استفسار لو سمحتم؟؟؟؟

[roads hero]

السلام وعليكم ورحمة الله وبركاته
كيف حالكم
.
..
...
....
.....

يالربع عندي مشكلة صارت لي أمس

كنت رايح لمشوار إلا واشم ريحه زيت محترق

لاهنتو الموتر باترول 92 القصه ومافيها اني
نسيت علبه زيت دركسون ف الكبوت وطاحت عند القزوز وذابت العلبه على القزوز :😱 😱
المهم انا اول ماشميت ريحه وقفت علطول ولقيت العلبه ناشبه وزيتها صاب على القزوز
طبعا يوم وقفت
جلست انظف القزوز وقشعت العلبه من منها وشلت بقاياها كلها
الحين هي نظيفه مابها أي بقايا


لكن السؤال / هل فيه ضرر على القزوز ؟؟؟يعني علبه زيت بلاستك ذابت على القزوز مابه ضرر ،،،،،

طيب بخصوص البقايا بكيفها اذا جت على الريحه بس
انا اخاف تسبب شقوق و تهريب ف القزوز لانه العلبه احترقت على القزوز
بس ماطولت يمكن ربع دقيقه

السؤال هل ذوبان علبة بلاستيكية على القزوز يسببلها مشكله أو يأثر عليها مستقبلا (ضعف-تنسيم -شق ) وغيره

لاهنتوا أفيدونا مشكورين ...
تحياتي،،،

[م س س]

وعليكم السلام
ما منه ضرر وما بقي حاول تشيله بشيء حاد بس الزيت اللي انكب اذا جاء على قطع مطاطيه مثل كرسي المكينه او جلد المقصات وما شابهها الأفضل ان تنظفه لأن زيت الدركسون ( الأحمر ) يقطع الجلد

[roads hero]

وعليكم السلام
ما منه ضرر وما بقي حاول تشيله بشيء حاد بس الزيت اللي انكب اذا جاء على قطع مطاطيه مثل كرسي المكينه او جلد المقصات وما شابهها الأفضل ان تنظفه لأن زيت الدركسون ( الأحمر ) يقطع الجلد
مشكور على مرورك
طيب ياغالي وش انظفه به ،،،، هو صراحه صاب على عمود الدركسون والمقصات مادري هل وصلها ولا لا لكن احتياط انظفه
لكن زي ماقلت لك ممكن اعرف وش تنصح انظف الجلد به ؟؟؟

[ابو صالح 4]

السلام عليكم ورحمه الله وبركاته
انتبه لا تنظفها وهي حاره ترا تنشعر القزوز واضن ان تركها بدون تنظيف لا يضر نظرا للحراره العاليه للقزوزحيث الحراره تحرق كل شي
شف انت المواد الصلبه وشلها ونظف اللي على القطع المطاطيه وان شاء الله ما قدامك الا السلامه

[أبوصالح9]

الحمد لله على السلامة - والحذر يا إخوان من وضع الزيوت داخل الكبوت - احد اسباب حرائق السيارات منها

[ابوراكان تبوك]

اول مره اسمع انه زيت الدركسون ياكل الجلد يا اخي م س س طيب كيف مستحملته الليات وطقوم الاصلاح
الزيت مرطب لجميع الجلد ولا ياكلها
اذا عندي خطأ عدلو لي لان الكلام هذا اول مره اقراه
اللي ياكل الجلد حسب القوة من الاقل للاعلى
1- البنزين
2- الديزل
3- القاز

بخصوص مشكلتك ياصاحب الموضوع القزوز هي من الحرارة تنظف الحالها من الباقايا
اما الزيت اللي انكب مامنه ضرر واذا مزعجك اغسل السيارة بستم وكثر الصابون ع بقايا الزيت خلي عامل المغسله ينظفه زين ولوتعطيه زود 5 ريال تشوف النظافة صدق

[roads hero]

شكرا لكل من افادني الله يجزاكم خير جميعا ويبعد عنكم كل مكروه
وبالفعل ياخواني انتبهوا من وضع العلب وسط الكبوت
تحياتي ،،،،