ما هي الأشياء التي احتاجها اذا خرجت إلى البر؟

[ينبوع الصحراء]

السلام عليكم

ذهبت أمس في رحلة برية 120 كم تقريباً عن الرياض، وهي تقريباً أول مرة اذهب في رحلة كقائد ولست مُقاد.
المشكلة أني لم أحضر أي شيء معي حتى الماء نسيته وشعرنا بعطش كبيرة أثناء الرحلة، فقط قمنا بإحضار ما تبقى من الغداء ووضعناه في حافظة، أدركت بعد هذا الأمر أني فشلت في القيادة وتنقصني الخبرة في لوازم الخروج للرحلات البرية
حتى الي نجلس عليه جايبين بطانية ههههههههههه

فقررت بعد هذا الأمر رصد مبلغ وقدره 1500 ريال لشراء لوازم الرحلات البرية.
فأتمنى منكم مساعدتي ما هي الأدوات الأساسية والشبه أساسية التي احتاجها اذا خرجت في رحلة برية للشواء أو لطبخ الأرز.



وشكراً جزيلاً
مع تحيات ينوع الصحراء

[Abo Adeeb]

عزبة الطبخ
1-شنطه قويه لا تأخذ من السنيدي اللي عندة ردئ صيني خذا من المحلات اللي يفصلون هنا ويكون السحاب قوي وكبير
2- خذ الأغراض من محلات الأواني وأحرص على الزين المتين والأستيل ( قدر ضغط حجمه حسب عدد الكشاته و صحن وملعقه كبيرة وصغيرة ودافور سويدي او هندي وسفرة وأغراض البهارات )
عزبة القهوة3- شنطة للقهوة نفس المواصفات السابقه لكن أصغر حجم ( مفواح للقهوة ودله وابريق للشاهي وأغراض الشاهي سكر وشاهي وزنجبيل وابريق للزنجبيل وابريق كبير للتفويح )
4- فرشات عدد 4 ملبسه مشمع تحت عن الرطوبه خاصة الجلوس في الفياض ومراكي الفرشه حجمها 1م *2م
5- ملقاط للنار + مركابه + كريك صغير

[أبو شيري]

موضوعك هذا نكره مقصوده

ولكن أختصر عليك الطريق

اذا طلعت المره القادمه وأنت قائد
مر على المطبخ وخذ ما تريد
واسحب معك الفرشه اللي بالحوش وأنتهى الأمر

[ينبوع الصحراء]

عزبة الطبخ
1-شنطه قويه لا تأخذ من السنيدي اللي عندة ردئ صيني خذا من المحلات اللي يفصلون هنا ويكون السحاب قوي وكبير
2- خذ الأغراض من محلات الأواني وأحرص على الزين المتين والأستيل ( قدر ضغط حجمه حسب عدد الكشاته و صحن وملعقه كبيرة وصغيرة ودافور سويدي او هندي وسفرة وأغراض البهارات )
عزبة القهوة3- شنطة للقهوة نفس المواصفات السابقه لكن أصغر حجم ( مفواح للقهوة ودله وابريق للشاهي وأغراض الشاهي سكر وشاهي وزنجبيل وابريق للزنجبيل وابريق كبير للتفويح )
4- فرشات عدد 4 ملبسه مشمع تحت عن الرطوبه خاصة الجلوس في الفياض ومراكي الفرشه حجمها 1م *2م
5- ملقاط للنار + مركابه + كريك صغير

شكراً أخوي

[ينبوع الصحراء]

موضوعك هذا نكره مقصوده

ولكن أختصر عليك الطريق

اذا طلعت المره القادمه وأنت قائد
مر على المطبخ وخذ ما تريد
واسحب معك الفرشه اللي بالحوش وأنتهى الأمر

وش تقصد نكره مقصوده؟

بعدين ما عندنا فرشه في الحوش عشان كذا جبنا بطانية

على العموم أنا هدفي من الموضوع أخذ النصائح والتجارب من الأعضاء الكرام حول لوازم الرحلات،،، كون أني سأخرج الأسبوع المقبل إن شاء الله كقائد للرحلة.

[ينبوع الصحراء]

وينكم يا أهل المكاشيت؟
هل من نصائح وتوجيهات؟

[Anwar abdulla]

اربع مدات
بريق دله مفواح كاسات وفناجيل
شاهي قهوه هيل ماء
دافور غاز صغير
حطب

غير عزبة الطبخ

[Anwar abdulla]

اربع مدات
بريق دله مفواح كاسات وفناجيل
شاهي قهوه هيل ماء
دافور غاز صغير
حطب

غير عزبة الطبخ

[باثفاندر]

ملف يختصر لك الطريق
خذ ما تحتاجه و دع ما لا تحتاجه


https://lh3.googleusercontent.com/-Sg0NUPkcghI/VojlUtg9yVI/AAAAAAAABtI/5IpPmv6Rvgg/s2048-Ic42/3zba.jpg



وبالتوفيق ،،

[ينبوع الصحراء]

شكراً جزيلاً لكم

[ساهر9]

ههههههه
هذا يطقطق عليكم

[ينبوع الصحراء]

ههههههه
هذا يطقطق عليكم

والله أني ما اطقطق
صحيح أني وضعت الموضوع بأسلوب فكاهي بقصد المزح، لكن والله احتاج لمعلومات لأن ليس لدي خبرة

[Anwar abdulla]

والله أني ما اطقطق
صحيح أني وضعت الموضوع بأسلوب فكاهي بقصد المزح، لكن والله احتاج لمعلومات لأن ليس لدي خبرة

بس اذا نسيت الماء والفرشات زين مانسيت نفسك هههههههه

[مطر وسم]

لا تلمون الرجال والله اني اعرف ناس راعين بر من 30 سنه اذا طلعو نسو نص العزبه وبعض الاحيان اناظر فيه عزبتهم مافيها الا بريق شاهي بس وبعض الاحيان احصل فيها ملعقتيين

[لامبالي]

والله حتى انا احتاس في العزبة وانسى مرة جبت كل شي ونزلنا كل شي واخر شي نسيت ولعة الغاز وارجع لمحطة قريبة واخذ ولاعة وتخرب الكشتة مخاصمة انا والحرمة مبوزين في الطلعه
ياخوك اهم شي خذ شنطه تشيل اغراضك ثم بعدين شوف عدة الطبخ اللي تحتاجها وقد ماتقدر خذ لك المختصر اللي ابو شغلتين مثل الصحن الرز تقدر تقلبه صحن تقطيع بدل ماتاخذ طاولة تقطيع البهارات خذها وحطها في علب صغار الزيت بدل ماتاخذ علبة الزيت معاك صب شوية في قارورة موية ابو نص حاول تقلل عفشك ونفس الوقت ماتكون نسيت شي
وايضا الموية خذ لك جركل ماء وجيب معاك بخاخ اقتصادي من السنيدي للغسيل والوضوء وبكذا تقلل الكمية المهدرة وتكفيك طول الرحلة

[الرحال2222]

المواضيع ذي غريبه شفتها اكثر من مرة

لان الواحد هو يحدد احتياجة بنفسه معتمد على مكان التخزين والسيارة ونوعها ومدة الرحله وحجم الاغراض اللي بيستخدمها

[ابن المهد]

اهم شي الماء
والباقي تساهيل

[ينبوع الصحراء]

أشكر كل من شارك في الموضوع
وابشركم الأمور بخير وتم شراء كثير من اللوازم للرحلة
وقد قمت بعمل بعض البروفات في المنزل استعداداً ليوم الكشتة الكُبرى.

[هاوي الجكس]

الأمور سهالات يالغالي

وانت من يحدد ماذا تريد وكم الكميه

الامر بديهي جدا ولا يحتاج كل هذه المعمعه

[علم162]

لاتنسى تقرير بالكشته موفق

[الدوسري2010]

هالسوال انت اللي تجيب عليه انت اللي بتروح للبر خذ ماتحتاجه انت وخوياك من الفرش والماء واغراض الطبخ خل خدامتكم تسويها لك😁:Dواكل وشرب وسلامتك ولاتنسى الصلصه تراها دايم تنسي