المساعد الشخصي الرقمي

مشاهدة النسخة كاملة : فتك 2009 يطلع دخان مع بداية التشغيل


كاشت وحداني
15/12/2015, 01:11 PM
السلام عليكم ورحمة الله
كيفكم يا اعضاء مكشات
عساكم بخير
الموتر سفاري 2009 مكينة 4800
الممشى 200الف
داخل البلد طبيعي مافيه اي ملاحظه
اذا مسك خط وبعدين وقفت في محطه ولا ماشابه وطفيته
ثم شغلته يطلع دخان ابيض بشكل ملفت وكميه لاباس بها
ثم تختفي

سواها مرتين بين جده والليث
في وقفتين
ماهي تجاربكم ولا من مرت عليه المشكله
ومشكورين جميعكم مقدما
مطر وسم
15/12/2015, 01:23 PM
اعتقد الدخان اللي يطلع ويختفي من جلد البلوف صارت علي في ددسن وانيت غيرتهم وزانت .... وبقية الاخوان مايقصرون يفيدونك اكثر

بالتوفيق
ابوسند9
15/12/2015, 09:32 PM
وعليكم السلام
الوضع عادي ومرت على الشباب واجد
واحرص اذا معامل محطة بنزين معينه , جرب تغير المحطة .لان بعض المحطات يخلط مع البنزين ديزل , وكما شاهدنا وشفنا من وزارة التجارة واقفال بعض المحطات
اذا تقول لا والله اعبئ من كذا محطة , جرب بدل بلف تبخير المكينه ب 50 ريال
كاشت وحداني
15/12/2015, 11:32 PM
بيض الله وجيهكم على الافادات الطيبه .
باذن الله اشيك على جلد البلوف وبلف التبخير
ولاهل الخبره في الغربيه
هل هناك ورشه مخبوره للنسيان
الطائف
مكه
جده
ضواحيها
لامانع اهم شي شغله نظيف ماهو من الي يصلح لك شي ويحوس لك عشرة اشياء
ابوسند9
16/12/2015, 09:07 PM
اخوي كاشت
انتبة تغير جلد البلوف وصدقني , 99% من الورش راح يقولك جلد بلوف , وصدقني المشكلة مو منها
والفتك ماشاء الله ما يعرف شي اسمة جلد بلوف وممشى سيارتك ما شاء الله ممشى قليل
وتبي تعرف ان المشكله من جلد البلوف , شغل السيارة الصبح وخلها شغاله 5 دقايق , بعدين ادعس بنزين نص دعسه وعينك على الشكمان , هنا اذا شفت دخان ابيض فهنا نقول ,اما جلد بلوف او بلف تبخير
ونا اقول الوضع عادي ,اذا ما عندك نقص زيت
وخذها قاعده الفتك اذا كل مشكله عابره راح تبحث عن ورش وحل للمشكله راح تتعب معاه , لذا ادعس عليه يمشي سيدا
عاشق الغضا
17/12/2015, 11:15 AM
المشكلة عندك بلف التبخير حق الزيت بأذن الله وسعره 70 ريال .