو أن طيرك فيه هالعيب هذا وش تسوي به على شان تتخلص من هالطبع الشين؟
-حاول أن الطير دايم يكون على يدك , وأمسح عليه واعلفه على يدك ورشه بالماء.
-إذا جيت تعلف الطير عطه العلف وأجلس جنبه وخل تحركاتك هادية(لا نصير مطفوق بس تحرك)وان كان لابد انك تتحرك خل حركاتك
هاديه ولا تستعجل بالحركة على شان ماتربك الطير (بحيث ان الطير يبدا يتلاش عنده الخوف من انك تاخذ العلف منه) وخله ياكل على راحته
الين يشبع.وبعد كم يوم أبد اقطع من اللحم واعلف الطير,واكرمه بالعلف ولا تاخذ العلف منه لين هو يبعد عنه وخلك قريب منه وهو يعلف
(تعرف الورع إذا كنت تاكل وجاء وقف بجنبك ويناظر لك , وإذا ماعطيته ياخذ شوي ويقول لك:أتحداك من وين أشتريته؟ انت سو مثله
مع الطير بس لا تقوله شيء هههههههه).
-وقت التدريب هده على شيء ثقيل (ديك , دجاج حبش , أرنب مربرب , بط ...أو حاجه زي كذا) , أو إذا تبي تفكه على حمامه أربط
خيط برجلها ودق لها مخطر(طنب) بالارض واربط الخيط بالطنب بحيث أنه يوم ياخذ العلف مايقدر ينقله من الارض وبكذا يفهم ان العلف ما
ينتقل من الارض ويتعود انه ماينقل علفه.
-إذا صاد الطير خله لين يذبح صيدته ويذوق الدم ثم تعال له بشويش(من قباله ولا تجيه من ورى)وساعده على نتف الريش وخله ياكل وانت
حوله(وخلك على هالحال كم يوم لين يتعود على قربك وهو يعلف).
-بعد كم يوم إذا بغيت تعزل الصيده منه تعال له وبيدك علف(مثل رجل حمامه)وقربها منه وخله ياكل منها , وادفن الصيده الي معه أو غطها
بكيس ,واذا بدى ياكل من الي معك قربها منه لين يترك صيدته ويرقى على يدك ,اذا رقى ارفعه على يدك واسحب الصيده من تحته بهدوء (أهم
شيء أنه مايحس بك) او ابعد به وخل اي واحد من الي معك ياخذ الصيده.
-بعد هذا هد له حمامه مربوط برجلها خيط طوله مترين أو أكثر أو أقل وإذا صادها تعال بالسياره وأوط الحبل بالكفره , وانزل له بهدوء
واعزل الحمامه , وان حاول يطير مايقدر لان الحبل ماسك الصيده.
-وان مافاد به كل الي فات ماعندك الا احد اربع حلول:
1-انك تحط الشوزن بين دواغره وتنتفه(وأنا ماأفضل هالشيء لانه حرام).
2-أنك تهديه لرجال(وأنا ما أفضل هالشيء لأنك أن أهديته لصقار راح يدري به , والمفروض أنك ماتهدي الشيء الي مايجمل , وأن كانك
أهديته لمبتدئ راح يكره الصقاره بسببك وسبب طيرك).
3-أنك تبيعه(وإذا جيت تبيعه لازم تعلم المشتري انه يكوش على العلف لقول النبي صلى الله عليه وسلم "من غشنا فليس منا",لاتقول ما احد
يشريه يمكن يجي واحد يبي طير يتمنظر به ويكشخ به قدام ربعه"تخبر الموضه كل يوم وهي شكل",أو يجيك واحد قاري هالموضوع ويبي يطبقه
ويطيح الطير بحلقه هههههههههههه, تراي ماني مسؤول).
4-أنك تجيب حلقه(حجله)وتكتب عليها (هديه للي يطرحه)ولا تكتب رقم جوالك,وفك سبوقه وطيره.(لازم تحط حلقه لانك لو ماحطيت
وطرحه صقار من الي يخافون ربهم راح يدري انه طير عرب"حتى لو مابه سبوق ولا حجل يبين", ويبدأ يدور على راعيه ,ويتعب على عماها
وانت ماتبيه.ويمكن ما احد يطرحه ونقول أن شاء الله تطرح من فروخه فرخ يبرد كبدك).
هذا وما أصبت فيه فمن الله وما أخطأت فيه فمن نفسي والشيطان.
وصلى الله وسلم على نبينا محمد وعلى آله وصحبه أجمعين.
ملاحظة/بعد إذن الإدارة:
للإخوان في المنتديات الأخرى(حقوق النسخ مفتوحه للجميع)ولا يشترط ذكر المصدر(هدفي هو الفائده ومواضيعي خير شاهده)
(أعتذر عن المشاركة والرد في الايام القادمة بسبب الإختبارات , دعواتكم)
أخوكم ومحبكم/خيال الصبحا