المساعد الشخصي الرقمي

مشاهدة النسخة كاملة : قير تماتيك ومشيت عليها وهي في تعشيقة رقم 2 حول 80 كيلو


الرياض9898
15/12/2015, 09:46 AM
سلام عليكم
كنت مستعجل وابره تحديد النمره خربانه

فيوم مشيت حطيت الابره على رقم 2 سهوا ومشيت عليها حول 80 كيلو
والسرعه حول 100
ما اكتشفت الامر الا لما وقفت وجيت بحطها على الفاضي وهي تعشق ب D

هل فيه ضرر على سيارتي تكفون والله النفسيه متحطمة
عاشق دياري
15/12/2015, 11:39 AM
وعليكم السلام ورحمة الله وبركاته ...

طلع لك صوت ..؟

تعطل الموتر ...؟

اذا ما حصل شي من الي فوق امورك تمام باذن الله .

انا موتري 2013 نسيان توماتيك مشى عليه خويي طال عمرك من دوار الحفنة إلى ما وصل الى الحرس الوطني شرق الرياض والدبل الخفيف شغال والسرعة كانت توصل إلى 150 يوم استلمت الموتر واحصل الدبل شغال قلت الله يستر الحين بخسر عليه فوق 10 الف .
والحمد لله الامور ماشيه إلى الان بعد ما مشيت فوقها اكثر من 20 الف كيلو .
abdullah603
15/12/2015, 11:52 AM
بس يرتفع ضغط الموتر

ولا تطول عليه
MSAN
15/12/2015, 12:10 PM
ما منه ضرر اذا كانت الحرارة ما ارتفعت وكل شي طبيعي


السواقة في النمرة الثانية مثل السواقة في الخامس.. الفرق ان ضغط المكينة يكون مرتفع و تكثر صرفية البنزين وزيادة ازعاج على غير سنع :D


ان شاء الله ان موترك مافيه الا العافية.. وسع صدرك



بالتوفيق