نصيحة

[احمدالدمام]

صل من وصل واقطع رفيق المصالح
وادمح وسامح زلة الصاحب البار
لاتصير مثل الخيل عجل وجامح
ولاتطفي الشمعة ولا تشعل النار
والليل فيه نجوم لو كان كالح
تهدي منازلها نديمين الأسفار
والبحر منه الدر ولو ماه مالح
والإرض باطنها جواهر بالأحجار
خلك نزيه ودايم الدوم صالح
وجنب طريق الفحش والعيب والعار
البس لباس الطيب لبس المشالح
شده على متنك يغطيك بوقار
وان صادفك شخصاً حكيم وفالح
انهل من افكاره نصيب ومقدار
شعر احمد المكتوم
الدمام 1437/3/21

[أبوعبدالرحمن99]

صح لسانك أخوي أحمد ،، أبيات جزلة ،، و نصائح حكيمة ،، كل التحية و التقدير .

[احمدالدمام]

صح بدنك استاذي. ومشرفنا الخلوق ابو عبدالرحمن
اشادتك تشجيع وشرف لي

[قوافي ( أم نهار )]

السلام عليكم ورحمة الله وبركاته
لله درك شاعرنا المتألق
عقد من اللألئ تزين بالنصح والحكمه..
جزيل الشكر اخي الكريم وصح لسانك ،،قصيده تستحق التقييم
تحياتي وتقديري واحترامي

[احمدالدمام]

وعليكم السلام ورحمة الله وبركاته
صح بدنك مشرفتنا واستاذتنا قوافي
وبارك الله في جهودك الملموسة الخيرة

[غالب المرواني]

صح اللسانك

[احمدالدمام]

صح بدنك اخوي غالب

[ابو البر]

الله يوفقك اخي احمد دايم الدوم .
قصيدة جميله تشكر عليها وصح لسانك عزيزي.

[احمدالدمام]

الله يوفقك اخي احمد دايم الدوم .
قصيدة جميله تشكر عليها وصح لسانك عزيزي.
صح بدنك اخوي ابو البر
وجزاك الله خير على دعواتك المباركة