مشكلة غريبة في الباترول

[باترول 2003]

السلام عليكم ورحمة الله وبركاته
اخواني عندي مشكلة احسها غريبة ف الجيب الباترول 2003 كربريتر
هي ان لما اعاير الزيت يطلع لي بالعيار حق الزيت بنزين وصعوبة في تشغيل السيارة خصوصا لما يكون في مكان بارد جدا
دائما يسبب لي احراجات ف الكشتات و الطلعات مايشتغل لاطول طافي
البنزين كيف يدخل المكينة ؟
وظهرت مشكلة امس ان لاشغلته وهو بارد يدخن دخان اسود و ابيض وتقطيع لازم ادعس له
ولا احتمى اختفى الدخان وصفى الموتر

احد عنده حل ؟ افيدوني

[kshtat999]

وش نوع البنزين الي تعبي منه؟

[ابوسند9]

وعليكم السلام
قبل تشغل وهو بارد ادعس بانزين للاخر ,بعدين اترك الدعسة , وشغل ,هنا راح يشتغل ويكون ضغط المكينة مرتفع حتى تحتمي السيارة. ,وبعد ما تسخن السيارة تدعس بنزين للاخر
واذا سويت اعلاة وما نفع , فعندك 100% قطعة بلاستيك صغيرة اعتقد لونها ابيض بجانب الكلبريتر , اما مكسور او فيها مشكلة , وهذي مهمتها , انك لما تدعس بنزين قبل التشغيل تسكر اللهات الخارجية وترفع ضغط البنزين ,
والقطعة اللي ذكرتها لك , تقدر تحركها بيدك وتسكر اللهات وبعدين تشغل
ورائحة البنزين طبيعي بسبب تاخر التشغيل ,ونزول البنزين على البستم ومن البستم للكرتيل

[salih100]

عند خالي باترول باب 2003 كربريتر مكينه حجم 4500 كان ما يشتغل الا بطلعة الروح وما خلا شي ما سواه اصلاح كربريتر ولا نفع
وزن ريلكو ولا نفع
اخر شي غير كربريتر وصار الموتر باسم الله عليه من اول دقه يشتغل

[SGL]

1-ضروري تركب بلف حرارة
2-شيك على سخانة الكربريتر قطعة دائريه سوداء بلاستيك خلف الكربريتر وظيفتها ترفع الدعسة يوم يكون الموتر بارد

[عبدالله فهد1]

اخالفك الري يا ابو سنيد البنزين ماينزل في الكرتير من البستم الا اذا كان البستم مخروق او شنبر مكسور
لكن شيك على طرمبة البنزين اذا اهي داخل في الكبوت مكانيكيه وشيك على راجع البنزين