استفسار بخصوص مكينة سوناتا هل خبطت وللا لاء

[ذعار نيوتن]

سلام عليكم


يالربع عندي اوبتيما مركب لها مكينة سواناتا 2014 قبل 7 شهور
والمكينه كانت نظيفه لين خرب علي مبرد الزيت اللي يركب فيه السيفون وصار يخلط الماء مع الزيت
طبعاً خرب قبل شهر واضطريت اني اكنسل مبرد الزيت حق السيفون عشان مايخلط الزيت مع الماء وللتوفير مابدلته ازلته
طبعاً غسلت الاديتر والمكينه من باقي الزيت وغيرت بلف الحراره


اللي صار اليوم ان السياره وبعد مرور شهر من الكلام فجأه صارت ترجف وتتفتف بقوه متوسطه الى قويه اذا مشيت عليها
شيكت الزيت مافيه اي مشكله ولا هو ناقص كذلك الماء صحيح فيه بقايا زيت لكنها قليله مرره

وش سالفه هالرجف والتفتفه ياجماعه مع العلم انه مهو هين وكيف اعرف هل المكينة وددعت وللا لاء ؟

[Lexusjouf]

اتوقع ان مشكلتك من الكويلات حقات البواجي رح لكهربائي وخله يفحصهن لك

[Lexusjouf]

عليكم السلام
اتوقع ان مشكلتك من الكويلات حقات البواجي رح لكهربائي وخله يفحصهن لك

[ذعار نيوتن]

يالربع الرجه قويه ووكيف اتاكذ اذا هي من الكويلات والبواجي وللا من المكينه نفسها

[hassan-55]

ان شاء الله خير مثل ما ذكر لك الأخ افحص الكويلات
وفك البواجي اعتقد يحتاج تنظيف او تغيير فكه وشوفه أتوقع تلقى زيوت او كربون يمنع او يضعف الشراره
قبل أيام عند اخوي دباب من الحجم الكبير كلاسك يشغله يتفتف ويطفي ووصل لحاله انه ما يشتغل ابد
فكيت البواجي ونظفتهن بفرشه وبنزين ما شاء الله صفا وراحت التفتفه ووصيته يجيب بواجي جديد اغيره له
شف ورد خبر ان شاء الله مشكلتك بسيطه
اسف على الاطاله والله ييسر امرك ويوفقك..

[kk99103]

شغل السيارة و اسمع صوت الشكمان صافي ولا لا اذا مو صافي مثل ماقالو الاخوان افحص الكويلات و البواجي و فحصها سهل افصل الكويل والسيارة شغالة اذا ماتغير صوت المكينة معناته خربان اما البواجي بالنظر فك البوجي وشوفه و تساهيل ان شاء الله