مطلوب باسرع وقت

[ابوالايتام]

اخواني طبتم وطاب لقائي بكم الاول فلاول مره اشارك بموقعكم المميزواتشرف بان انتسب لكم رغم انشغالي ولكن اذاعرف السبب بطل العجب ساختصرالموضوع لكم وهوان لي رفاق قدتعاهدوعلاتربيه مجموعه من الايتام(ضروف خاصه)يزيدعددهم عن الخمسين يتيم وقدوضعولهم برامج كثيره منهاالكشته وقداستفادومنهااستفاده عضيمه ومن ضمن البرامج الجربعه والصيدوهم بحاجه (لسلقه اوسلوقي)لاستخدامه في رحلاتهم فلي خابرن سلقه لايبخلبه عليهم وشكرالكم القصيم

[القحطاني505]

والله الحال من بعضه وان جانا شي ابشر والله يعينكم

[القناص القطري]

اقول وش هالنصبة يابو الايتام

[قنيصان]

السلام عليكم ورحمة الله وبركاتة

ههههههههههههههههههههههههه اقول يابوالايتام والله من التنسيم في ذا الراس

[راجح]

*( القناص القطري ) ..
خلّك بعيد .. وطف نورك .. ولاتكذب الرجّال إذا ماعندك بيّنة !!!

ــــــــــــــــــــــــــــــــــــــــــــــــــ ــــــــــــــــ
*( أبو الأيتام ) ..
أبشر .. خابر واحد عنده ,, إذا لقيتها ماراحت أبا أعلمك .. بإذن الله ...

[هوى الغربي111]

من له حيله فل يحتال

[داعي الطير]

ابشر والله لو اجيك من حايل واحطها عندك باهديك سلقتين وذيخ كلها مدربه انت وينك

[فنجال السيف]

العب غيرها!!!!!!

[يتيم بلا زايد]

مشكور اخوي القحطاني 505 والله انك قدها وقدود

[ابوالايتام]

اخواني الاعزاءساتني بعض الردودوجبرت خاطري ردود اخرا ومع ذالك فوالله الذي لااله غيره ماكذبت في مقالي ومثلي مايكذب علاشان(سلقه)والي يبي يزورن في بريده حياه ربي وبشربلي مايقلطك الامع الايتام

[داعي الطير]

ابوالايتام ابشر بسعدك راسلني على الخاص وابشر من عيوني تذكروا قول الرسول صلى الله عليه وسلم انا وكافل اليتيم كهاتين في الجنه واشار بالسبابه والوسطى عليه الصلاه والسلام

[ابواحمد1]

انا خابر لك بس وطارق السست " يعني مرتفع عن الارض " يصلح والوقفه وقفة سلوقي ويدووووس بس يصلح لتذيير الصيد الموقع لا وحولك بعد

طيري غدا والسلوقي راح لا وا حلالاه ياطيري
اصيح واومي بالملواح واقول طيري لقا غيري

[القـــناص]

اخوي ابو الايتام

هذا الاخوان ماقصروا ودبرو لك اللي تبي....

[abo_kaled001]

السلام عليكم ورحمة الله وبركاته

أخوي ابو الايتام ابشر باللي يرضيك ارسللي رقمك على الخاص ومالك إلى طيبة الخاطر .

[ابو صاالح]

انا اقول لبعض الاعضاء ((( فليقل خير او ليصمت )) والتطنز وتكذيب الناس ذي مو من عوايد الرجال واتمنى تعتذرون للرجال وهو والله يستاهل كل خير انشاء الله ،،،، ونا أقول للعضو (( داعي الطير )) والعضو (( ابو خالد )) جزاكم الله خير والله انكم كفو وكفو وكفو ومشكووورين .

[ابوالايتام]

اخواني الاعزاءبعدالف تحيه واصدق ترحيب اشكرلكم حفاوه الا ستقبال والترحيب وسعه البال علي فرغم اني جديدعليكم الاان صدوركم كانت اكبرمن ان تحتملني بل حملتني وحملت امال اطفال صغارليس لهم ذنب الاانهم ارادوان يتمتعوبالعاب الكبار(القنص)فشكرا لكل من اساءرغم اني اعتقدانه اساءبغيرقصدوالف الف شكرودعاءلكل من تجاوب وتفاعل وحاول ان يبراءساحتي من كل نقيصه رغم انه لايعرفني ولاكن هكذايكون النبل والشهامه امامن حقق للايتام بغيتهم فلن ادعوله ربي بل ساجعل من لاترد دعوتهم(الايتام) ان يدعوله باالرزق الوفيروالعمرالطويل وكل خيرعميم.........دمتم ودام موقعكم عامر الى يوم الدين اخوكم ابوالايتام

[قنيصان]

السلام عليكم ورحمة الله وبركاته
اخوي ابو الايتام انا اعتذر على الرد وتراني احسبك والله قايلها مزحة مماتوقعت انك جاد والعذر والسموحة

[فنجال السيف]

السلام عليكم

اسمحلنا غلطنا عليك ولا تشيل علينا

[ابوالايتام]

ايهاالمكشاتيون لالالالالالالاتعتذروفقدالتمست لكم العذرقبل قبل ان تنطقوبه وماانتم واناالى كماقال الشاعر لاقلت انت ولاسمعت انا هذاحديث لايليق بنا ان الكريم اذاحادثتهو سترالقبيح واضهرالحسنا تحياتي الك

[sasasasas]

يحلونها النشاما يا ابو الايتام
بس عساك صادق

والله يحل امرك

[ابوالايتام]

ابشرك النشاماماقصروامابنسبه للصدق فخله لله هوالي يعلم السراير اماالشباب فماقصروخصوصن داعي الطيروابوخالدفلهم مني جزيل الثنا

[ابوالايتام]

?????????????????????????????????????????????????? ?????????????????????????????????????????????????? ?????????????????????????????????????????????????? ????????????????????????????????????????????

[محمدعلي المري]

بيض الله وجهك ياابو صالح كلام طيب بعض الكلام الذي لافائده منه ؤزر على صا حبه وجزاك الله خير

[ابوالايتام]

اخواني بعدالتحيه هل يوجدمواقع تهتم بمواصفات الخيام غيرمكشات

[منتعش]

الله ييسر أمرك
والله يوفقك ويحفظك ويسددك ويبارك فيك
وأسأل الله أن لا يحرمك الأجر والمثوبة
وأن يضاعف لك الأجر
وأن يخلص أعمالنا جميعاً

[الشيهاني]

ابو الأيتام أبشر بعزك راسلني على الخاص

[ابوالايتام]

الشيهاني اشكرلطفك وحاولت اراسلك علاالخاص بس ماجاوب معي

[سعدون جابر]

تسان تبي فيه سلوقي أزرق بـ 2000 ريال ارسلي رسالة خاصة


سالفة الناموس هذي خالصين منه ما عندنا الا بفلوووس


على فكرة السلوقي عمره سنة وثلاث شهور ومضمون بالقـّرط ( البسس البرية ) والحصآني لكن الأرنب إلى الآن ما جربه راعيه

[DR.M0M0]

والله ثم والله لو عندي ما اقصر معك وهي عطية ما ارجي وراها الا الثواب والجزاء من الله

واذا فيه شيء اقدر افيدك به غير السلق ابشر بعزك وراسلني خاص

[ابوالايتام]

الزملاالاعزامشكور علاتعاطفكم خصوصاdr.momoوبلمناسبه فيه مشكله عندي وهي كيفيه المراسله علاالخاص ماهي شغاله عندي ولاادري عن السبب