المساعد الشخصي الرقمي

مشاهدة النسخة كاملة : مشكلة التشغيل بجيب ربع 2008


.عمر الخالدي.
16/12/2015, 01:27 PM
السلام عليكم ورحمة الله وبركاته
.
.
مشكلتي هي ان السياره ما تشتغل من اول مره لازم ادق سلف مرتين وثلاثه واذا اشتغل طلع دخان اسود شوي ويروح.
للمعلوميه مغير اسلاك وبواحي وصفاية البنزين.
ابوراكان تبوك
16/12/2015, 01:30 PM
اذا المشكله ظهرت فجاه
انتظر لين يخلص التانكي واحرص انه البنزين 95

واحيان يكون بسبب ضعف البطارية اذا كان فيها ضعف غير ملاحظ ماتلف السلف بالسرعه المطلوبه
مر محلات البطاريات وقيسها هل هي طبيعية او لا
ولو معك جهاز فحص البطارية الافضل تقيس قبل تشغيله الصباح
.عمر الخالدي.
16/12/2015, 01:32 PM
بنزين احمر
.عمر الخالدي.
16/12/2015, 01:36 PM
غيرت البطاريه قبل فتره ولازالت المشكله
ابوراكان تبوك
16/12/2015, 01:37 PM
طيب اذا شغلته يرتفع صوته وبعده بـ 3 ثواني ينخفظ تدريجي ؟؟
.عمر الخالدي.
16/12/2015, 01:42 PM
اول مايشتغل تحسه يكتم شوي يوم يكربن بعدين يصفا
ابوراكان تبوك
16/12/2015, 02:57 PM
التكتيمه لها مسببات كثير منها اللي انت غيرتها نستبعدها الان
اشهرها
1- خراب حساس العصفوره ( هذا يرفع الدعسه وينزلها تدريجي علامات خرابها عدم ارتفاع الرس بداية التشغيل او تعليق الدعسة )
2- منظم البخاخات ( بفحص الكمبيوتر يظهر ذلك - اذا شبكت الكمبيوتر وطلع ضغط الطرمبة نورمال بالاخضر مضبوط واذا طلع ماكس بالاحمر فيجيب تغيير منظم البخاخات )
3- انسداد قربة الرصاص ( اذا الموتر تحسه ثقيل قومه مع صرف بنزين وحراره ومايشتغل بسرعه دائما فالشكوك انه السده اللي جوا كنداسة الرصاص مقفوله ويفكوها بـ 60ريال ) لو كانت المشكله دائما وفي كل تشغيل قبل تشيل الرصاص انصحك تخلي العامل حق الشكمانات يفصل الشكمان من الامام حتى تقدر تجرب تشغيل الموتر وانت عنده اذا اشتغل بدون تكتيم شيل الرصاص واذا نفس الطريقة خله يرجع يركب الشكمان وماتخسر الا وجه بـ 20ريال +30شغل يد وهاذي طريقة فحص الدبه حقت الرصاص لانه تخاف تشيلها بدون فائدة وقيمتها حول 2700ريال
4- اتساخ البخاخات ولا لها مؤشر يدل عليها لكن مبدأيا جرب منظف من شركة ميستوبيشي اوصى عليه المهندس أصيل الحجازي
5- نادرا يكون السبب برمجة لانك مغير بطارية يحتاج فتره حتى يتبرمج الحاله
.عمر الخالدي.
16/12/2015, 04:26 PM
التكتيمه لها مسببات كثير منها اللي انت غيرتها نستبعدها الان
اشهرها
1- خراب حساس العصفوره ( هذا يرفع الدعسه وينزلها تدريجي علامات خرابها عدم ارتفاع الرس بداية التشغيل او تعليق الدعسة )
2- منظم البخاخات ( بفحص الكمبيوتر يظهر ذلك - اذا شبكت الكمبيوتر وطلع ضغط الطرمبة نورمال بالاخضر مضبوط واذا طلع ماكس بالاحمر فيجيب تغيير منظم البخاخات )
3- انسداد قربة الرصاص ( اذا الموتر تحسه ثقيل قومه مع صرف بنزين وحراره ومايشتغل بسرعه دائما فالشكوك انه السده اللي جوا كنداسة الرصاص مقفوله ويفكوها بـ 60ريال ) لو كانت المشكله دائما وفي كل تشغيل قبل تشيل الرصاص انصحك تخلي العامل حق الشكمانات يفصل الشكمان من الامام حتى تقدر تجرب تشغيل الموتر وانت عنده اذا اشتغل بدون تكتيم شيل الرصاص واذا نفس الطريقة خله يرجع يركب الشكمان وماتخسر الا وجه بـ 20ريال +30شغل يد وهاذي طريقة فحص الدبه حقت الرصاص لانه تخاف تشيلها بدون فائدة وقيمتها حول 2700ريال
4- اتساخ البخاخات ولا لها مؤشر يدل عليها لكن مبدأيا جرب منظف من شركة ميستوبيشي اوصى عليه المهندس أصيل الحجازي
5- نادرا يكون السبب برمجة لانك مغير بطارية يحتاج فتره حتى يتبرمج الحاله

دبة الرصاص الي هي الشخالات مفكوكه وغير افحص الحساس والمنظم
انا مشكلتي اذا كان طافي له ساعه ساعتين اما اذا كان بارد يشتغل تمام التمام ...ويعطيك العافيه ماقصرت افحهن وارد لك
يالبى الهلا
16/12/2015, 07:32 PM
بالنسبة لتأخير التشغيل اكتب من واقع تجربة في اللاند فية حساسين بالقرب من كوع الحرارة او البلف برأس المكينة حساس لقراءة العداد في الطبلون وحساس مرتبط بالكمبيوتر


اذا خرب الحساس الصغير المرتبط في الكمبيوتر يتاخر التشغيل اكثر من مرة خاصة الصباح او تكون السيارة لها فترة طويلة واقفة
صويب البرق
24/12/2015, 05:51 AM
هههه تعال صف جنبي انا لي سنتين وماحليت هالمشكله مايشتغل الا من ثالث نقره اذا كان بارد واشم ريحة بنزين واذا ساخن ميه ميه واتوقع بعد تجارب وفحوصات انها الكويلات واحد منها ضعيف توليده للكهرباء