ايهم افضل خيمة الشقردية او خيمة المجلس

[ابو صالح 2]

السلام عليكم ورحمة الله وبركاته

طلع خيام جديده اسمها الخيمة الشقردية والخيمة المجلس

كل وحده لها مواصفات تختلف عن الثانية


وش رايكم وش الاحسن

المواصفات:

1- خيمة المجلس
المقاس 2*3
http://www.mekshat.com/pix/upload06/images/2015/12/mk222343_0017-20151213.jpg






2- الخيمة الشقردية
المقاس 3*3

http://www.mekshat.com/pix/upload06/images/2015/12/mk222343_0018-20151213.jpg






طبعا كلها مبطنه مثل ماهي بالصوره

وش رايكم وش الاسهل والافضل واللي جرب يعطينا تجاربه نستفيد منها

[اوفا]

اهم شي اللي تقدر تنصبه وتفكه لحالك

[عبدالله فهد1]

انت شف السعر والجوده واحكم وبيني وبينك زينه ولا هي زينه
زينه اذا جلست في مكان والجو فيه هوى او رش مطر على طول قلبها الا الخيمه جاهزه وفكها وتسفيطها سريع وخفيفه
لكن المشكله مالها مضله او على قولت الشيبان برنيطه من قدام على الباب لان اذا جاء مطر لازم تسكر على نفسك ولا بيقطر المطر مع شفت الباب من فوق لانها مايله يعني يبيلك شراع وقت المطر وبرضه اذا انها تعيش يعني ماتطلع اصياخها من القماش مثل بعض خيام البولستر
هذا رائيي يوم طلبت الراي وانت ابوها وسمها .
وتقبل خالص تحياتي ,,,

[أبو شيري]

أنا أعتبرها خيمة طواري أو خيمة مبيت فقط

يعني لو تتمشى أو كاشت وعليك هواء وبرد أو غبار قوي ولا ينفع الرواق
هذي تنفع تمشي أمورك وتخلص غداك أو تنام فيها

لكن تراها ليست جديده موجوده عند المرباع من أكثر من سنتين فقط تم تطويرها في بطانه

ولا تحكم عليها الا اذا شاهدتها على الطبيعه قد لا يعجبك الأرتفاع


اذا تبيها خيمه اساسيه ما تنفع اذا تبيها خيمة مبيت أو طواري فخيمة المجلس أفضل
لانك راح تقدر تضع عليها شراع او طربال في حال المطر
وتثبته من الخلف ومن الامام يكون على شكل مضله لان ارتفاعها متر ونص فقط
أما الشقرديه شكلها هرمي لن يضبط معك عليها الشراع


بخصوص السعر مافيه مفرق يذكر فقط 20 ريال الفرق

الشقرديه ب 950 ريال
المجلس ب 930 ريال

الأبعاد 3 في 3 والاخرى 2 في 3 يعني نفس خيام المبيت الكبيره وفرق السعر كبير تقريباً دبل السعر

وسلامتك

[رجل الغابه]

انا ابي الشقرديه بس مالقيتها في محل القاضي وين القاها

[قفشر]

الاخ ابو شيري ماقصر ما شاء الله عليه بس عندي تعديل بالنسبة لسعر المجلس ب730 ريال
وبعد التواصل مع القاضي للخيام المجلس متوفرة بفرع الرياض بس الشقردية مخلصه ويقول قريب بتجي.

[ابو صالح 2]

يعني يا شباب الافضل الشقرديه

فيه احد مجربها بالهواء ولا بالمنام زينه ولا لا

انا احس الشقرديه اوسع واطول لو بتجلس فيها


اما المجلس ماتنفع تقريبا الا للنوم لانها قصيره

[ابو صالح 2]

الاخ ابو شيري ماقصر ما شاء الله عليه بس عندي تعديل بالنسبة لسعر المجلس ب730 ريال
وبعد التواصل مع القاضي للخيام المجلس متوفرة بفرع الرياض بس الشقردية مخلصه ويقول قريب بتجي.

رايح له الاسبوع الماضي يقولي بتجي بعد شهر مدري يزحلقني ولا صادق :(

[طالب المعرفه]

انا في الرياض وين احصلهن فيه

[تحدي]

عندي المجلس حلوه ومشتراها ماهو خساره وسهلا جدا
وكنت أفضل الشقرديه بس ما لقيتها وتأخر على ما تجي

[خالد الشمري20]

السلام عليكم ورحمة الله وبركاتة


يا أخوان قرأت تحذيرعن الخيام الي تشبه الأبل أن الفحل يركب عليها يحسبها ناقة بهدف الجماع راجعوا هذا الربط ضروري



http://www.mekshat.com/vb/showthread.php?706822-%CA%E4%C8%E5-%E1%E3%D3%CA%CE%CF%E3%ED-%CE%ED%C7%E3-%C7%E1%E4%E6%E3

[ابو صالح 2]

انا شريت المجلس ولا يعلى عليها انا شفت مقاطع للشقرديه واحسها ماتنشد زين اذا في هواء ولا شي
وبالجوانب ما احد يقدر يجلس بسبب الميلان

اللي شرا الشقرديه ياليت يعطينا تجاربه فيها

[أبو نادر.]

وسعرها الحالي يوصل فوق الف ريال أسعار مبالغ فيها

[أبومؤيد1]

عن تجربة صديق يقول المجلس زينه وسعرها 740ريال
وسعر خيمة الشقردية القاضي الان عليها تخفيض 825ريال /// هاتف 0555892257
وسعر خيمة ساري العقيلات نوع طبقتين 1000ريال وثلاث طبقات 1150ريال/// هاتف0569020465
وموفق لكل خير

[كرم نت]

من واقع تجربة لخيمة الشقردية هي رائعة وتحتاج إضافة أطناب لحبال الزوايا علشان الهواء الشديد
ولها طريقة طرق يكون إطارها أصغر

سهلة التركيب والطرق والتركيب وزنها تقريبا 35 كيلو

تحياتي

[أبو نادر.]

خيمه الشقرديه جربتها خفيفه إذا فيه هواء
الخيمه تتحرك تحس انها بتقلب عليك تتطيح
تتمايل حتى لو حطيت الموتر اتجاه الهوا نفس الشي تتحرك بسرعه ماعليها اتكانه
النوع هذا مايصلح تعتمد عليه الهوا أو المطر التجربه بدون اطناب
تصلح الجو الزين وإذا الجو زين مانبي نقعد داخل الخيمه يقعد برا يناظر سما ربي

[نفح البرادي]

السلام عليكم

الشقردية ممتازة في الأجواء المعتدلة ، لكن ماتنفع في الهوى لخفتها وارتفاعها