وجدت عامل في البر لم يستلم راتبه منذُ سنه !!

[هويدي]

السلام عليكم ورحمه الله وبركاته

البارح بنشرت بمنطقه بأطراف الرياض وفزعلي هندي ابن حلال سولفت معه وقالي انا كنت 18 سنه اشتغل بنشري بعرعر

وحالياً لي سنه بالرياض اعمل في شركة مقاولات ولا استلمت ريال !! والكفيل يماطل :eek:

سألته انت لحالك اللي ما استلمت راتب قالي انا و 18 نفر

قلتله رح لمكتب العمل اشتك . قال كلو نفر كلام مافي فايدة



مالكم بالطويله ابي اساعد المساكين وش الاجراء او الطريقه اللي ياخذون حقهم ونكسب اجرهم

ودمتم بحفظ الله ورعايته

[ابـو ولـيـد الـحـربـي]

السلام عليكم



شف وانا اخوك ان كان عنده اقامه اشتكي كفيله باسم العامل عند مكتب العمل او الشرطه
وان ماكان عنده اقامه كلم كفيله بالإحسان


وانا والله مستغرب كيف كميل سنه مايأخذ فلوسه الا ان كفيله مهدد يعلم عليه او هاذا العامل شخصيته ضعيفه
كل ماجاء لكفالتهم صرفه

[قوافي ( أم نهار )]

وعليكم السلام ورحمة الله وبركاته
جزاك الله خيرا وجعلها بموازين حسناتك
عنْ عَبْدِ اللهِ بْنِ عُمَرَ؛ قَالَ: قَالَ رَسُولُ اللهِ صل الله عليه وسلم: (أَعْط الأَجِيرَ أَجْرَهُ، قَبْلَ أَنْ يَجِفَّ عَرَقُهُ). رواه ابن ماجه.

[saaamooo JED]

السلام عليكم ورحمة الله وبركاته والله ياخي الله يجزاك خير ويرحم والديك كان صورة مقطع فيديو وهوا يتكلم ونشر في الواتساب وخلاص يوصل للمسئول ويجيهم العلم لاكن مانقول إلا حسبنا الله ونعم الوكيل كيف الإنسان ينام وهو مرتاح وهذي العماله في ذمته ما استلمت رواتبها لاكن إذا مات القلب والضمير هذي النتايج نسئل الله السلامه.

[الصيادالمليح]

مثل ما ذكر صور العامل في مقطع فيديو يذكر فيه اسم الشركة و اسم الكفيل و وضع بقية العمال و يناشد فيها ملك الحزم انه ينصفه مع العمال من مماطلة الشركة و الكفيل في دفع رواتبهم و انشرها في مواقع التواصل وكلها ساعات تلاقي المسئولين يتناقزون و يصرحون ان العمال في طريقهم لاستلام رواتبهم .... مافيه غير هذي الطريقة المتبعة عشان الواحد ياخذ حقه من الظالمين ×

[turkiq]

يقول الرسول صلى الله عليه وسلم: إنما تنصرون بضعفائكم.
فساعده جزاك الله خير ولا تخلي احد يكسل عليك عسى ان الله ينصرك في الدنيا والاخرة وان يلحقنا الاجر بفضل الله وكرمه وعسى ان يرفع به الله عذاب او بلوى تصيب المجتمع بسبب ظلم امثال هؤلاء الكفلاء لمكفوليهم ولاحول ولاقوة الا بالله

[هويدي]

الله يجزاكم خير اخواني كلن بأسمه

بقوله يقدم شكوى لمكتب العمل اذا مانفع مالها الا المقطع

عزالله جبتوها يالذيابه :)

[السااهي]

سنة مااستلم راتبه ؟

[ولد وايل]

حبيبي هذا يرفع قضيه ونقل كفاله مع بعض

ينقل بدون اضن كفيله مع تسديد الرواتب كامله

[h a j u s]

لاحول ولاقوه الى بالله كيف عايش المسكين وكيف يرسل فلوس لااهله سنه استغفر الله العظيم من كل ذنب اذنبته