صيحه في الطير

[سم الكراوين]

السلام عليكم
يالربع عندي طير وكري حرار وحش خذيته من شهر ونص والطير باقي فيه شويه وحاشه والطير فيه صيحه ولا جيته ابي انقزه على الدس يصيح وش الحل معاه
افيدونا الله لايهينكم

[أبو العنود1]

وعليكم السلام ورحمة الله وبركاته


الطير يالاحقه جوع ياانه مضروب من الدس كانه فرخ انقله واجد وامسح عليه وبتروح الصيحه ولا تحاول ترش مي ومن السوالف تزيد خوفه عامله بطولت بال ولاتاخذ بالك من الصيحه وبتروح شوي شوي لين يالفك

[بو_راشد_]

مساكم الله بالخير

انا عندي طير فيه نفس المشكلة لكن صيحتة من البرقع ويهاب البرقع بشكل رهيب

والظاهر انة راعيه الاولي كان ملبسه برقع مو اب مقاسه

وانا ما صارلي اسبوع والطير عندي وشريت له برقع جديد

هل امارس وياه نفس الوسيلة الي مذكورة من اخونا ابو العنود ولا هل الوضع يختلف وشاكر لكم

[أبو العنود1]

نفس الطيرقه اخوي بس تزيد عليها تجيب برقع غير اللي تبرقعه به وتحط نسير به وخليه ياكل منه ويدخل راسه بالبرقه يدور النسير واستمر لين تشوف راحت الرهبه وانصحك انقله واجد بكل سهره وخله يلعب بالبرقع وهو بيدك يعضعضه وحطله نسير به كذا مره لو قطع كبر طرف الاصبع وكل شوي حطله قطعه وبرقعه وعلفه وهو مبرقع لو قطعه ورد فك البرقع وكل الليل طالما تشيله خله كذا برقع وفك البرقع كل شوي

[بو_راشد_]

نفس الطيرقه اخوي بس تزيد عليها تجيب برقع غير اللي تبرقعه به وتحط نسير به وخليه ياكل منه ويدخل راسه بالبرقه يدور النسير واستمر لين تشوف راحت الرهبه وانصحك انقله واجد بكل سهره وخله يلعب بالبرقع وهو بيدك يعضعضه وحطله نسير به كذا مره لو قطع كبر طرف الاصبع وكل شوي حطله قطعه وبرقعه وعلفه وهو مبرقع لو قطعه ورد فك البرقع وكل الليل طالما تشيله خله كذا برقع وفك البرقع كل شوي

رحم الله والديك اخوي ويا عسي الله يوفقك ويرزقك بالنادر ان شاء الله