الفرق بين جهاز ثريا xt و xtlite

[altamimi451]

السلام عليكم ورحمة الله وبركاتة

اسعد الله صباح ومساء الجميع

رحت امس ابي اشتري جهاز ثريا ولقيت فيه جهازين واحترت بينهم وابي اعرف الأفضل فياليت اللي عنده خبره او تجربة يفيدنا

الفروفات حسب كلام صاحب المحل كالتالي :

XT ـــــــــــ XT LITE
قيمته 2700ــــــــــــــــ قيمته 1560
شاشة ملونه ـــــــــــــــ شاشته ابيض واسود
ازرار بلاستيك مقوى ــــــــــــ ازراره ربل


طبعا فارق القيمة كبير وانا يهمني الارسال والاستقبال والشحن وياليت تفيدونا افضل مكان اخذ منه الجهاز وبانتظار مشورتكم وافادتكم وجزاكم الله خير الجزاء

[موتر بر]

وين لقيت هالاسعار

[ابو حااتم]

XT ممتاز يمدحونه لاسود

[altamimi451]

وين لقيت هالاسعار

انا سعرتها في محل تحت السنيدي على الدائري الشرقي

[altamimi451]

XT ممتاز يمدحونه لاسود

تقصد اللي شاشته ابيض واسود ؟

[ابو حااتم]

http://androidwolf.com/wp-content/uploads/2014/05/Thuraya-XT-228x300.png

[ابو حااتم]

هاذي صورته

[كايد]

جربت الاثنين في نفس الوقت....عندي اللايت عيبه بطئ شوي في لقط
مثلا تشغل الاثنين تشغيل ...الاسود يجلس تقريبا 15ثانية
اللايت 30ثانية .
جودة الصوت متقاربة يمكن الأسود أفضل شوي
بس ارى اللايت يقوم باللزوم وزيادة .

[كايد]

على فكرة كل الجهازين فيها GPS تقدر ترسل احداثيات موقعك برسالة إلى أي جوال .
وهذي ميزة جديدة غير متوفرة في الثريا القديم(السويدي والسويسري والاوربي )

اعتبرها مهمة جدا جدا

[عرنان الشمال]

الاكس تي الأسود ممتاز جدا
له معي سنه ونص وماشي زي الحلاوه
وأجهزة الثريا يبي لهن عنايه ومحافظه بالذات من الغبار

[الحربي حاتم]

من قال لك إن القديم مايرسل الإحداثيات

[سلفر_الخرج]

انا معي الثريا العادي وارساله تمام , واحد من الشباب معاه الاكس تي الاسود , كلهم نفس الارسال والاستقبال , اللهم يفرق الاسود الاكس تي ان فيه جلبه لونها اسود هذي مضاده للكسر لو طاح منك , الفرق الوحيد ف ان الاسود الاكس تي ملون والثاني بدون الوان ,, تحياتي سلفر