جي اكس ار فيه طقة اختلفوا الميكانيكين عليها من يفيدنا

[بندر التجار]

السلام عليكم ورحمة الله وبركاته
يااخوان عندي
جي اكس ار 2006 لاندكروزر


الجيب شريته قبل سنه تقريبا
اول شهرين الجيب معي ممتاز
سافرت من حائل الى جده
وعند وصولي الى جده حصل معي الاتي:
اذا عشق القير في d يطق القير بشكل قوي جدا فارجعة للفاضي وكذا مره حاولت اعشق ويطق معي.
وبعدين سلك معي كذا شهر بدون مشاكل.
وبعده صارت تجي المشكله بالشهر مره او مرتين او اكثر


جريت مره مع الطقطقه هذي ادعس بنزين عليه وامشي لكن اللي حصل ان السياره كانك وضعتها في فاضي ماتمشي ابدا


دعسة بنزين على الفاضي


الايام اللي فاتت صار يطق بكل تعشيقه تقريبا
وطريقته
ارجعه للريوس وثم احطه بالd فيسلك معي


ولاحظت ايضا انه من خلال اللفات (الريتيرن)يكون هناك فراغ ببنس البنزين ولما ادوس يقعد يطق معاي
المهم


وديته الى الورش وكلهم اتفقوا على انه الدبل
سميت بالله وغيرت الدبل كذا مره ومن الورشه نفسها الصوت يطلع وكل مره نقول ان الدبل اللي ركبته خربان واركب دبل ثاني ونفس النتيجه
وديته الى ورشة بالقصيم متخصصه بالقيور
قال هناك مشكله بالرمان حق القير
مع ان القير يبدل من احسن مايكون


الحين اخاف اغير القير ويرجع نفس المشكله


هل عندكم حل بوووركتم

[ابوراكان تبوك]

هل فحصو كراسي القير ؟؟
هل فحصو زيت القير ؟؟؟

الطقطقه اذا تسمعها من القير مع اللفه
حسب معرفتي ورايي الشخصي القضية حول الطنجره او ان هناك رخاوة في داير القير فيه شي يتحرك يا من الكرسي او الداير او الطنجرة

الطنجره عادتها تجي رجه خفيفه حول 80 لكن ماهو شرط وجود الرجه واللي شككني فيها انك تقول الدعسه تروح مع اللفه وهي المسئوله عموما عن نقل القوة من المكينة للقير لها وزنه اذا اختلفت تفلت التروس واذا خربت اعراضها موجوده حسب وصفك 90%

وترا احتمالهم الاول بالدبل كان صحيح لكن انت غيرته بدون نتيجة والمفروض مايتغير الا الترس اللي بين القير والدبل هو هذا تخصص طقه ورجة

رأيي اجتهاد شخصي قابل للخطأ والصواب

[بندر التجار]

هل فحصو كراسي القير ؟؟
هل فحصو زيت القير ؟؟؟

الطقطقه اذا تسمعها من القير مع اللفه
حسب معرفتي ورايي الشخصي القضية حول الطنجره او ان هناك رخاوة في داير القير فيه شي يتحرك يا من الكرسي او الداير او الطنجرة

الطنجره عادتها تجي رجه خفيفه حول 80 لكن ماهو شرط وجود الرجه واللي شككني فيها انك تقول الدعسه تروح مع اللفه وهي المسئوله عموما عن نقل القوة من المكينة للقير لها وزنه اذا اختلفت تفلت التروس واذا خربت اعراضها موجوده حسب وصفك 90%

وترا احتمالهم الاول بالدبل كان صحيح لكن انت غيرته بدون نتيجة والمفروض مايتغير الا الترس اللي بين القير والدبل هو هذا تخصص طقه ورجة

رأيي اجتهاد شخصي قابل للخطأ والصواب


الزيت فحصوه
وكراسي القير لا

هل الكهرباء لها دور

[ابوراكان تبوك]

الزيت فحصوه
وكراسي القير لا

هل الكهرباء لها دور

نعم لها دور

ولها مجموعه وحده يسار القير فيشها اللي شابك بالظفيرة الاساسية فوق السلف نزلها وتفقد الاسلاك واحد واحد