وارد خوجة

[Abu Saad]

السلام عليكم ..
حسب طلب احد الاخوة اضع بين ايديكم موضوع عن اطيب ماركات السكاكين وارد خوجة ..
خوجة مورد معروف في عالم السكاكين والمقصات الخ ...
وهو اللذي ورد الشبرية المعروفة والقديمة ام نصاب خشب على شكل قوس تفتح وتسكر .. كانت زمان قبل 20 سنة تقريبا تباع في البقالات والمحطات على 10-15 ريال ..
ثم انقطعت وطلع تقليد لها عشرات الانواع الصينية ... وخرج مؤخرا نفس النوع ومختوم عليه الماني وهو تقليد ويباع على 50 ريال!!
اما النوع الاصلي فيوجد عند الوكيل (بقايا مستودع) الحبة ب 85 ريال !

عموما ما اطول عليكم واليكم الصورة مع بعض الشرح ...

هذي صورة المجمعة كاملة :

http://www.mekshat.com/pix/upload/images26/mk32830_1.jpg


نبدا بالالمانية البيضاء ام نصاب معدن ويوجد في السوق انواع نفس الشكل ومكتوب عليها الماني وهي تقليد .. ولكن هذي هي الاصلية وارد الوكيل خوجة وهذي صورة النصاب حقها :


http://www.mekshat.com/pix/upload/images26/mk32830_2.jpg



وهذي صورة الماركة والصناعة

http://www.mekshat.com/pix/upload/images26/mk32830_3.jpg

طيبة بلحيل وماتبغى سن الا قليل جداا ..

النوع الالماني الثاني ابونصاب (متعوب فيه) وهي تحفة فنية رائعة وهذي صورتهن:

http://www.mekshat.com/pix/upload/images26/mk32830_6.jpg

وهذي صورة النصاب من قريب :



http://www.mekshat.com/pix/upload/images26/mk32830_7.jpg


وهذي صورة الماركة ولصناعة :


http://www.mekshat.com/pix/upload/images26/mk32830_8.jpg



يتبع
يتبع
يتبع

[Abu Saad]

طبعا حسب تجربتي بخصوص النوعين الالمانية اعلاه كلهن طيبات بس النوع الاول اطيب ..



والان الى معشوقتي البرتغالية .. حطها على الجرح وابشر بالدمان والعضم!!!
قطع بها اي شي يطري على بالك .. ماتقول لا!
هذي صورتها:

http://www.mekshat.com/pix/upload/images26/mk32830_9.jpg


وذي صورة الماركة والصناعة :


http://www.mekshat.com/pix/upload/images26/mk32830_10.jpg


وهذا صورة المسن ( التقليدي المشهور) طبعا في محلات ابو ريالين نفس الشكل ولكن (صيخ)!
اما هذا فحكتين وتطلع السكين سيف!
الماني وارد خوجة :

http://www.mekshat.com/pix/upload/images26/mk32830_4.jpg


وهذي الصناعة :



http://www.mekshat.com/pix/upload/images26/mk32830_5.jpg


اتمنى ان اكون قد وفقت الى ارشاد من يبحث عن السكاكين الحقيقية وليس (قطع الحديد)!
بخصوص الاسعار لاتسأل :no2: ! ارخ ريالك وبس.
والسلام عليكم..

اخوكم
ددسن79

[صخب]

ماشاء الله عليك تقرير وافي الله يعطيك العافية.

لكن ودي اسألك

قبل فترة اشتريت سكين كباس (يفتح ويسكر) من محطة بنزين ومكتوب عليها خوجة وجنبها صورة حيوان

ماادري كيف اعرف هل هو اصلي والا تقليد مع العلم ان قيمته 20 ريال ومصنوع يدوي

[هواوي]

موضوع راائع وصراحه خوجه لها نكهه خاصه وذكريات جميله

ولازلت احتفض بخوجه الي الي يسمونها قرن غزال
ومحافظ عليها

سؤال = اين تباع واين الوكيل واذا تعرف رقمه لاهنت

[باثفندر]

http://www.mekshat.com/pix/upload/sign/images/mk41765.gif
الله لا يهينك على الموضوع
وعندي استفسار بخصوص سكاكين طارق بشير الموجودة لدى محلات الرحلات هل هي اصلية ام تقليد ؟

[الجندي2005]

سمعت من يمني انه تباع عند مكه بمكان يسمى المدعي وصيت واحد ويقول ما لقيت انا ابي ام نصاب خشب قرن غزال اللي تسكر يقول ما هي عنده ........................ز

[ابو دحيم]

الله يعافيك اخوووي

بس ياليت تلمنا وين المحل اللي اقدر احصلها فيه في الرياض

لاني تعبت وانا ادووور لي سكين تبررد الكبد في التقطيع

مهنا الا على قولك قطع حديد ........ز

[ملبق غلـــــط]

بيض الله وجهك ياخوي ددسن 79

واسف اني اتعبتك وعسى عمرك طويل

ماشاء الله مجموعة حلو ومتكاملة

بس اتمنى انك توصف لي المحل بضبط

[ابوخالد]

مشكووووور اخوي والله يعافيك بس وين عنوانه الله يعافيك

[قناص شدا]

هذي السكاكين وبس غير الاصلي لاتدور والله تبرد القلب

ياليت تقولنا مكان الوكيل او المحلات التي تبيعها

الف شكر اخوي ددسن 79

[الكـاسـر]

الف شكر لك على الموضوع المفيد

[ابوعزيزm]

مشكور وما قصرت بارك الله فيك

صور رااائعه

[ابوهتون]

مشكور وما قصرت...ممكن تعطينا العنوان...

[Abu Saad]

هلا وغلا اخوي صخب ..شف وانا اخوك ترى الامور تغيرت هالحين الوكيل وهو الوكيل بعضهم ماتضمن بضاعته(عبداللطيف جميل اقرب مثال)!!
فمابالك بالبقالات والسوق السوداء!!
منول مافيه شي اسمه تقليد .. لان الصناعة الحقيقية شبه مقتصرة على الدول اللتي اشتهرت بجودة الصناعة (اليابان-اغلب الدول الاوروبية-امريكا)
الان الجميع يصنع من الشرق للغرب والتقليد منتشر بشكل فضيع الى درجة اذكر هناك ماركات (شنط نسائية فاخرة) اذا دخلت المحل يقولك وش تبغى الاصلي والا تقليد درجة اولى والا درجة ثانية والا درجة ثالثه!!
عموما ما اطول عليك انا شخصيا حصلت في الاسواق الشعبية انواع من اللي انت ذكرت وارخص من الوكيل الى النصف تقريباً.. وسالت الوكيل نفسه عن جودتها فقال لايوجد لدينا موزعين ... طبعا من المستحيل انهم يشترونها من الوكيل بالجملة ويبيعونها بهالسعر ..بالعربي غش.

هواوي هلا وغلابك اخوي والمحل موجود في سوق الليل في مكة ثاني دعسوق على يمين وانت جاي من الحرم.. اسال اي راعي محل وراح تلقاه.

باثفايندر هلا وغلابك اخوي .. لااعرف عن النوع المذكور اي شي ، ولكن عليك بالوكيل.

الجندي 2005 هلا وغلا بك اخوي ... يمكن خلصت لاني يوم القاها عنده يقول بقايا مستودع .

ابودحيم هلا وغلابك حسب علمي لايوجد فرع في الرياض وراجع ردي اعلاه على الاخ هواوي.

ملبق غلط هو وغلا بك اخوي وانت تامر امر .

ابوخالد هلا وغلا بك راجع ردي على الاخ هواوي اعلاه.

قناص شذا هلا وغلا بك اخوي راجع ردي على الاخ هواوي اعلاه

الكاسر هلا وغلا بك اخوي .

ابوعزيز هلا وغلابك اخوي.

ابوهتون هلا وغلابك راجع ردي على الاخ هواوي اعلاه.

واي سؤال انا بالخدمة ... وترى مثلكم خابرين السكاكين الطيبة يبغى لها عناية اطيب!
وعليكم بالبرتغالية الثالثة وادعو لي :)

اخوكم ددسن79

[منتعش]

الله يعطيك العافية
وفيت وكفيت

[تاج المرزم]

شكر لك على الموضوع المفيد

[دايم البر]

ماشاء الله عليك تقرير وافي الله يعطيك العافية

مشكور وما قصرت

[ابو عادل1]

اخوي ددسن97
السلام عليكم ورحمة الله وبركاته
تقريروافي وكافي تسلم حفظك الله ورعاك
ياليت برقم الوكالة حتى نشوف كيف نشتري منهم
لك الشكر والتقدير

[Abu Saad]

اهلا بجميع الاخوان اللي ردو على الموضوع .. وحياكم الله ..
الاخ ابوعادل 1 لايوجد لدي رقم للوكيل للاسف .. ولكن الوصف موجود في ردي السابق .

والسلام عليكم

[البّري]

موضوع جميل تشكر عليه يا ددسن79

بودي لو عرجت على جميع او اغلب السكاكين

وفايدة كل نوع فمنا اللي تصلح للذبح ومنها اللي تصلح للسلخ ومنا للتقطيع الخ

جزاك الله خير

[Abu Saad]

اخوي البري .. في نفس المحل راح يشرح لك كل نوع ...ومهمته.
وراح يسالك وش تبغاها له.
اما بالنسبة للمجوعة اللي انا ارفقتها فهي خاصة باللحم .
تحياتي لك ..