حرارة سلفرادو 2013

[خالد الحفر]

السلام عليكم ورحمة الله وبركاته
عندي مشكله وهي ان حرارة الموتر تطلع فوق النص بحدود 109 الى 108 وا\ا شغلت المكيف ثابته على 100 النص ؟؟؟
بعد فحصه بالكمبيوتر الحرارة 109 الى 108 تشتغل المروحة لكن بعد اشتغال المروحة ترجع الحرارة لوضعها الطبيعي وهو 100
ابي الحل لهالمشكله مع العلم غيرت حساس المروحة يسار المكينة
فحصت المراوح شغاله
فحصت البلف شغال
فحصت الرديتر مافيه تهريب نظيف
ابي الحل من اللي حصل معاهم هالشي وصلحوه او مر عليهم وعرفو السبب

[وطن العزة]

موترك طبيعي ما فيه شي أبد

خصوصا مع الوقوف أو مع الزحمة و بسرعات متدنية

لأن المراوح طافيه ولا تشتغل إلا إذا وصلت الحراره بعد النص و قبل الثلاث أرباع

كلامي فوق اذا المكيف طافي فقط ، أما إذا المكيف شغال فهي ثابتة على النص لموديلات 2007+ و موديلات 2006 و قبل تكون أقل من النص بشرطه

[خالد الحفر]

زي ماتفضلت وكلامك تمام لكن انا مستغرب من هالشغلة موتر جديد ماشي ظ¤ظ× الف بس موديله ظ¢ظ×ظ،ظ£ والله ماخليت. ورشه الا جيتها ولا خليت كهربائي الا وصلته مانفع نهائي وبالعكس اول ثابته على ظ،ظ×ظ× سوا واقف او ماشي سوا مشغل مكيف او طافي الحرارة ثابته ع ظ،ظ×ظ× لكن حالياً اختلف الوضع صار الوقوف يوصل قبل ثلاث ارباع بالممشى تنزل بالمكيف ابد ثابته ع ظ،ظ×ظ×

[وطن العزة]

أي موتر مراوحه طافيه بترتفع حرارته حتى لو إنه جديد أصفار و تعتمد هذي على حرارة الجو...

اللي اختلف عليك أو بالأصح على موترك هو عامل الجو

معي 2006 اذا كان الجو باااارد حتى لو اوقفه ساعه ما تتعدى حرارته النص
و أحيان اذا كان الجو معتدل بس بدون مكيف تتعدى الحراره النص اذا وقف 10 دقايق و حولها و بعدها تشتغل المراوح و يرجع كل شي طبيعي

[خالد الحفر]

بس المشكلة مو هنا المشكله انه كل شوي ترتفع حرارته وتشتغل المروحة وتنزل الحرارة ثم شوي وترتفع وكذا طول يومها فاكيد لها حل بس ماحد عرف لها

[وطن العزة]

دامها كذا إبدأ بالاسهل و غير بلف الحراره إحتمال فيه مشكله و

يتأخر ما يفتح

[خالد الحفر]

باشوف الوكيل وننتظر يمكن يطلع احد مر عليه هالشي يفيدنا احسن من الوكيل ومغثته

[الحربي 591]

ارتفاع بسييط جدا وما يأثر ولا يضر...
بس تأكد المراوح شغاله ولالا قبل ما ترتفع..

لكن اذا ما تطمن قلبك روح محلات برمجه السيارات سوي برمجه للمراوح تشتغل على السرعه اللي اقل من السرعه يوم تشغل المكيف..

يعني اذا كان على النص تبقى شغاله وهذا المفروض

[خالد الحفر]

ارتفاع بسييط جدا وما يأثر ولا يضر...
بس تأكد المراوح شغاله ولالا قبل ما ترتفع..

لكن اذا ما تطمن قلبك روح محلات برمجه السيارات سوي برمجه للمراوح تشتغل على السرعه اللي اقل من السرعه يوم تشغل المكيف..

يعني اذا كان على النص تبقى شغاله وهذا المفروض

المراوحة شغاله مع المكيف ولما ترتفع الحرارة تشتغل المروحة على طول عندي جهاز الفحص الصغير اشيك على الحرارة تكون 108 تشتغل المروحة ع طول

[تركي العناصي]

السلام عليكم
صبحكم الله بالخير جميع
بالنسبة لحرارة السلفرادو انا معي سلفرادو 2013 و هذا الشي طبيعي على كلام موظف في محل لقطع التعديل والبرمجة على السيارات وانا اساساً كنت رايح له عشان يفكني من المشكلة ذي عن طريق البرمجة ولكن الرجال نصحني وبصراحة سمعت لنصيحتة والحمد لله الا الان ماواجهتني اي مشاكل
النصيحة اللي قالي عليها واقنعني بها انه لا تبرمج المراوح وتخسر نفسك لانه راح يكون لها تبعات مكلفة من ناحية الصيانه والعمر الافتراضي للمراوح وسار بيني وبينه بكل امانه نقاش طويل ابي اقنعه بالبرمجه وهو يقول نصيحة ابعد عنها تقول انه هو راعي الموتر وانا راعي المحل وابي اخذ فلوسه
وسوينا تجربتين للسيارة وقدامي عشان يقنعني بعدم البرجمة
التجربة الاولى : ترك السيارة شغالة بدون تشغيل المكيف وفاتحين الكبوت ونسولف عادي اللي ساير بالنسبة للمراوح طافية ولاهي بشغالة اخذنا شوي واشتغلت من حالها قالي روح طالع للحرارة ورحت وفعلاً لقيتها متعدية النص ولكن بمجرد انه اشتغلت المراوح بدات حرارة السيارة برجوع للوضع الطبيعي اللي هو النص وبمجرد انها وصلت للنص طفت المراوح وبرضه كملنا سوالف المروحة طافية اخذنا شوي ورجعة اشتغلت المراوح ونفس الشي اروح اطالع لحرارة السيارة القاها متعدية النص وترجع تتناقص للوضع الطبيعي هذي التجربة الاولى
التجربة الثانية : تركنا السيارة شغالة والمكيف شغال وجلسنا مايقارب الساعة الا ربع و الحرارة ثابته وطبعاً المراوح شغالة لانه بمجرد تشغيلك للمكيف المراوح تشتغل هذي التجربة الثانية
طبعاً التجربتين والسيارة واقفة
وعشان يطمني اكثر قالي رح كم مشوار بدون مكيف وكم مشوار بمكيف راح تلاحظ ان الحرارة على النص دام السياة ماشية
وفعلاً هذا اللي حصل وبعدها اقتنعت ولا برمجت ولا سويت اي شي في سالفة الحرارة والمراوح
اعتذر اني اطلت عليكم ولكن للامانه انا اول ماسار لي هذا الشي ارتعت قلت المكينة راحت ولا انه في بلا في السيارة ورحة لكذا محل كهربائيين ومعروفين عندنا بالدمام وكلهم قالو طبيعي ولكن اذا تبي تبرمج كيفك ف رحت لرجال وطلع ابن حلال نصحني ولا ضحك علي
عموماً اخي العزيز حبيت اعلمك انه الشي ذا طبيعي والله يعطيك خيره ويصرف عنك شره
وتقبل مروري