بلشباب فزعتكم راس باترول

[مضارب سيارات]

ياخوان عندي سفاري انشعر ويقولون تبديل راس وش العمل وين احصل راس مكينة وهل يلحم

باترول 98
4500

[مضارب سيارات]

وش الفايدة من هالبوابة اجل قفلوها

[Last Nomad]

السلام عليكم
ما الومك عجل على الموتر وخاصة ان هذا وقته
بس ترى ليلة احد و الناس مالها خلق المنتدى في ليلة دوام
بالنسبة للراس مالك الا خيارين يا جديد وهو الي انصح فيه او تشليح ولا تدري عنه
لاكن نصيحتي لك دور مكينة ثانيه يا فتك يا لكزس واشتر راحتك
منها صلحت موترك و منها ريحت من مكينة 4500 و عزمها
وترى الراس اذا بغيت تصلح صح بالقطع كاملة اصلية و جديده بتدخل في بحر
10000الاف ريال

[SGL]

موضوع التلحيم إستفسرت منه في أكثر من مخرطة بعضهم يقولك يتلحم والبعض يقولك مايدوم والبعض إعتذر وقال راس الباترول مايضبط فيه اللحام وكان سؤالي لهم إستفسار فقط تعرف الأخ من كثر جياته لصناعية أدمن حتى لو كان فاضي يروح يبترم فيها هههه
نرجع لموضوعنا في ناس جربة الصيني ويمدحونه وذا ملزم على الأصلي الله يعينك إبحث بتشاليح ومحلات بيع المكائن إن شاء الله تلقى نظيف وماقربه مسح ولا لحام ولا حرارة