مساعدتكم في الخروج في رحلة إلى الشواء (هل هذه الأدوات كافية)

[ينبوع الصحراء]

السلام عليكم

قدر الله علي،، وسأكون قائد لرحلة برية للشواء نهاية الأسبوع الحالي، مع أن ليس لدي أي خبرة في الرحلات البرية ولا أملك أي من الأدوات والمستلزمات، وقد شمرت عن ساعديّ وأخذت ابحث عن الأدوات التي أحتاجها وخرجت بما يلي:

الأدوات الأساسية:
1- شواية تقليدية.
2- موقد كوفيا الكوري.
3- فحم وحطب.
4- براد ثلج (لحفظ المشروبات الباردة)
5- فرشه ومراكي


أدوات القهوة والشاهي:
1-شنطة العزبة.
2- شنط بيالات وفناجيل.
3- بيالات
4- فناجيل
5- دلة وإبريق وملقمة.
6- علب لحفظ السكر والشاي والقهوة والتمر.
7-بيز
8- كبريت ومكعبات إشعال.


أنا أتكلم عن الأمور المادية المحسوسة، أما الأمور الأخرى كالماء والدجاج والتمر فلم أذكرها في القائمتين.


والسؤال الأهم كم التكلفة المتوقعة لجميع الأدوات السابقة، بعضها سيكون من محلات الرحلات البرية وبعضها من محلات الأواني المنزلية؟



شكراً جزيلاً :)

[Anwar abdulla]

وين الملقاط؟

[ينبوع الصحراء]

وين الملقاط؟

صح الملقاط...... نسيته
شكرا

[هارون97]

الصحون والسكين المنقل

[ينبوع الصحراء]

الصحون والسكين المنقل

يا أخ هارون أنا قلت شواية تقليدية وأقصد بها المنقل+شبك الشوي
الصحون صحون بلاستك، والسكين صح قد تكون مطلوبة

[أبو شيري]

لا تنسى الفروه أهم شي قبل العزبه

[صخب]

افضل شي لكتابة اغراض الرحله هو تخيلها كاملة وكتابة ماتحتاجه:
يعني تخيل انك وصلت المكان تنزل الفرشة والمراكي وبعدين تنزل الدافور لعمل الشاي والقهوه
تحط براد الشاي على الدافور وتحط سكر وو..... الى نهاية الرحلة

[أبوصالح9]

الله يعين اللي بيكشت جنبك - هههههههههههه - خذ قدر وقصدير - والتكلفة تعتمد وانا اخوك على حسب الاغراض فيه فناجيل ب30 وفيه فناجيل ب9 والدلال فيه 300 وفيه ب60 - وين محلك عشان يسهل عليك الشراء - حقين المواعين او الاواني المنزلية اوفر بالتكلفة من محلات الرحلات - طبعا انا اتكلم عن المحلات العادية مهب الفخمة من غير ذكر اسماء - بس انا اشور عليك اذا انت طلعتك خفيفة ونادرة لا تحرص تاخذ شي غالي - - بعدين كم عددكم ؟؟؟

[Anwar abdulla]

ياخي احس انك بتنسى الماء مادري ليش

[فتى الوادي]

من حسب ما زرع ... توكل على الله والدنيا فانية ...

[حنيني]

نصحك تستعين بمجلات تجهيز الشواء يوفرون لك ماتحناجة للشواء وإذا بغيت يوفرون شحص يشوي لك بعد
اذا منت راعي كشتات ببتعب وبتكون ثقيله عليك وتصير تكره الرحلات البرية

[ينبوع الصحراء]

نصحك تستعين بمجلات تجهيز الشواء يوفرون لك ماتحناجة للشواء وإذا بغيت يوفرون شحص يشوي لك بعد
اذا منت راعي كشتات ببتعب وبتكون ثقيله عليك وتصير تكره الرحلات البرية

يا رجال ترا المسألة ليست تخصيب يورانيوم

صحيح الخبرة مفيدة ومهمة ... لكن ان كل مرة قلت ما اعرف اطلع او صعب .. ما راح اتطور أبد
والإنسان يتعلم من التجربة ويصحح الأخطاء

[Anwar abdulla]

الامر سهل
واكشت بمكان حولك محطه وخلصنا
مره مرتين وخلاص لا اراديا حتى القشطه مع التمر ماتنساها

[ابن المهد]

اخوي لاتشتري ولا شي اقرب محل حداده واخذ من عنده شبك نص متر في نص متر واحفر حفره وشب نارك وعلى طول عقم الشبك
واذا جمرت اطرح الشبك و حط اللي بتشويه لحم دجاج اللي يعجبك
وبراد شاهي وبس

[ينبوع الصحراء]

أشكر كل من شارك في الموضوع
وابشركم الأمور بخير وتم شراء كثير من اللوازم للرحلة
وقد قمت بعمل بعض البروفات في المنزل استعداداً ليوم الكشتة الكُبرى.

[Anwar abdulla]

وش هالحاله