أستفسار بخصوص بطارية 7 أمبير ..

[سلطان المقحم]

بسم الله الرحمن الرحيم

أخواني أعضاء منتديات مكشات الاعزاء أسعد الله مسائكم بالخير
أنا متابع لهذا المنتدى الخرافي حقيقة منذ مدة طويلة واستفدت
منه كثيرا , وهذا أول موضوع لي وهو بخصوص ....

بطارية شريتها من عروق الشمال للأسف حاولت أرفع لها صورة لكن ما عرفت

مكتوب على البطارية التالي ..

1- 7أمبير
2- 12 فولت
3- 28 واط
بعدها مكتوب بالانجليزي ..

cell/15min <------- ذي والله مافهمتها

الصناعة فيتناميه ماركة ( LONG )

بها مدخلين ولاعة للشحن ..
وشريت لها شاحن منزلي

وبما اني ما ادري وش الطبخه حبيت من الأعضاء الكرام الأجابة عن الأتي ..

1- كيف أعرف ان شحنها انتهى.
2- اذا بقي فيها 5 فولت هل ينفع أشحن بها الجوال او لازم اعيد شحنها لين يوصل 12 فولت
3- هل لابد يوصل الشحن 0 فولت حتى أعيد شحنها

** مع العلم اني لا أستخدمها الا لشحن الجوال فقط وقد شحنت بها جوالي سامسونج نوت 5 مرات ولما قست البطارية طلعت 11.38 وش معنا ذا ,,

ودمتم في حفظ الله ورعايته واعذروني أول موضوع لي واكيد الأخطاء فل

أخوكم/ سلطان

[سلطان المقحم]

لااله الا الله... 104 مشاهدات ولارد واحد حتى لوتطييب خاطر هههههه

[أبوصالح9]

مادرست فيزياء ولا كان علمتك - لكن اي بطارية اذا تبيها تعيش معك اطول فترة ممكنة لاتخلي شحنها يخلص ابد اشحنها اذا ضعفت قبل ماتفضي - والفولت 12 مايتغير الا نسبة بسيطة مثل اللي طلع معك 11.38 لانك لو تشغل عليها 24 فولت احترقت مثلا رادو خط 110 ماتقدر تشبكه على 220 - اللي يتغير الامبير- يعني اذا كانت بطاريتك مشحونه تعطيك 7 امبير واذا استخدمتها يبدأ ينقص الامبير - اما 28 يعني ان البطارية تسحب من الكهرب 28 وات مثل لمبة الكبوت الصفراء 50 وات ولا 100 وات - 50 وات تسحب كهرب اقل من 100 وات - تراي يمكن مخطي بس هذا اللي قدرت عليه من كثر الحبرشه بالكهرب

قاعدة عامة / اي بطارية متنقلة عند اي استخدام اشحنها مباشرة عشان ماتخرب ولا تتركها اكثر من شهرين بدون شحن حتى لو كنت ما استخدمتها

[سلطان المقحم]

الله يسعدك يابوصالح ويجزاك خير ..

[كشته وشاهي]

سلام عليكم
كيف تفرق بين الفولت والامبير والواط؟
الفولت = هو وحده لقياس فرق الجهد او سعه البطاريه او حجمها كم يستوعب من الكترونات +/-
الامبير = هو وحده لقياس شده التيار اللي في السلك ويكون بقياس عدد الالكترونات في السلك
وكل1 امبير= 1000 ملي امبير
الواط = هو وحده قياس قدره الجهاز يعني كم يقدر يعطي فيفيدك مثلا في افضل لمبه 5 واط او 8 واط وش الافضل طبعا 8 لان قدرتها اعلى
إجابه لأسئلتك :
1-تعرف ان شحنها انتهى اذا طفت او انك تجيب ملتي ميتر تقيس الالكترونات اللي فيها
2-البطاريه الجافه اذكر انها لابد ان تفضى تماما ثم تشحنها
3 البطاريه 11.38 معناها انها انتهت واصبحت على الزيرو ولن تشغل اي شي واحسن شي اذا كانت فوق 12.65

[الصيادالمليح]

1- 7أمبير معناه أن الجهاز بيعطيك طاقة 7 أمبير
2- 12 فولت معناه أن الجهاز يشغل أي جهاز آخر بقوة 12 فولت
3- 28 واط معناه أن الجهاز يشغل فقط الاجهزة من 28 واط أو أقل ولا يشغل أي جهاز يحتاج طاقة أكثر من 28 واط
بعدها مكتوب بالانجليزي ..

cell/15min <------- ذي والله مافهمتها معناه أن الجهاز يعطي كامل قدرته الاستيعابية 28 واط لكل 15 دقيقة وبعدها تنتهي البطارية و يجب إعادة شحنه مرة أخرى

فمثلا إذا شغلت لمبة بقوة 4 واط فإنك تحتاج إلى 105 دقائق حتى تنتهي البطارية تماما و تحتاج لإعادة شحن


لما قست البطارية طلعت 11.38 معناه أن قوة شحن بطارية الجهاز وصل نسبته إلى 11.38 % من قدرته و تحتاج لإعادة شحنه حتى يصل لـ 100% من قدرته

و أتمنى أكون أفدتك