جمس يوكن 2009 ما يشتغل

[الخشع]

السلام عليكم ورحمة الله

كيفكم شباب

عني يوكن 2009 صار لي فيه مشكلة
لما اشغله يرفض يشتغل يدق سلف بس ما يشتغل

هل أحدكم لديه الحل

وجزاكم الله خير

[الحربي 591]

السلام عليكم ورحمة الله

كيفكم شباب

عني يوكن 2009 صار لي فيه مشكلة
لما اشغله يرفض يشتغل يدق سلف بس ما يشتغل

هل أحدكم لديه الحل

وجزاكم الله خير


البطاريه وش وضعها ؟

[جني صغير]

طرمبة البانزين

[الخشع]

البطاريه وش وضعها ؟


البطارية تومغريها قبل اقل من شهر

[الخشع]

طرمبة البانزين


متأكد ولا بس تخمين

[الحربي 591]

...

افحص البطاريه حتى لو مغيرها يمكن مضروبه ..
ومثل ما قال اخوي جني :D
قد تكون السبب و قيس ضغطها .


موفق خير ..

[الخشع]

يعطيكم العافية

بالنسبة للبطارية فطلعت اوكي

غيرت طرمبة البنزين وهو تحت التجربة الآن

[الحربي 591]

يعطيكم العافية

بالنسبة للبطارية فطلعت اوكي

غيرت طرمبة البنزين وهو تحت التجربة الآن

يعني صارت تشتغل :)

[الخشع]

غيرت الطرمبة
وجلست السيارة يومين ماشية تمام

هالحين رجعت نفس المشكلة

بالنسبة للبطارية لو هي خربانه بيكون فيه ضعف في التشغيل وفي الجرس وبتشتغل لمبة البطاريه
لكن كل شي تمام لما ادق السلف يدق وعلى ارقى المستويات بس ما يشتغل

فياليت اللي عنده خلفية يفيدني مشكورين

[R I V A L]

الشغله عندك كهربائية بحته,,,,,

حاول تفحص الاسلاك حق البواجي والكويل

بس احساس يقوووووووووول الديلكو عندك فيه مشكله
,

[1824]

مافيها ديلكو السيارة موديل 80 :D الجموس من زمان وقفت الديلكو:good2:

على العموم انت يوم غيرت الطرمبة نزلت التانكي ولا بدون

لان اذا ما نزلته فا المصيبة صارت لان احتمال كبير التانكي مليان وصخ وانت ما نزلته ونظفته والطرمبة الجديدة اكلتها وخصوصا اذا التانكي مهو بفوق النص اذا ربع وتحت فتاكد ان المشكلة لها علاقة بالطرمبة

واذا انت منزله مالك الا تفحص كمبيوتر وتجيب الاكواد ونشوف المشكلة وش هي وفقك الله

[الخشع]

ياهلا فيكم وتسلمون على اهتمامكم

بالنسبة للشغلات الكهربائية فأنا فحصت في 4 محلات كمبيوترات فلو المشكلة كهربه بتطلع بسهوله بس ما طلعت


بالنسبة للتانكي فنزلوه بس مدري والله عن تنظيفهم هم يقولوا نظفوه بس ما عاد تدري عنهم

[R I V A L]

مافيها ديلكو السيارة موديل 80 :D الجموس من زمان وقفت الديلكو:good2:

على العموم انت يوم غيرت الطرمبة نزلت التانكي ولا بدون

لان اذا ما نزلته فا المصيبة صارت لان احتمال كبير التانكي مليان وصخ وانت ما نزلته ونظفته والطرمبة الجديدة اكلتها وخصوصا اذا التانكي مهو بفوق النص اذا ربع وتحت فتاكد ان المشكلة لها علاقة بالطرمبة

واذا انت منزله مالك الا تفحص كمبيوتر وتجيب الاكواد ونشوف المشكلة وش هي وفقك الله





ههه من قالك مافيه ديلكو ؟؟؟

لالا فيه يا بطل
بس الموديلات الحديثه فيها ديلكو كهربائي
والقديمه الديلكو اللي انت خابرة

مش عيب نتعلم كل يوم شي جديد عن السيارات
العيب ان ترفض المعلومة
تاكد بنفسك عند اي كهربائي وقوله جمس 2009 فيه ديلكو او لا
وشكرا

[الخشع]

الله يعطيكم الف عافيه جميع
وكما قال RIVAL نحن نتعلم من بعض

المشكلة هالحين رافض يشتغل ولا حولي كهربائي

طيب تقدر تحدد لي موقع الديلكو واشوف له بنفسي

[الخشع]

وين الناس ليش ما عاد أحد يرد

[tevo]

اخوي اذا تبي تتاكد من الطرمبه فيه ماصوره فضيه مغطيه احيانن بغطاء زي بلاستك لو تفك الغطاء بتلاقي زي البلف لو ضغطته بمسمار مفروض يكب لك بنزين وبالطريقه هذي تكون تاكدت ان الطرمبة توصل بنزين
فيه حساس ناسي اسمه يكون في المكينه شغلته بسيطه وهو اعتقد مسؤول عن توصيل الكهرب للمكينه اذا خرب ما تشتغل السياره

[الحربي 591]

ههه من قالك مافيه ديلكو ؟؟؟

لالا فيه يا بطل
بس الموديلات الحديثه فيها ديلكو كهربائي
والقديمه الديلكو اللي انت خابرة

مش عيب نتعلم كل يوم شي جديد عن السيارات
العيب ان ترفض المعلومة
تاكد بنفسك عند اي كهربائي وقوله جمس 2009 فيه ديلكو او لا
وشكرا


الديلكو استبدل بالكويلات ..في السيارات الجديده 2000 وفوق 2009 فيها كويلات ماهو ديلكو
http://images.superchevy.com/technical/engines_drivetrain/completebuilds_testing/sucp_0812_18_z+turn_key_408ci_LS2_engine+fuel_rail .jpg

الفرق ان الكويلات كل بوجي له كويل ..
اما الديلكو يوزع على جميع البواجي وكلهم تقريبا نفس الشغله
موفق

[Abo_Faisal_506]

الديلكو ماتقدر تتحكم فيه ومافيه ديلكو لان طلعت مشكله بسوبربان 2007 وكلهم يقولون مافيه ديلكو

ومشكله طلعت مايتشغل يدق سلف بس طلع من الطرنبه غيرت وضبط

تاكد من الطرنبه تدفع بنزين ولا لا وشيك على الكتاوتات برفرف يسار علبه سودا

[الخشع]

اخوي اذا تبي تتاكد من الطرمبه فيه ماصوره فضيه مغطيه احيانن بغطاء زي بلاستك لو تفك الغطاء بتلاقي زي البلف لو ضغطته بمسمار مفروض يكب لك بنزين وبالطريقه هذي تكون تاكدت ان الطرمبة توصل بنزين
فيه حساس ناسي اسمه يكون في المكينه شغلته بسيطه وهو اعتقد مسؤول عن توصيل الكهرب للمكينه اذا خرب ما تشتغل السياره

طيب الماصورة هذي وينها فيها وين مكانها الله يسعدك

[yukon99]

لمبة التشييك مولعه والا لا

غالبا العطل من الطرمبه والطرمبه يعطلها شي ثاني حتى غيرتها ترجع تخرب لانك ماصلحت السبب اللي خرب الاولى

والطرمبه سهل اختبارها

حط اذنك جنب التانكي وخل واحد يفتح السةيتش ويسكره لو لها صوت معناته شغاله ولو ساكته الله يعينك تغيرها مره ثانيه

[الخشع]

أشكركم على الاهتمام والردود
وابشركم انحلت القضية

وبعد الإطلاع على كاتلوج السيارة لقيت فيه حل للقضية كامله

والجل هو فيوز بس شيله من مكانه ورجعه وتضبط الأمور

وأبشركم سلك معي تمام ورح أوافيكم بالتطورات إن شاء الله

أشكركم مرة أخرى

[محمد ال محفوظ]

ما شاء الله تبارك الله
الحمدلله انها انحلت و استفدنا من النقاش بخصوص الديلكو و الكويل :D
ممكن تقول لنا فيوز ايش الي شلته أو وين هالمعلومة في الكتالوج علشان نستفيد

[الحربي 591]

ما شاء الله تبارك الله
الحمدلله انها انحلت و استفدنا من النقاش بخصوص الديلكو و الكويل :D
ممكن تقول لنا فيوز ايش الي شلته أو وين هالمعلومة في الكتالوج علشان نستفيد


صحيح ياليت تفيدنا اي فيوز فصلت :)

[الخشع]

هو فيه أكثر من صفحة تتكلم عن الفيوزات بالتفصيل
مو متذكر رقم الصفحة بس أول ما أرجع البيت بأشوف لها

بالنسبة للي شلته اللي هو حق طرمبة البنزين
وموقع الفيوز في الكبوت في اليمين داخل الغطاء الأسود اللي عليه صورة أقفال واحد مفتوح والثاني مقفل

[الحربي 591]

هو فيه أكثر من صفحة تتكلم عن الفيوزات بالتفصيل
مو متذكر رقم الصفحة بس أول ما أرجع البيت بأشوف لها

بالنسبة للي شلته اللي هو حق طرمبة البنزين
وموقع الفيوز في الكبوت في اليمين داخل الغطاء الأسود اللي عليه صورة أقفال واحد مفتوح والثاني مقفل

كانك شلت فيوز الطرمبه المفروض تطفي /: