أفضل بطاريه متنقله للإضاءه في الرحلات

[ابونواس01]

السلام عليكم ورحمة الله ...
جربت الإناره في الرحلات من بطارية السياره مباشرة ...ووجدت انها قد تؤدي إلى إستنفاذ طاقة البطاريه .. ثم الوقوع في ورطه خصوصاً في الأماكن النائيه
ثم أستخدمت البطاريات المتنقله مثل جهاز بلاك أند ديكر وارد ساكو ..ولم يعمر كثيراً ...
إستخدمت تقنية الليد في جميع الحالات ..لكني أبحث عن الأقوى والأطول وقتا
جربت بطارية رفيق الدرب ..12A .. لكن طاقتها ضعيفه وتتطلب لمبات ليد ذات قدره منخفضه ..
السؤال للإخوه
من جرب الأفضل ؟؟

[كشته وشاهي]

وعليكم السلام ورحمه الله وبركاته
لمبات الليد امرها سهل ما تصرف واجد اقل من 1 امبير للمبه الوحده لا تخاف منها ابد الا في حاله ان بطاريتك قديمه
وانا من تجربه بطاريه السياره اشغل كل اللمبات يمكن 4 او 5
معي جهازين اشتراك واحد هالصغير المشهور والثاني من الكبار (ولا تنسى تعيد شحنها كل شهر لأنها تتفرغ شحنتها)
ولا عندي ثلاجه
اما مسأله بطاريات اعاده الشحن هذي ما توكل عيش هذي تبي من يشغلها وكل شوي تشحنها
https://www.youtube.com/watch?v=M5DdOwhqlQ0
هذا مقطع تحتاجه عشان تشوف حاله بطاريتك
ونصيحه لا تركب بطاريه اضافيه

[الشيخ الظريف]

وعليكم السلام ورحمة الله وبركاته: عليك ببطارية الدباب سبعة عشر امبير ليس فيها سوائل تخشى منها وتعبيها من السياره وأنت تسير ولها استخدامات متعدده سواء اضاءه او جهاز الطيور او تعبئة الجوالات ظ×

[أبو شيري]

أنت كم لمبه تشغل في طلعتك ؟؟؟

أعتقد لمبة أبو عبدالعزيز ليد كافيه جداً ولا تصرف لو تخليها من المغرب الى الفجر

أستغرب من البعض يقول يشغل من 4 الى 5 لمبات !!!!!

حلاتها ما تشغل النور الا اذا وقت شغل عشاء او شي

جلسة على النار وسوالف ومعاميلك عندك والحمد لله

[كشته وشاهي]

النور لابد منه ولو تبعد عنه الخوف من الدواب اللي حولك

[قرحوف]

السلام عليكم ورحمة الله وبركاته

اخي الكريم انت تحتاج الى التالي :

بطاريه جافه اربعة وثلاثين امبير تحصلها في شارع الغرابي عند حقين الطاقه الشمسيه ونوعية لونق انصحك فيها فتناميه

بيت فيوز بفيوز 10

بيت ولاعات ثلاث مخارج وشطرطون وجهين عشان تثبته على البطاريه وتثبت ايضا بيت الفيوز

قارئ جهد سعره 30 ريال

سلك ومن الجهتين تركب فيه اصابع ولاعه وتستخدمه كشاحن للبطاريه

تفصل للبطاريه شنطه فيها مخبا للشاحن

جميع ماذكرته تحصله عند رفيق الدرب في الغرابي ماعدا البطاريه تحصلها عند حقين الطاقه الشمسيه

انا مجرب كل ماذكرته اعلاه وتكفيني البطاريه ثلاث كشتات بالراحه

اتمنى اني وفقت في ايصال تجربتي لك وليستفيد ايضا بقية الاخوه

والسلام عليكم ورحمة الله وبركاته

[الصيادالمليح]

أشتر لك موتور كهربائي 600 واط وشغل فيها اللي تبيه ( خمسين لمبة و أكثر ) وخلي جلستك نهار

[فوتوغراف]

تجربتي :
بطارية هانكوك 60 امبير
4 لمبات ( الفوزان ) ومرات اشغل 5 او 6 لمبات
تشغيل اللمبات من بعد المغرب الى الساعه 2 الليل
خمسة كشتات تقريبا وبعدها شحنت البطارية
وحاليا ببحث على شاحن منزلي يشحن بطارية السيارة افضل من اني كل ماتخلص البطارية اروح اشحنها في البنشر او محلات بيع البطارية وصار الشحن بعشرة ريال وياليت يشحنوها فل
اشتري شاحن واشحنها في البيت فل
بس ياليت احد يفيدنا عن الشاحن هل له اسم معين ووين ينباع

[كشته وشاهي]

ايه نعم في شاحن في البيت
تلقاه في ساكو ولونه اسود مع برتقالي اذكره شاحن من 220 الى البطاريه
بس خلي بالك اظن والله اعلم لا زم تفضيها مره ثم تشحنها هذا اللي سمعته والعلم عند الله