باترول الفرامل

[المتهني]

السلام عليكم ورحمة الله وبركاته
يالربع انا معي باترول 1997 بابين صالون المهم الفرامل مايمسك للكفرات اللي قدام اللي يمسك اللي ورا فقط يعني وانا ماشي بالبر ممكن امشي60 او 80 كذا واضغط على دواسة الفرامل تمسك الكفرات الخلفيه فقط اما الامامية ماتمسك واللي سويته/
الفحمات كويسة لكن فيه الحديده اللي تمسك الفحمه بالكليبرماهي موجوده بس ماظن له دخل
الباكم حق الفرامل سويتله اصلاح
ونسمت للفرامل من جميع الجهات الاربع يعني فرغت الهواء من المواصير اللي تودي للفحمه
لكن مادري ووش المشكله الله يجزاكم خير
الللي عنده حل يفيدنا وشكرا

[hassan-55]

وعليكم السلام ورحمة الله

باقي لك ( القسام )
اذكر مره سيارة الوالد رحت فحصتها ورجعوني بسبب الفرامل
كانت مثل حال سيارتك جهه تمسك وجهه لا وانا جربتها فراملها سيئه واحياناً مع السرعه تمسك فرامل يحذف الموتر
وانا عند الفحص مريت ورشه قالي بسيطه فك القسام ونظفه زين بايسيدلكو وركبه قالي رح جرب
الحقيقه تفاجأت الفرامل ماشاء الله صارت لينه تمسك بأدنى لمسه وراحت الحذفه ورجعت للفحص واجتازت

اسف على الاطاله ، جرب نظف القسام ولو تنظف المواصير كامله اللي طالعه من العلبه للقسام و للكليبرات افضل مره وحده عشان ترتاح
وحط زيت اصلي ترى مافي فرق كبير بالسعر الفرق ريالين او ثلاثة

[المتهني]

الله يجزاك خير يا خوي يا حسان لكن وشو القسام اللي تقصد ماعرفته؟ ولو تصوره لي والا ترسلي صوره كيف شكله اكون لك من الشاكرين.

[hassan-55]

حياك الله اخوي اخوك حسن بدون الالف :)

يختلف قسام السيارات من سياره لاخرى

راجع رد الأخ أبو عبدالرحمن (اصيل الحجازي)

الرد رقم 165 في هذي الصفحه اقرأ الرد كامل موجود فيه صور القسام
http://www.mekshat.com/vb/showthread.php?223267-كـيـف-تـغــيـر-أقــمــشـة-فـرآمل-سـيـآرتك-بـنـفـــسك-بشحمك-ولحمك-(DIY)-؟؟؟؟؟؟؟&p=9625231#post9625231

اسأل الله لنا ولكم التوفيق..

[SGL]

هذي الحركة لها ثلاث أسباب
1-علبة الفرامل
2-الكليبرات بساتنها تحتاج تنظيف أو تركيب إصلاح
3-القسام وموقعه فوق الدفرنس الخلفي يمين

[المتهني]

الله يجزاكم الجنه وماقصرتوا

[الوسم]

طيب ؟؟ وش سويت ؟؟
وهل انحلت المشكلة عندك ؟؟
علمنا علشان نستفيد معك !!!