الفراش الامريكي

[العماني]

يا شباب اسألكم عن الفراش الامريكي

اللي جربة وش دافئ

والله لا يهينكم ابغى صورة للفراش

[برادو]

السلام

ماعندي له صوره بس أنصحك ما تفكر فيه ضيق حيل. اللي ينام فيه من ضيقه إذا شفته من برا تقل دوده.

[العماني]

الله يعطيك العافية يا برادو

بس ما ادري يقولون انة نوعين اللي تذكرة انة ضيق حق العسكريين ههل فية نوع ثاني

وهل الضيق هو اللي ب600ريال ولا غيرة


وللجميع الشكر

[برادو]

والله مدري بس عقب ما شفت خوي لنا نايم فيه صاير كنه دوده بالفراش يتحرك وياه كنه ملزوق فيه ما سألت عنه ولا فكرت فيه. بس إذا تبي الفراش الزين فصل لك واحد على ذوقك وخل بطانته بطانيه

[ابوفهد5599]

عليك با الدريويش وبس 0 الدفاء ولو تمطر ما دريت عنها 0 وهذا المطلوب في الايام البارده جدا 0 :good: :good: :good: :good: :good:

[العماني]

يعطيكم العافية انا عندي فراش الدريويش


بس ودي اشوف شكل الامريكي

[Abo ziad]

اخي الكريم معظم الفلرش الامريكية تتميز بخفة الوزن الا انه يعيبها انها ضيقة ولكنها دافئة جدا بل ان بعضها تعزل البرد حتى -30 درجة مئوية وانواعها كثيرة وافضلها الموضح في الرابط ادناه وشكرا

http://www.actiongear.com/cgi-bin/tame.exe/military/level4.tam?M5COPY.ctx=20580&M5.ctx=20580

[العماني]

يعطيك العافية ابو زيد

[التنزاني]

ااخوي العماني انا مجرب وواجد من اخوياي مجربينه توكل على الله واشترة
وللمعلوميه ترا فيه انواع شي ضيق وشي وسيع

انصحك باللي عند الهدف . بس سعره اغويلي 500 ريال

وشكرااااا

[ابو محالة]

السلام عليكم
انا شريت واحد من عند الهدف بـ 500 ريال من سنتين دافى وترانى ما جربتة فى المطر ولا هوب حروة انة ضد المطر
السحاب لك علية
فية ميزة وحدة حجمة حلو جدا جدا
الدريويش ممتاز لكن عيبة فى عرضة يبى لة شاص يشيله
لكم تحياتى

[العماني]

ابو محاله والتنزاني يعطيمك الف عافية

[سفير الغربة]

اخوي العماني مساك الله بالخير



بالنسبة لي ما انصحك بالفراش الأمريكي تراة مثل قلتة .



عليك بالتنزاني هو المناسب لديرتنا .



وانا رحت إلى كم محل طبعاً في الولايات المتحدة الأمريكية ولقيت كلة كلام فاضي وما ينفع لنا .



والسبب ضيق وما يديفي زين يعني يبغى لك معة كم بطانية :D وإن شاء الله سوافيك بالصور لاحقاً ومن عدستي .



بس فية شغلة حلوة فقط وهو الخف يعني خفيف بالمرة ...؟



ونصيحتي لك عليك بالتنزاني شف والله صار لة عندي حوالي أكثر من سبع سنوات وماشاء الله علية .



لا برد ولا مطر يجيك والحمد لله . والفراش الأمريكي لو فية خير كان شريت منة عشرة .



وتقبل تحياتي



سفير الغربة

[ذيب الجهرا]

اخوي العماني عليك بالأمريكي المقاس الكبير والله مع واحد من العيال ويمدحه بالحيل وسعرة 500 وفيه واحد كبير مره ((يبي له سياره لحاله علشان تشيله)) بـ700 وكل هذا تحصله عند الهدف اللي بالرياض بشارع التخصصي على ما اضن




ذيب الجهرا

[Abo ziad]

اخواني الكرام "
يظهر ان الهدف من طلب الفراش الامريكي هو الحصول على الدفء ، واود افادة اخواني ان الفرش الامريكية الفاخرة تحتوي على زغب وريش الطيور وخاصة البط كحشوة داخلية وكلما زادت نسبة الزغب كلما كان اغلى سعرا ، واقترح على اخواني تفصيل فراش خاص وخفيف يتكون من الريش او الزغب وهذا متوفر في بعض المحلات الكبرى كحشوة داخلية وهو خفيف الوزن وعازل جدا للحرارة والبرودة ، وتلبيسه بقماش تنزاني مع مراعاة اختيار خياط متمرس بحيث لا يكون هناك فاصل بين السحاب وبين حد العازل حتى لا يدخل البرد عبر قماش التلبيسة ، علما انني سمعت عن مواد عازلة للبرودة والحرارة يمكن استعمالها بدل القماش التنزاني وبذلك يكون الفراش خفيفا وشكرا

[eidshg]

لايهمك درويش ولا غيره من الفرس المحلية الأمريكي ولا غيره عقب مربعانية هالسنة أخوياي متقرفصين من البرد رغم الكنابل والبطانيات الي فوق الفرش المحلية وأنا معي أمريكي دخل هالحين السنة العاشرة ودفيان بدون اي بطانية زيادة علما اني شاريه من زمان بمبلغ وقدره ولكن هالسنة عرفت قيمته والميزه الاضافية انه خفيف ووذف اما الدرويش يلزمك افغاني للتحميل والتنزيل مع اشكالية السحاب دائما للفرش الوطنية وترى عند القاضي نوعين من الفرش جيدات فراش الدهنا وفراش الصمان وترى الصمان دافي بالحيل وفرق عن الدرويش واقل سعر .....................هذا من باب التجربة

[ساقان]

فراش الدريويش \خساره عليه ال100 ريال تقول داخل ثلاجه واللي يدفي ماهو الشراع الدفا بنوعية البوليستر ((الحشوة الداخلية))

[الابيض]

السلااام عليكم

انا عندي واحد وله ثمان سنين ونا اكده لونه من برا اسود ومن جوا مخطط كاروهات ما ادري هذا اللي تقصده او لا عموما انا شاريه بخمس ميه والحقيقه ما اقدر استغني عنه ابد ولا ابدله عموماً انا لبسته تنزاني وكبرته شوي عن طريق محل للرحلات وكلف ميتين والان كانه جديد وحجمه ما تغير واجد اذا كان هو نفس اللي تقصده لا تتعداااااه

وشكراً

[ابو فيصل22]

يعطيمك الف عافية

[العماني]

اخواني الكرام "
يظهر ان الهدف من طلب الفراش الامريكي هو الحصول على الدفء ، واود افادة اخواني ان الفرش الامريكية الفاخرة تحتوي على زغب وريش الطيور وخاصة البط كحشوة داخلية وكلما زادت نسبة الزغب كلما كان اغلى سعرا ، واقترح على اخواني تفصيل فراش خاص وخفيف يتكون من الريش او الزغب وهذا متوفر في بعض المحلات الكبرى كحشوة داخلية وهو خفيف الوزن وعازل جدا للحرارة والبرودة ، وتلبيسه بقماش تنزاني مع مراعاة اختيار خياط متمرس بحيث لا يكون هناك فاصل بين السحاب وبين حد العازل حتى لا يدخل البرد عبر قماش التلبيسة ، علما انني سمعت عن مواد عازلة للبرودة والحرارة يمكن استعمالها بدل القماش التنزاني وبذلك يكون الفراش خفيفا وشكرا



تبون الصراحة فكرة رائعه بس تيب احد يطبقهها

[عاشق صقر]

يعطيكم العافية اخواني على هذا الطرح
بغيت اسئل لما افرشه على ارض غير مستويه (فيها حجر او غير مستوية )
هل النوم مريح والا لا افيدوني
مع الشكر مقدم