المساعد الشخصي الرقمي

مشاهدة النسخة كاملة : ثقل في الطارة


نبض الجنوب
09/01/2016, 10:32 AM
السلام عليكم

كيفكم يغالين

عندي افالون 2003 فيه ثقل ملحوظ في الطارة حتى أثناء القيادة

بالاضافة لصوت طقة أثناء اللفة

رحت ميكانيكي وغيرت القطع : مساعدات - ذراعين داخلي - جلد - مسامير توازن - كراسي مساعدات مع الرمان

وفوق هذي المخاسير كانت النتيجة : صوت الطقة ماراح + ظهور علامة ABS

أضف عليها ثقل الطارة مع تندية قوية في ليات علبة زيت الدركسون مع أن العلبة فيها زيت

بانتظار الخبراء بارك الله فيكم
SGL
09/01/2016, 01:46 PM
وعليكم السلام ورحمة الله وبركاته
أخوي إذا الموتر واقف وتدعس بنزين هل الطاره تخف معك؟
إذا الجواب نعم يكون الخلل من طرمبة الدركسون
هل يوجد صوت ونه وتزيد مع لف الطارة؟
يمكن يكون فيه هواء داخل الطرمبة والدودة أو يوجد هوز تعبان ويسحب هواء شيك عليهن زين
وقبل المخاسير لو تغير زيت الدركسون كامل وتحط بداله جديد نوع ممتاز بشرط مايدخل هواء أثناء التغير وتجرب موترك مع التشيك على الفلتر بداخل علبة الزيت هل هو نظيف
نبض الجنوب
10/01/2016, 10:16 PM
حياك الله أخوي وشاكر لك تعاونك

الثقل في الطارة هو هو سواء كانت واقفة أو دعست بنزين وتأكدت اليوم

نعم في صوت ونة عندي وقت الف الطارة يمين ويسار

هل تقصد بالطرمبة القطعة الي فيها بكرة مربوط فيها سير ؟

كيف يتم إصلاحها أم يجب تبديلها ؟

برضو في صوت طقة اذا لفيت اقصى اليمين وأقصى الشمال مع اني بدلت اذرعة المجموعة
basel2008
10/01/2016, 11:30 PM
ان شاء الله الشباب يفيدونك
انا ممكن افيدك بشغلة ال abs
قبل فتره ركبت جلد مقصات ومسامير وغيرها
مع تربيط وتشحيم
وبعد ماطلعت من الورشه كانت الفرامل مو مضبوطه
وتطلع صوت وبعدها اشتغلت لمبة ال abs
رجعت للورشه فورا وقلتله
وقالي ان شغله ماله علاقه
وانا قلت ان هو السبب
وخليته يفك الكفرات الاماميه ويفك الحساس عشان ينظفه
وبالفعل لقينا عليه اوساخ وشحم بسببه وهو يشتغل
وبعد التنظيف ركبنا كل شي وطفت اللمبه وكل شي تمام ....
SGL
11/01/2016, 12:18 AM
أبيك تلاحظ الزيت داخل العلبة والموتر شغال هل الزيت يتحرك يقلب إذا الزيت يتحرك الطرمبة سليمة إن شاء الله بس لو تسوي الليات أفضل وبالمرة تغير الزيت وتشيك على فلتر العلبة
كما يوجد مسببات لثقل الطارة مثل تركيب كفر أعرض من مقاس الوكالة أو أحد بكرات السير ثقيله أو السير قديم أو راخي ويوجد بلف بطرمبة الدركسون إذا قفل تثقل الطارة وإن شاء الله مايكون هو السبب
أما صوت الطقه شيك على جلد ومسامير عمود التوازن وبذات الجلدتين اللي تمسك العمود بشاص أو البودي وشيك على جلب المقص وعلى الركب(الجوزات)