المساعد الشخصي الرقمي

مشاهدة النسخة كاملة : قصيده في الجمس


غيث داورد
17/01/2007, 02:43 PM
السلام عليكم ورحمة الله وبركاته
اليكم هذه القصيده امل ان تنال اعجابكم


الله على اللي قيره ارقام وحروف = وامبير قيره بينها يلعب العاب
اربع ميه واربع وخمسين معروف = ونيت جمس ولنج ماهوب سكراب
عبارتينه عكس في سيد وصفوف = اذا دعسله ثورن عج وتراب
وقو المكينه في هواْء النار وبلوف = وبستم وشمبر مع سرندل وصباب
يعجبك في بديه وهيكله ووقوف = يشدي لحر نايف فوق مرقاب
واذا ركبته ماطرق قلبك الخوف = لو كان في دربك غراميل وهضاب
يدني بلحظه ماقصر دونه الشوف = عطه الابنص وخذ منه عد بحساب
يعد طبلونه وعداده يطوف = وما حط له في ساعته غيرها جاب
خص اذا جاء خلف طارته مشغوف = ومعه خويه راكب بايمن الباب
حط الطبيق يسار ومعقب الجوف = اللي سكن به باول الوقت حطاب
نصا الجفر وجفور مع طعس وجروف = واتلى العهد به عقب عمرات بسحاب

شعر: غيث داورد
الجمرة
17/01/2007, 03:40 PM
والله قصيده روعه وانا من يعشق الجمس
ولكن لو تنزلها صوت افضل
ومشكووووووووووووووور
img]http://www.mekshat.com/pix/upload/images25/mk21795_dsc00129.jpg[/img]
السبيعي نت
20/01/2007, 10:34 AM
غيث داواد بيض الله وجهك على القصيدة
أبو شعلان
20/01/2007, 10:56 AM
بسم الله الرحمن الرحيم




خص اذا جاء خلف طارته مشغـوف **** ومعه خويـه راكـب بايمـن البـاب



أخوي غيث بيض الله وجهك وصح لسانك .. على هالرائعة أو الأكثر من رائعة ....

لاهنت يالغالي ...

وننتظر المزيد ... من الجديد ...

,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,
:j
بروق الجنوب
20/01/2007, 12:21 PM
يا غيث لو بامدحك من قبل ذا البيت ،،،، ميه مدحتك بعدة الوف والوف
شكرا لك اخي غيث على هذه الابيات الجميلة وقد شدني البيت الذي يقول
يعجبك في بدية وهيكله ووقوف
يشدي لحر نايف فوق مرقاب
bendelton2
30/01/2007, 01:15 PM
تعطيه البل يا ربي
bendelton2
30/01/2007, 01:22 PM
الشكر جازل
ولكن
الرابط لا يعمل
كيف النشاما
30/01/2007, 02:48 PM
واذا ركبته ماطـرق قلبـك الخـوف لو كان في دربك غراميل وهضـاب

انا اشهد

عز الله انه قصيده طيبه
bendelton2
31/01/2007, 02:18 PM
أود الحصول على رابط القصيدة الصوتي
بداح العنقري
31/01/2007, 08:02 PM
صح لسانك....................
ثقيف الطيب
01/02/2007, 04:14 AM
بيض الله وجهك أخوي غيث وان اشهد أن الجمس مركب زمانة

قصيدة جميلة والى الأمام دائماُ


الله على اللي قيرة أرقام وحروف وامبير قيرة بينها يلعب العاب
الوفاء طبعي
06/02/2007, 06:10 PM
انا اشهد واصلا شهادتي في البهباني مجرووووووحه




بيض الله وجهك اخووووي على القصيده وياليت انها تكون بالصوووووت ازين



مع خالص الود
الغزال الشارد
08/02/2007, 05:07 PM
صح لسانك....................
غيث داورد
11/02/2007, 11:02 PM
اخي الفاضل الجمرة : شكرا على المرور وطلبك تنزيلها بالصوت تامر لكن من يملك صوت جميل من اخواني في المنتدى تراي سامح وهو راعي المعروف .

السبيعي نت : شكرا لك على المرور وجهك ابيض
غيث داورد
11/02/2007, 11:20 PM
اخي الغالي ابو شعلان :D

مرورك وتواجدك هو الرائع لك مني كل تقدير واحترام
الزعيم 15
13/02/2007, 11:10 AM
رووووووووووووووعة
إنسان جريح
03/03/2007, 02:10 PM
الجمس بعد التسع والسبعين ماورد زين ******** لا واهني منهو من حفيزه ظفر به
هاوي قصيده
03/03/2007, 02:32 PM
صح لسانك يا الذيب
غيث داورد
06/03/2007, 08:55 PM
الاخوان الكرام

هاوي قصيده

انسان جريح

الزعيم 15
الغزال الشارد
الوفاء طبعي

ثقيف الطيب
الذيب سرحان

شكرا لكم على المرور @ لكم خالص الود
خشيم الذيب
06/03/2007, 08:59 PM
صح لسانك ولدي سؤال هل القصيدة لك ؟;)
غيث داورد
06/03/2007, 09:04 PM
يا غيث لو بامدحك من قبل ذا البيت ،،،، ميه مدحتك بعدة الوف والوف
شكرا لك اخي غيث على هذه الابيات الجميلة وقد شدني البيت الذي يقول
يعجبك في بدية وهيكله ووقوف
يشدي لحر نايف فوق مرقاب


اخي الكريم بروووووووووووق الجنوب


شكرا جزيلا لك على هذا الاطراء ولمثلكم نكتب وتقبل تحياتي
غيث داورد
06/03/2007, 09:12 PM
صح لسانك ولدي سؤال هل القصيدة لك ؟;)

اخي الكريم خشيم الذيب صح بدنك

جواب لسؤالك نعم وبامكانك الاطلاع عليها وعلى قصائد اخرى في ديوان شعراء مكشات

لك كل الحب
غيث داورد
06/03/2007, 09:17 PM
الاخوان الاعزاء

كيف النشاما

بندلتون 2

شكرا جزيلا على المرور
اسير الغربة 1
14/03/2007, 08:38 AM
بيض الله وجهك على القصيدة
asak333
16/03/2007, 01:16 AM
صح لسان الشاعر عزالله مايبرد الخاطر غير الجمس
جمس قطعه 10
17/03/2007, 05:48 AM
الجمس



7

أنا اشهد انه موتر

والله يعطيك العافيه على الموضوع الرائع

تحيااتي / جمس قطعه 10
Somebody
19/03/2007, 02:08 PM
صح الله اللسانك اخوي وقصيدة جميلة ومعبرة

والجمس حضى بإهتمامك الوااضح فترجمت لنا هذه الرائعه

تحياااااااتي لك
غيث داورد
24/03/2007, 08:40 PM
اخواني الاعزاء

ابو سعد2007

جمس قطعه 10

asak333

شرفتوا اخوكم بمروركم الكريم فلكم مني كل الحب وا لاحترام
غيث داورد
24/03/2007, 09:10 PM
صح الله اللسانك اخوي وقصيدة جميلة ومعبرة

والجمس حضى بإهتمامك الوااضح فترجمت لنا هذه الرائعه

تحياااااااتي لك

هلا والله وغلا اولا اعتذر عن التاخير
ثانيا شاكر ومقدر لك ماسطرته في رسالتك الخاصه
ثالثا حاولت الرد علي الرساله وطلعلي تنبيه قلل من عدد الحروف وتركت الرد
لك مني كل الود والمحبه