قير باثفاندر

[ابوتركي 2020]

السلام عليكم

شباب عندي باثفاندر 2005 تماتيك تعشيقات القير من الاول وطالع كويسه
لاكن رجوع النمره واضحه خاصه من الثالث لثاني مثل اذا معك قير عادي ورديته نمره ورفعت رجلك اكرمكم الله عن الكلتش بسرعه اتمنى وصلت الشرح ههههههه والاحظها على عداد rpm يرتفع وينزل مع ردت النمره

هل المشكلة عاديه وانا موسوس ولا فيه شي القير

وهل تنصحوني اغير زيت القير اغلب البناشر يقول كويس الزيت

وافضل زيت لقير الباثفاندر

وشكراً

[hassan-55]

وعليكم السلام ورحمة الله
متى اخر مره غيرت الزيت والفلتر ؟
ولا يهمك كلام البنشري اغلبهم ما عنده سالفه
عاير الزيت وشوف حالته ( لونه اذا احمر فاتح جيد اما اذا كان غامق معناه قديم وشم رائحته ويبين معك )
و ممكن يكون ناقص الزيت
انا سمعت مهندس قير قالي تروح مشوار لا بأس به وترجع القير ب P
وتعايره
وواحد ثاني نفس الكلام وأضاف لي قبل المعايره تحرك القير من P الى اخر شي وترجعه الى P
وبعدها تعاير الزيت
والله اعلم
ممكن تروح لفني مختص بالقير الاوتو وتخليه يفحص القير والزيت
واذا قالك توضيب لا تسمع كلامه رح غيره (صارت معي) اغلبهم ما يخاف الله وما يهمه فلوس حلال او حرام
واكتشفت بعدها الزيت ناقص علبه طلع ابن حلال ورجع الموتر مثل اول وافضل

اسف على الاطاله ، اسأل الله لنا ولكم التوفيق..

[hassan-55]

واحتمال القير وزيته جيد
ممكن مشكلتك من حساس الدعسه (مرتفع)
لان طبيعي اذا الدعسه مرتفعه ينتع القير
حاول تنظف حساس الدعسه او توزنه اذا كان يدوي
أتمنى وصلت الفكره ، شرح لك عليه :)

[ابوتركي 2020]

الله يعطيك العافيه بوديه افحص زيت القير وبنظف حساس الدعسه والموتر شاريه مستعمل مادري هو مغير او لا

شكراً لك