الفزعه ياشباب صوت عجز كثير معرفة المكانيكين ايش هو ممكن تفيدونا

[سميرالعياني]

السلام عليكم اخواني الكرام قدر الله وخبطت مكينة سيارتي جراند فيتارا 2005 وقمت بشراء مكينه من شبك المطار بجده وكان فيها صوت ما رتحت له ورجعتها واشتريت مكينه ثانيه من واحد ثاني المفاجئه نفس الصوت او قريب منه موجود ارفق اليكم فيديو للصوت من يقدر يعرف لي ايش هو من حيث الخبره او التجربه وهل هو طبيعي ولا لا ولكم تحياتي وهذا فيديوا للصوت
https://youtu.be/Rz8z6fLPJkM

[ابوراكان تبوك]

عندنا قراند فيتارا 2002 من وكالته فيه صوت قريب نسبيا لهذا ظهر بعد ممشى تقريبا 120الف اذا كان بارد فقط وله اكثر من 7 سنوات ماتغير وبحكم قلة استخدام السياره اهملناه ولاكشفت عليه

لكن الصوت اللي بالمقطع قوي شوي اقترح عليك تعرضه ع اكثر من ميكانيكي
الصوت اللي عندك كانه خارجي لاني شغلت المقطع اكثر من مره ودققت فيه ما ادري هو فعلا الصوت خارجي او من قوته يظهر هكذا
اذا ماهو من البكرات او الهواية بها كسر ممكن الصوت جنزير او شداد جنزير والعلم الاكيد عن الميكانيكي اللي يوقف على السيارة ويكشف عليه بالسماعه اللي زي حقت الطبيب يقوم فيها بوضع السماعه على راس المكينة رايح يوضح معه اذا كان سبب الصوت من خارج المكينة او لا

[سميرالعياني]

سلمت اخي الكريم لسرعة الرد والافاده ولاكن ايش اقول وايش اخلي هه ماخليت ميكانيكي حتى الوكاله الا ورحتهم كلهم ماهم متاكدين اللي يقول طبيعي واللي يقول داخل المكينه بس طبيعي يسمع بالسماعه تمام ما يوضح مكانه بالضبط وين قالوا لي القزوز لحمت كان فيها شرخ بسيط ولا راح الصوت البكرات غيرت بكرتين بالوكاله بكرة الشداد وبكرة الكرنك ب700 ولاراح الصوت بالنسبه للصوت مرتفع شويه يطلع مضخم نسبيا بالجوال ولا بالواقع هادئ النص من ماهو ضاهر بالجوال المهم رجعتها امس للمحل اللي اخذت منه المكينه لان باقي بالضمان واشتغل فيها يوم كامل فك الصدر وكشف على الجنزير وقال مافي اي شي ومدري انه فك الراس ولا لا قال هذا يمكن تكايات لو غيرت الزيت مرتين ثلاث بيروح مدري عنه انا تعبت طالع نازل لجده وانا من الطائف

[سميرالعياني]

الصوت ما يطلع عند الدعسه العاليه ويطع بعد الدعس الخفيف او اذا فصلت احدى الكويلات يصير الصوت اقوى

[كهرووب]

الصوت خارجي احتمال من رمان بكرة الكمبروسر أو من رمان الدينمو او من البكرات
جرب تشغل السيارة بدون سير شوف يروح الصوت والا لا

[سميرالعياني]

هلا اخي جربنا بدون سير والصوت موجود شكرا لك اخي الكريم

[أبو ربي1437]

هلا اخوي
اذا سير المكينه جديد اومغير ولا فيه اهتزاز جامد بالمكينه و الحراره كويسه وضغط المكينه كويس فتوكل على الله

[سميرالعياني]

والله انا اشوف ان كل شي تماما فقط عندي ضعف بالعزم العدادا 200 والمكينه توصل 120 مرتاحه وبعدها تشد شويه واقصى سرعه وصلتها 140 واحيانا تشد ويرتفع صوتها لازم ارخي رجلي مرتين ثلاث عشان ترجع الدعسه لطبيعتها وليونتها

[سميرالعياني]

يا اخوان المكينه باقي لها في الضمان شهر ايش تنصحوني الصوت هذا يستاهل ارجعها عشانه ولا تمشي الباكستاني صاحب الورشه يقولي صوت التكايات مدري جلد البلوف نسيت قال اذا غيرت زيت مرتين ثلاث بيروح الصوت رايكم ايش لاهنتوا قبل ما ينتهي الضمان

[SGL]

الصوت مثل طرمبة الماء فيها فضاوه أو الجنزير راخي أو فيه شي قريب منه ويحتك فيه

[ابوراكان تبوك]

الصوت بالموتر اللي عندنا تقريبا مثل ماذكرت لك
الموتر اللي عندنا حق الوالد الله يطول بعمره مطلعة اصفار مخليه للبلد والسفريات القريبه لحبه لشركة سوزوكي
اتذكر انه بعد ماطلع الصوت كلمني الوالد وسمعته وانا من الناس اللي مايحب يفك مسمار في المكينة لانها شد بلد والوالد ان اسرع حده 120 وقلت اذا مازاد الصوت اتركه يبين مع الايام ووالله من هذاك الوقت يمكن اكثر من 7 سنوات ولازال موجود بدون أي ضرر الحمد لله

احتمال جوالك مكبر الصوت اكثر ولولا الكذب كان قلت لك نفس الصوت 100%
والصوت حسب الوصف يجي تقريبا بداية تهدية المحرك بعد التشغيل ويستمر والسيارة واقفه على طول سواء حر او برد
حتى اكون صريح معك
الشغله فيها ذمه وانا اخوك وصعب اني اجزم لك انه طبيعي وانا ماسمعته على الطبيعه
اخاف تاخذ بكلامي واتسبب لك بالخسارة لاقدر الله
ولو انت قريب مني كان قابلتك وسمعته بنفسي
ولو مالي علم بالقراند فيتارا وخابزه وعاجنه كان قلت لك انه الصوت غير طبيعي
اذا الوكاله قالو طبيعي فهو طبيعي اكيد مرت عليهم القضية هاذي


بالنسبة للعزم الضعيف غير صفاية + فلتر هواء + بواجي وراعي التشليح غالبا مغير له بواجي وبعضهم يركب اي بواجي تأكد منها
عداد الRBM وانت على سرعة 140 يكون على رقم 3 بالضبط اذا زاد عن 3 وانت ع سرعة 140 بالضبط ممكن ضعف كلتش




بالتوفيق أخي

[سميرالعياني]

اخي ابو ركان الف تحيه لتفاعلك وتعقيبا على ردك بالنسبه لفلتر الهواء انا مركب له فلتر تجاري مدري ياثر ب45 ريال وبالنسبه لصفايه مدري ايش تقصد صفاية بنزين او ايش في صفايه تحت الفلتر ملغيها اللي ركب المكينه الجديده لانه قال المكينه استخدام اليابان وفي فرق بسيط وبالنسبه لعداد الضغط عندي يثبت على 3 اذا وصل 120 واذا 140 على 4 علما ان المكينه عندي 4 سرندل بس احيانا اواجه صعوبه الين يوصل 140 ولازم دعسه متزنه لو دعست دعسه قويه يشد ويبدا العداد بالتراجع شويه ويرتفع الصوت وعداد الار بي ام مدري ايش المشكله ارجع اقوله ماعليش ماعليش وارخي رجلي واثبتها على الدعسه قبل الاخير ويسرع من نفسه والف شكر لك اخي الكريم

[ابوراكان تبوك]

اقصد صفاية البنزين

موترك 4 سرندل وعداد الضغط طبيعي ع 3 بسرعة 120 كان شرحي لمكاين 6 سرندل
الصعوبة اللي تواجهها لانه الموتر اصلا 4 سرندل
التسارع اللي انت تكلمت عنه لازم تدريجي او يتراجع احتمال بسبب عدم تطبيق المكينة بالقير بالشكل الصحيح لانها اللي ذكرته انت مشكلة تتعلق بالقير ممكن ماضبط وزنة الكلتش لانه له ميزانية من تحت خاصة فيه او ممكن شي بالدزق
فلتر الواء مايضر تجاري او اصلي المهم يكون موجود ونظيف

[سميرالعياني]

اخ ابو ركان اعجز عن شكرك جزاك الله الف خير وحبيت ان افيدك ان السياره قير اوتمتيك وليست قير عادي كان في احتمال من شخص يقول ان لدي مشاكل في الطنجر ه والله اعلم

[ابوراكان تبوك]

صحيح الطنجرة عملها مشابه للدزق وسبب خرابها غالبا عند تطبيق المكينة ع الداير حق القير يتكرر كثير هذا الخطأ

[سميرالعياني]

اخي ابو ركان الطنجره منها ضرر او لها اصوات تظهر عند خرابها وهل ممكن تتعطل فجئه ولا لازم اغيرها هل تاثر على القير او المكينه ثانيا لك وللاخوه الاعضاء الكرام للي يمروا من هنا هل هذا صوت تكايات فعلا الباكستاني اللي شريت منه المكينه يقولي صوت تكايات ويروح بعد تغيير الزيت اكثر من مره مدري من جدده ولا تصريفه وتحياتي لك اخي ابو ركان

[سميرالعياني]

السلام عليكم بعد المرور على اكثر من ورشه رسينا على انه صوت الجنزير وسوف اقوم بتغييره باذن الله واوافيكم بالنتائج

[kshtat999]

الصوت من تكايات الجنزير والله اعلم

[سميرالعياني]

الف شكر لكل من تجاوب معي وشارك غيرت طقم الجنزير كامل وراح الصوت كلفني حوالي 3100 مع الاجره والزيت الف شكر للجميع وما قصرتوا