لقيت الجرة وقصيتها ولقيت الحبارى ميتة . وش السالفة .. (( أبوشعلان ))

[أبو شعلان]

بسم الله الرحمن الرحيم

صبحكم الله بالخير جميعاً .. وعساكم طيبين ... إسمعوا ياجماعة الخير ....
قبل أسبوعين كنا قانصين الصمان وأخذنا فيه أسبوع وأول أربع أيام مانخفي الجرة بس كلهن طايرات إلا وحدة هد عليها واحد من الربع وضيعنا الطير هو والحبارى وبعدها بشوي لقينا الطير حال ويحوم ...
المهم أخر يومين قالو الربع نبي نقرب للنفود . وتوجهنا له .. وقبل ماناصل النفود.. صوت لنا واحد من الربع قال عندي جرّة دجاجة عجلوا علي .. 5 دقايق وحنا عندة ... وبدينا نقصها بين عواشق وتدخل الفياض وتطلع وكانت الجرة ماهيب جديدة بالحيل لكن إذا جت المذاري تقول عندك هالحين ... المهم عندك عندي عندك عندي ... إلين جيت ورا ذيك العوشقة إلا جرتها محبرية عليها وقدام شوي فيه ريش واجد .. قلت للربع الله العالم إن مفرسها عندي ... جاني اللي لقا الجرة ويوم قرب مني قال شف الحبارى بكبرها مجدوعة ... والله الحظ الأقشر :mad: :mad:

http://www.mekshat.com/pix/upload/images25/mk6045_00100.jpg

الظاهر فيه أحد هاد عليها لأني أشوف جرة مواتر حولها ...
.
وبعدها وقفنا في فيضة وصلينا وبعد مامشينا وأخذت لي يمكن كيلوين عند هاك العوشقة إلا والله جرة هاك الخرب اللي يروع جديد ... وأصوت للربع عجلوا علي .. كلهم مامن بعد تونا مصلين :o ... ويوم إجتمعوا وبدينا نقص ومشينا معها شوي ورقت الجرة فوق هاك الحزم وماطلعت منه .. رقينا عشان نطلع الجرة إلا والله محبرية على هاك الحصاة وعاكسة هريب ... إلا والله جرة الموتر اللي حافر الأرض موسطها بين الكفرات ولقينا مطيرها ... بس مادري هو هاد عيها وإلا محاول يصدمها ...

الصراحة ضاقت صدورنا وعلى وجهنا لم النفود وأمرحنا فيه ومن بكره قنصنا منكفين


يتــــــــبع

[أبو شعلان]

نكمل لكم السالفة


قلت للربع عندي إحداثية حاطها مبطي ومدري وشي أبروح أشوف وشي هالاحداثية عني 3كم المهم يوم وصلت للأحداثة إلا والله هاك الفيضة الخضراء وبوسطها شوي سدر ..
دخلت وسطها ودوجت ويوم قربت لم السدر إلا وش أشوف : الله لايجزاهم خير ...


http://www.mekshat.com/pix/upload/images25/mk6045_00400.jpg


حباري ثنتين منسرين من الثندوه شي بسيط وماخذين الجنحان ..ملواح ...


http://www.mekshat.com/pix/upload/images25/mk6045_00200.jpg


http://www.mekshat.com/pix/upload/images25/mk6045_00300.jpg


وبعد ماضيقوا صدورنا ومشيا ... صوت لنا واحد من الربع قال عندي أربع مفارس مابين الواحد والثاني إلا يمكن 6 إلى 10متر بس ..


عقبها عرفنا إن الحباري مفكوكة ومهدود عيها ...


إخواني الكرام تراي ماطولت عليكم إلا إني أبفضفض شيٍ بصدري :( :( ... ولكن أهم شي عطوني رايكم بالي صار :good: ....

ناس تقنص وتكرف ماتلقى شي وناس تفك حبارى وتلعبها لعب ... رايكم يهمني ...........

ولاتواخذوني على هالفلسفة ...


,,,,,,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,,,,,,,,,,
:j

[أبوأحمد98]

حسبي الله ونعم الوكيل
الشي هذا يبي يحاسبون عليه وانا خوك
وفعلا شي يضيق الصدر
وعساك تصيد وتفيد دوم يــ ((ابوشعلان))
موفق الخير

[راشد الحربي]

عزي لمن راس ماله ريالين ..

الشكوى لله وانا اخوك ..ماهي باليد ..

[عرق رملان]

ابو شعلان
الله يوفقك يارب
وان شاء الله المره الثانية .. تكتب لنا عكس الاخبار هاذي
بالتوفيق

[Nawwaf_q8]

حسب ماعرف ان الانسان راح يسأل عن كل دابه قتلها حتى لو كانت بحجم عصفور...
ياخي لو الناس اللي صادو هالحباري مايكالونها على الاقل يوديها للي يستفيد منها من رعيان وغيره احسن من رميتها بهالشكل...والصراحه انا لاحظت ان المقناص دخلو عليه ناس لاهم منه ولا هو منهم...وهذا اللي خرب على الكل...عندنا بالكويت ناس تحب ترمي بالشوزن والله مسلطهم على الحياره ياخي الطيور واجد قال لا الحباره غير وخربو على هل الطيور ....
واللي يقول ان الحياره راح تنقرض بعد 25 سنه اقول له غلطان...اذا استمر الوضع على ماهو عليه عز الله بيصير ذكر الحباره مثل ماتذكر الناس الظبي والغزلان

[المري]

الله يهديهم .. عزالله انها تكسر الخااااطر..

ومن لون الحباري عرفت انها علايم.. ماهيب من الروض..

عسى الله يهديهم ..

اخوكم - المري

[الاكستريما 2]

في الاخره بيسال عن هالشئ وش بيكون رده
حسبي الله عليكم ونعم الوكيل جعل طيورهم تضيع علشان يعرفون يلعبون بالحباري ولا يلقون طير ابد واذا اشترو يموتن عندهم

[ابو عايد]

مرحبا أبو شعلان


والله ان الصور احزنتي، الله يهديهم .. عزالله انها تكسر الخااااطر..


هذا والله الاثام... !

[صقر20]

صور تؤلم .............. والله ماكنت أتوقع إني بيوم من الأيام راح أشاهد مثله
غثتني زود الصوره الأولى .....كان يوم فرس منها طيرهم شالوها معهم وتحمدو الله على النعمة
شكلهم يصورون عشان هالقنوات الفضائية ...
مشكور أبوشعلان على الصور

[خيال الصبحا]

السلام عليكم

والله انهم غثوني
إذا صادوها ليه ماياخذونها
معهم , انا ادري انهم شبعانين
وعيال نعمه , ولكن بكذا يحل عليهم
وعيد النبي صلى الله عليه وسلم .
وان شاء الله ان الله يرزقك
بخرب يفضخ القلب
وشكرا لك

[أبو شعلان]

أخوي أبو أحمد

بيض الله وجهك ومشكور وماقصرت

تحياتي لك ..........

[أبو شعلان]

أخوي راشد الحربي

يامال العافية وأنا ادري إنها ماهيب باليد .. وإلا عرفنا نتصرّف ...

مشكور وماقصرت يالغالي ...

تحياتي لك..............

[أبو شعلان]

أخوي أول مشاركة

الله لايهينك يالغالي على هالدعوه الزينة وبإذن الله نبي نكتب لكم موضوع يحبّة قلبك

تحياتي لك.................

[نجم حفرالباطن]

الله يجزاك خير ويوفقك

[عديم]

السلام عليكم
هذا ألي يخلي الواحد يسمح مره وحده ,لا تستغرب قل الحباري تصاد في مفارخها وتجاب شي حي وشي ميت صارت تجاره
يقول ابن عون حشرت طيور البر حتى العصافير من يوم دور وراها تجاره
وسع صدرك والله كريم انشالله

[أبو شعلان]

أخوي نواف

ياهلا ومرحبا فيك .. كلامك ذهب وعزالله إنك صادق .. ولكن لاحياة لمن تنادي ... الله يجزاك خير يالغالي ...

تحياتي لك ...........

[قناص الحبارى]

أخوي الغالي / أبو شعـــلان ،،

يامال العافيه .. وبيض الله وجهك .. بس الشكوى لله ،،

بعض الشيبان عندي شافوا الصور والموضوع وتحسبوا عليهم وقالوا بالحرف الواحد

(( حسبي الله عليهم هالفسقانين .. يالله لا تعاقبنا ))

الواحد يفرح بشوفة الجره ويفز قلبه لا نفج الخرب وهذولا ما غير يلعبون ,,,!!!

أخي موضوعك ممتاز ويجب أن يكون هناك طرح من المقانيص يوضحون فيه آرآئهم وأن مثل هالأعمال المشينه لا تليق بمن يسمى قناص أو صياد فهي خلاف الهدف المنشود من الصيد والله نخشى العقوبه من الله إن لم نتحرك ..

آسف على الإطاله ولكن الصور مؤثر أخي


لاحرمك الله الأجر ،،

أخوك / أبو عبد العزيز

قناص الحبارى

[الفهد11]

والله انه موضوع يحزن
وهذا وانا اخوك فسق زايد وانكار للنعمه
الله لايسلط علينا يارب.

ولا المفروض يوم علفو طيرهم ضفوه معهم ولا يجدعونه بها الشكل الغير لائق للصقارين

تحياتي لك:الفهد11

[الفتى المجازف]

صور تؤلم .............. غثتني كل الصور .....
شكلهم يصورون عشان هالقنوات الفضائية ...


هنا بيت القصيد كثرت القنوات الفضائية وهي التي تعرض مقانيص (الدجاج والحمام) فتحت المجال لاولئك لكي يعبثو بتلك الحياة الفطرية.
شكرا للجميع وعسى ان نبادر لحماية الحياة الفطرية في بيئتنا فهي معرضة للدمار والاسباب كثيرة.

[هاوي مقناص]

السلام عليكم ورحمة الله وبركاته .

حسبي الله ونعم الوكيل

عسي الله يوفقك يا ابو شعلان ،

فعلا قصه محزنه بعض الشئ ،

وعساك صايد وفايد في رحلات القنص .

ودمت .

اخوك:
هاوي مقناص .

[عبدالله الصالح]

حسبي الله ونعم الوكيل

هالحين الواحد لا لقا جره تلقاه يرتبش ويفرح وينادي اخواياه

وناس تلعب بالحبارى ولا تاكل منه شي

اجل وشوله تعلم طيرك على صيد الحبارى

عشان ياكل منه

والا عشان انت تاكل منه !

والله يافيه ناس داخله في مجال الصقور غلط !

مشكور اخوي ابو شعلان

وانا خابر انكم انصدمتو يوم شفتو الي شفتوه

لكن الشكو لله




اخوك القصمنجي ،،،،،

[المذاريب]

إن هذه الأعمال التي قام بها هؤلاء من تعذيب لهذه الطيور وإتلافها ومن ثم رميها وعدم الإستفادة منها في الآكل خاصة وأنها من الطيور النادرة سيسالون عنه يوم القيامة كما ورد عن النبي صلى الله عليه وسلم حيث نهى عن قتل الطيور بلا حاجة وستحسبه يوم القيامة وأخشى أن يعاقب هؤلاء على سوء صنيعهم بهذه الطيور فلا حول ولافوة إلا بالله العلي العظيم وأسال الله العفو والعافية ..

[ريف النشاما]

بارك الله فيك أخي ابو شعلان على طرح هذا الموضوع القيم

والذي يندى له الجبين حقا

ولكن ما نقول إلا حسبي الله ونعم الوكيل


وهذه فسقه الله لايزيل نعمته عنا

وتقبل تحيتي

[عاشق القطاره]

حسبي الله ونعم الوكيل

الله لا يرزقهم و لا شـــــــوفها

و لا يوفقهم

ذووووول شكلهم ما يعرفون الحباري

والي ما يعرف الصقر يشويه

قمة القهرررررررررر

[طاروح مطير]

السلام عليكم ورحمة الله وبركاته
والله هالسالفه غريبه بس الله يوفجك بالصيد الوفير ونسمع منك اخبار طيبه

[الصياد البري]

حسبي الله ونعم الوكيل
الشي هذا يبي يحاسبون عليه وانا خوك
وفعلا شي يضيق الصدر
وعساك تصيد وتفيد دوم يــ ((ابوشعلان))
موفق الخير

[الوهـ قحطان ـاج]

اخوي أبو شعلان

انا مابقول الا حسبي الله ونعم الوكيل على قناصه مثل هذوووووووول

والله حرام عليهم

والمشكله معظم الصقاره كذاااااااا

تحياتي لك

[الضاري]

والله ضيقت صدورنا معك يابوشعلان

لكن حسبي الله ونعم الوكيل

[عاشق البسيتين]

هذا الفعل اللي صار يشوه سمعتنا حنا يالصقاره

والصقاره ماهي هذي علومهم

[أبو شعلان]

بسم الله الرحمن الرحيم

أخوي أبو معيض
ألف شكر لك على مرورك الرائع وردك الجميل وصدقت عزالله إن لونها يميل للحمار شي بسيط ...
مشكور وماقصرت يالغالي ...

أخوي خوي الطير
مشكور على مرورك يالغالي وأشكرك على هذه الغيرة ... ولكن لايصل الدعاء إلى هذه الدرجة خلنا نقول الله يهديهم يكون أحسن ...الله لايهينك يالغالي ...

أخوي ومشرفنا الغالي أبو عايد
لاهنت يابو عايد على مرورك بالموضوع وأشكرك على إبداء رأيك يابعدي ....

أخوي صقر 20
مرحبا مليون يالغالي .. الله يستر الظاهر من اليوم ورايح بتشوف أكثر وأكثر ... أما من ناحية القنوات الفضائية .. هذا كان رأي واحد من الربع كان متوقع نفس كلامك أول ماشفنا الثنتين سواء ... مشكور لاهنت يالغالي ...

أخوي خيال الصبحا
عزالله إنك صادق لو أخذوها معهم كان أهون شوي .... والله يسمع منك ويرزقنا الحباري الواجد وكل من يقراء
الله لايهينك يالغالي ومشكور على مرورك وردك الجميل ...

أخوي نجم حفر الباطن
مشكور يالغالي على مرورك والله يتقبل منا ومنك ...

أخوي عديم
بارك الله فيك يالغالي ... أما راعي الولع مايسمح خاطر مها كان ...وإبن عون ماقصر لخّص هالصور كلها صح لسانه ولسانك .. وألف شكر لك أخوي عديم على مرورك ومشاركتك اللي نورت الموضوع ....

أخوي قناص الحباري ( أبوعبدالعزيز )
ياهلا والله ومرحبا أول شي حب لي خشم كل واحد من هالشيبان وقلهم بيض الله وجيهكم ... وثاني شي أشكر شكر خاص على تفاعلك معي بالموضوع ... ولكن ياليت أحد يتحرك ...
مشكور أخوي أبوعبد العزيز وماقصرت الله يعطيك العافية ...

أخوي الفهد11
صدقت أخوي والله لوهم ماخذينه معهم كان أشوى شوي لكن مثل ماقلت فسقانين ...
أشكر على تفاعلك وصراحتك يالغالي ...

أخوي الفتى المجازف
أشكر يالغالي على هذا التفاعل ... ومثل ماقلت القنوات الفضائية والله العالم ... ومشكور وماقصرت ....

أخوي هاوي مقناص
مشكور وماقصرت أخوي فعلا إنها محزنة ... الله يجزاك خير ويبارك فيك ... ولاهنت يالغالي ....

أخوي القصمنجي
عزالله إنك صادق إنصدمنا يوم شفناهن .. مشكور على تفاعلك يالغالي .. الله لايهينك ...

أخوي المذاريب
ألف شكر لك على هذا التذكير ... وعساهم يسمعون ... والله يجزاك خير يالغالي ...

أخوي ومشرفنا الغالي ريف النشاما .
ياهلا والله ومرحبا وألف شكر لك على مرورك وردك الرائع ... وفعلا مالنا إلا حسبنا الله ونعم الوكيل ...لاهنت يابعدي ...

أخوي عاشق القطارة
مشكور لتفاعلك يالذيب...ولكن مايجب هذا الدعاء بارك الله فيك أخوي .. الله يديهم ويفتح على قلوبهم ...

أخوي طاروح مطير
مشكور يالغالي على هالدعوه الزينة وعلى مرورك الرائع ... بارك الله فيك ...

أخوي الصياد البري
فعلاً هذا سيحاسبون عليه بلا شك ... ألف شكر لك على هالدعوة يالغالي ...والله يعطيك العافية ...

أخوي الوهاج
مافيه شك إنه حرام عليهم ... أما الصقارة ماهوب معظمهم ولكن نقول بعضهم ... وأشكرك أخوي على مرورك ومشاركتك ...

أخوي الضاري
ياهلا والله وغلا شرفتنا أخوي بمرورك ومشاركتك الله لايهينك ... وأشكر على تفاعلك معي الله لايهينك ...

أخوي عاشق البسيتين
صادق عزالله إنه يشوّه السمعة ... وفعلا كان الصقار أول مضرب مثل بكل شيٍ زين ...
مشكور أخوي وماقصرت ... والله لايهينك ...

,,,,,,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,,,,,,,,
:j

[ابو فيصل 200]

حسبنا الله ونعم الوكيل

اخوك ابــــو فيصل 200

[القـــناص]

حسبي الله عليهم

هذولي ناس مايخافون الله
.
.

[أبو شعلان]

بسم الله الرحمن الرحيم

أخوي أبو فيصل200
حياك الله وياهلا وغلا وأشكرك على مرورك يالغالي ...

أخوي القناص
مرحبا مليون والمهلي مايولي ... ألف شكر على مرورك المتواضع ...

,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,
:j