أفضل بديل للدافور؟

[تحدي]

السلام عليكم ورحمة الله وبركاته
مساكم الله بالخير
ليت تنصحوني ببديل عن الدافور العادي
حيث اني احترت بين الكولمن والبريموس
واللي أنواعها أكثر شي بروبأن وشي وبنزين ليت تنصحوني بالأفضل ولكم الشكر المسبق

[أبو شيري]

بديل الدافور هو الحطب

اذا تبي المواقد الشنطه فهي لن تغنيك عن الدافور العادي

في الاجواء الراكده لا بأس أو داخل خيمه
أما بالهواء مافيه غنى عن الدافور وتلف عليه الذرايه

[تحدي]

جزاك الله خير اشكرك

[abu-tarig]

ليتك كتبت ما هو افضل بديل 00000 على بالي عندك سالفه للبديل ما يخالف

لكن الملاحظه ان اغلب اللي يبون المكشات صاروا مثل اللي بينقلون حضارة المدن للبران

اخواني البر 000 ما يبي بديل يبي بدائية وخفه وتمشية حال هذي حقيقة البر
وليس بديل دافور بالله هو فيه احسن من وجود دافور بديل عن الغاز ويسند عن استعمال الحطب وااستهلاكه\
ادوات البر مسانده لبعضها

وبالتوفيق

[ابوعثمان2]

جربت المواقد الصغيرة والموقد عينين وفي النهاية اقتنعت ان الدافور لاغنى عنه ولابديل له فصرت اغير بالمقاسات معي عدة مقاسات من الدوافير صغير 3 رطل وهذا دائما بالسيارة و5 رطل و7 رطل مع ترهيمة البرية اختار الحجم حسب مدة الرحلة

[ابوراكان تبوك]

مابعد الدافور انا جربت اغلب المواقد مامنها غير الخساير وبالاخير اقتنعت ان الدافور هو كبيرهم