خيمة المبيت سيشل اديشن من القاضي

[اماراتي 10]

السلام عليكم ورحمة الله

اخواني اشتريت خيمة المبيت سيشل اديشن القاضي الكبيرة وجربت ابات فيها وأصبح علينا ضباب وطل وتسرب للخبمة مع اني سألت البايع كذا مره وقالي ضد الماء السؤال الحين حد عنده فكره او طريقة كيف ممكن اخليها عازله من البلل لو شي بسيط وجزاكم الله كل خير

[مزعل.كوم]

غرييييبه
استخدم خيمة المبيت انا و ربعي من كم سنه ولم نصادف ان تسربت الطلوله الى الخيمه،

شيك على الخيمه ممكن ان تكون مشقوقه

[أبوصالح9]

شكل الخيمة ماكانت مشدودة يوم تفلها - شدها زين بحبالها - اذا كانت الخيمة غير مشدودة ونقع الماء او المطر عليها بتهرب

[الحربي حاتم]

الله يهوضك
رجعها لهم وإنشب في اللي باعك إياها

[اماراتي 10]

شكل الخيمة ماكانت مشدودة يوم تفلها - شدها زين بحبالها - اذا كانت الخيمة غير مشدودة ونقع الماء او المطر عليها بتهرب
هلا والله صحيح ما كنت شادها

[هارون97]

طبيعي اذا ماشديتها تهرب اي خيمة

[wannan]

طبيعي اذا ماشديتها تهرب اي خيمة
كلام ممتاز...
أي خيمة مصنوعة من قماش (أيّاً كان نوعه) إذا نقع عليه الماء وطوّل.. سورب.. أو قطّر.. أو رشّح.
وهالكلام يعرفه أهل البر من عرفوا الناس الخيام والكشتات.
فإذا كان القماش زين (مثل التنزاني) وشدّيته عدل.. علشان يزلّ عنه المطر ولا ينقع. ... منتاب شايف خلاف أبد {إن شاء الله}

[سنعوس نجد]

السلام عليكم ورحمه الله وبركاته
انا معي خيمتين المبيت من القاضي نفر واحد وجانا مطر بالشمال فجر السبت والحمد لله لاهربن ولا شي وقد جربناها بالطلوله ولا هربت
ولا شديتها ولا طقيت لها اطناب ولا فليت حبلها والحمد لله

[نفح البرادي]

السلام عليكم

وانا جربت خيمة المبيت 2x3 العادية والحمدلله ساعات من الريح والمطر ولا تخر .. ولازم تحط في بالك اتجاه الريح يكون بظهر الخيمة لاتسرب عليك اذا فتحت الباب ..

[نفح البرادي]

ماعليك أمر لو تحط لنا صور للخيمة ووش ميزة السبشل اديشن عن باقي خيام المبيت