اسهج به فياض(ن) واعدي مراقيب

[سما وماء]

.

الشعر هاجس الشعراء ومتنفسهم للتعبير عن مكنونات النفس وهو وسيلة التواصل فيما بينهم والمساجلات بين الشعراء تعددت اغراضها فمنها ابراز قدرة الشاعر ومنها الغزل والفكاهة والحنين ومنها الاخوانيات ، كما دار بين الشاعر فالح فهد السبيعي والشاعر صقر الروق السبيعي






http://s.alriyadh.com/2015/12/18/img/696226808016.jpg


الصوت: للشاعر فالح فهد السبيعي


قدلي شهر ودي على سجة الجيب
ودي أسوقه سوق وابعد مصده
اسهج به فياض(ن) واعدي مراقيب
واللي براسي والله اني ما رده
مع خوة الصاحب عطيب المضاريب
الصاحب الوافي وقولي اعده
صقر ليامنه عوا الذيب للذيب
محزم ضفر لا صار بالوقت شده
يا محلا والشمس في حزة مغيب

شوف السحاب اللي بعينك تلده
نوّن من المنشا غداله عقاريب
برقه حقوق وراعده فيه حده
والنار مشبوبه وتصلا المراكيب
وبالدله الرسلان كيفن نعده
هذا هوا بالي بكل المطاليب
حتى لو انها سهلتن مجرهده
وصلاة ربي عد فعل المواجيب
على النبي واعداد جزره ومده



http://s.alriyadh.com/2015/12/18/img/460001608970.jpg


الصدى: للشاعر صقر الروق السبيعي


سر يا قلم واكتب جديد المكاتيب
وارسل سلامي يم فالح وبده
الطيب اللي ما تجيه العذاريب
من روس ربعن كل عايل تضده
فالح خويي عادته كسبة الطيب
ما هوب هلباجن يبيح ابسده
نعم ابخويي ما مشى سكة العيب
ولا هوب من راسه يروم المخده
أنا أشهد انه غير كل الاصاحيب
اذراع يمنى من ظروفه تشده
وأنا معه باليسر والعسر ما هيب
نظرب جراهيد الديار المصده
فالح معه جيب(ن) وانا موتري جيب
ولا شريناهن نريد المكده
نبي اليا شفنا المزون المراهيب
امحمله على المطر مستعده
وهلت مطرها فوق حمر العراقيب
همال غيثن كل حي(ن) يوده
نجيلها والعمر تاليه تغريب
والآدمي مصير قبره مرده

[ابو البر]

بارك الله فيك
امتعتنا وشكرا لك .

[قوافي ( أم نهار )]

السلام عليكم ورحمة الله وبركاته
جزيل الشكر اخي الكريم لأختيارك المميز
وصح لسان الشعراء
تحياتي وتقديري واحترامي

[أبوفهدالمزيني]

صحت السنتكم

شعار جزلين والله يعطيكم العافيه