سحاب نجد راعي شقراء
09/02/2016, 06:12 AM
بسم الله الرحمن الرحيم
صل الله على محمد وعلى آله وصحبه اجمعين
الا بذكر الله تطمئن القلوب لا اله الا الله وحده لا شريك له
ياهلا بالغالين وكلن بسمه كبيركم وصغيركم وذكركم ونثاكم وليا حيا كثر وليا كثر تنثر ترا هذا كلام العجيزات منول ياملا الفردوس
اليوم ابا اعلمكم بسالفتين حصلت لي بعدصلات الاخير
رحت لاحد المحلات ولقيته مابعد فتح مدري وينه وجلست في السياره احتريه يفتح
ونا مخلي السياره تشتغل ونا فيها جالس وكان جنب المحل الي انا ابيه محل يبيع جمله مواد غذائيه
ومادريت الا بالي تفتح باب السياره وتركب وهي عجوز كبيره بالسن يالله تقوا تمشي
انا تخلبطت ونعقد لساني مدري وش اقول
وهي من ركبت وهي تقول جزر يجزر عمره عجزت عنه يرخص لي وعياني وهي تناظر تحت ماالتفتت يمي ابد
ونا ساكت ثمن قلت لها ياملا الجنه تراك ضيعتي سيارتكم وركبتي مع شايب قصروهو يدور بنت حلال يبي يعرس ولابعد لقا احد وتقعد تظحك وتقول ياملا فرقا العين عساي اقوا امشي
ثمن اتلفتت يمي وهي تقول زادني اروح طيب وش زينه
وقول في روحي مهيب عاده يتعطر وليدي وين جابه منه ذا العطراكيد انه سارق من فلوسي وشاريه تقول اني اهوجس على روحي كذا
ثمن قالت وين انا فيه
وقلت او وين سيارتكم فيه
قالت وينها قلت خل اجي من يمك امسك لا تطيحين ويوم حولت ولا هذا ولدها المصلح يجي يمي وقالي وين لقيتها قلت عند صلبوخ وين لقيتها فيذا ركبت سيارتي تحسبها سيارتكم
قال عجزت ادورها داخل المحل ونشقت الارض وبلعتها حكيم ذا الولد
بس بعذر امه يوم تقولي زادي مستنكره الريحه الزينه في ولدي
ولا وشذا الولد الله يعافيه بياره متنقله الظاهرله 55سنه ماطب الماء
الله يصبرها عليه وراحو جعل ربي يحفظهم
وفتح المحل الي انا ابيه وخذت الغرض الي انا ابيه منيب معلمكم وشو لو تطيرون وش عليكم مني بعد ههههههه
وجيك اتظوكع ابا اركب السياره ولا فيه سياره جيب واقفه جنبي مره وفيه حرمه كبيره يعني عجيييز تكلم راعي الجيب وقلت في روحي وش جا ذا العجز الليله علي ههههههههههههه وصارت مسكره علي العجوز وشلون اركب ضيق بالحيل
ومشا راعي الجيب وسبحانك ربي عيا مفتاح السياره يفتحها وجلست الغلغ فيه والعجوز جنبي وخلي السياره ولتفت يمها يوم عرفت انها من عجيزاتنا مهيب مثل غيرها ذا الشحاذين
وقالت لي تكفا ساعدني والله العظيم ان عندي اجار البيت عجزت اسدده وراعيه يقول تراي ابا اطردك من البيت انتي وعيالك ونا والله ماعندي شي
قلت لها اول شي قولي امين قالت امين قلت الله يعوضك عن تعبك وتعب رجيلاتك بالفردوس
وعطيتها مقسوم الله
وقلت يكفيني دعاك لي
ثمن قالت لي ماودك تزودني شوي قلت الي معي اعطيتك اياه وتمسك يدي وهي تعبر تبي تصيح
وعلى طول ولا ارادي قلت لها لا تصيحين تراي ما اتحمل ولا اقوا وبا اصيح قبلك وتقعد تضحك من اصيح قبلك وخذت لها شوي وهي تضحك من كلمتي وتقول لا والله منيب صايحه ولا تصيح
ونا والله العظيم اني صادق وخنقتني العبره بعد وربي يشهد كلش ولا تصيح العجوزعندي مقوا ابد
تبون الصدق ما اتحمل اسمع صياح من احد على طول وسابقه على صياحه
وشذا الطبع الشين وش خليت للبزور بس مدري وشو ذالي جاني مع الكبر
ولا منول منيب اخالف اقوا نفسي
اسمعوني جعل ربي يسعد قلوبكم
منول الا صار الولد عاااايل يعني كرشه وعصاقيل وراسه وش كبره الله يعظم اجر اميمته
ويصيركنه من الحواقيل يعني عيال العصافيرالي مابعد نبت لهن ريش الحمد لله ياحبكم تعيرون في عيال الناس ههههههههههههههه كنكم قايلين شي
المهم الا صار البزر عاااايل يقولون الحريم عسا مهوب مبدل يعني الجن حاطين ولدهم وماخذين ولد الانس
اصلن ولد الجن يبي يجي اجمل منذا :D
يعني الي كاسبين الانس :p
وينتشربين العيجزات ان وليد فلانه مبدلينه الجن هههههه تصير امه الرابحه بكل المقاييس
اقول ياحبكم للتطنز وش عليكم منها ومن ولدها:j
اقول ياشيب عيني ذكرت شي
كنت اروح عند ناس وعندهم ولد عااايل ولا يقوا يمشي اسمه سعد ياسفاب ذا الاسم عليه لانه مهوب سعد شقا وقبله عنده تكرمون تهريب وذكر امه شابكه بالمشبك ثوبه في كتفه
طبعن ماعليه صروال ذا العايل
وقبل امه تصفق له وهي تقول سعد سعدنا سعد سعدنا وتحداكم تشوفون يظحك ولا انفعل شوي مع التصفيق ينطلق بطنه هماي اقول لكم عايل وبطنه وش كبره وعصيقيلاته نحيفه حول ماتجي دق القلم ولا يقون يشيلنه هو وكرشته
ولا ذاك قالت لي امه ياسحاب ماودك تمسك يد سعد وتروحبه يمشي ويوسع صدره في السوق عند العيال قلت طيب ومسك يد سعدنا ويالله يقوا يمشي انا ماجيت لسعدنا بس الاقدارحدتني على سعدنا
المهم وماسك يديه الثنتين ونا اقول سعد سعدنا سعد سعدنا وطبعن الثوب مشبوك في الكتف
ومن اشين الطبع في سعدنا مايبي يمر من عندنا احد من زود الملح على طول يصيح
ويتمسك فيني ثمن ينطلق كلش ان صفقتا له هر بطنه
ون مر احد مايعرفه من عنده هره بطنه ثمن ترتخي رقبته معاد يقوا يشيل راسه من كبره
اللهم لك الحمد والشكر
المهم مع السنين بدا يتقظب في الجدران شوي ويطيح وهو ابو 11 سنه وتفرح امه سعد سعدنا وهي تصفق له
وتطلعه عند باب السوق يجون عنده البزور ويوسعون صدره
وفي شقراء واحد يسمونه عبد جعله للجنه وعنده بقرواااجد وقبلهن في السكيك تطارد ولا يلاحقونهاالبزور
ويجن البقر بسرع شي ولا سعدنا عند بابهم ويراثعن فيه يعني وطنه برجليهن وهو ابو 11سنه وتوه بادي يمشي من يومين بس
وبغا سعدنا يموت صاير عقب البقر خرقه بين يدين امه
وسبحان من يحيي الموتا سعدنا كبر ولا قوا يمشي الا وهو ابو 17 سنه
والبارح جاي عندي شوي شرب له بريق حليب بالزنجبيل ثمن قالي الظاهر الليله ادفا من البارح
قلت الي مدفيها بريق كامل حليب بالزنجبيل في بطنك حسبي الله عليك يالله لحقت على بياله
والظاهر انه يشرب مع ثعبه البريق الا تغيفلني يتميلح بعد ذا العايل مشقيني طول عمري الا ياحضي الاقشر
وتراي مستاذن منه اكتب عنه وعن نشئته في بيئه بقريه وسنين نموه ياكبر ذا الكلام عليه:D
صل الله على محمد وعلى آله وصحبه اجمعين
الا بذكر الله تطمئن القلوب لا اله الا الله وحده لا شريك له
ياهلا بالغالين وكلن بسمه كبيركم وصغيركم وذكركم ونثاكم وليا حيا كثر وليا كثر تنثر ترا هذا كلام العجيزات منول ياملا الفردوس
اليوم ابا اعلمكم بسالفتين حصلت لي بعدصلات الاخير
رحت لاحد المحلات ولقيته مابعد فتح مدري وينه وجلست في السياره احتريه يفتح
ونا مخلي السياره تشتغل ونا فيها جالس وكان جنب المحل الي انا ابيه محل يبيع جمله مواد غذائيه
ومادريت الا بالي تفتح باب السياره وتركب وهي عجوز كبيره بالسن يالله تقوا تمشي
انا تخلبطت ونعقد لساني مدري وش اقول
وهي من ركبت وهي تقول جزر يجزر عمره عجزت عنه يرخص لي وعياني وهي تناظر تحت ماالتفتت يمي ابد
ونا ساكت ثمن قلت لها ياملا الجنه تراك ضيعتي سيارتكم وركبتي مع شايب قصروهو يدور بنت حلال يبي يعرس ولابعد لقا احد وتقعد تظحك وتقول ياملا فرقا العين عساي اقوا امشي
ثمن اتلفتت يمي وهي تقول زادني اروح طيب وش زينه
وقول في روحي مهيب عاده يتعطر وليدي وين جابه منه ذا العطراكيد انه سارق من فلوسي وشاريه تقول اني اهوجس على روحي كذا
ثمن قالت وين انا فيه
وقلت او وين سيارتكم فيه
قالت وينها قلت خل اجي من يمك امسك لا تطيحين ويوم حولت ولا هذا ولدها المصلح يجي يمي وقالي وين لقيتها قلت عند صلبوخ وين لقيتها فيذا ركبت سيارتي تحسبها سيارتكم
قال عجزت ادورها داخل المحل ونشقت الارض وبلعتها حكيم ذا الولد
بس بعذر امه يوم تقولي زادي مستنكره الريحه الزينه في ولدي
ولا وشذا الولد الله يعافيه بياره متنقله الظاهرله 55سنه ماطب الماء
الله يصبرها عليه وراحو جعل ربي يحفظهم
وفتح المحل الي انا ابيه وخذت الغرض الي انا ابيه منيب معلمكم وشو لو تطيرون وش عليكم مني بعد ههههههه
وجيك اتظوكع ابا اركب السياره ولا فيه سياره جيب واقفه جنبي مره وفيه حرمه كبيره يعني عجيييز تكلم راعي الجيب وقلت في روحي وش جا ذا العجز الليله علي ههههههههههههه وصارت مسكره علي العجوز وشلون اركب ضيق بالحيل
ومشا راعي الجيب وسبحانك ربي عيا مفتاح السياره يفتحها وجلست الغلغ فيه والعجوز جنبي وخلي السياره ولتفت يمها يوم عرفت انها من عجيزاتنا مهيب مثل غيرها ذا الشحاذين
وقالت لي تكفا ساعدني والله العظيم ان عندي اجار البيت عجزت اسدده وراعيه يقول تراي ابا اطردك من البيت انتي وعيالك ونا والله ماعندي شي
قلت لها اول شي قولي امين قالت امين قلت الله يعوضك عن تعبك وتعب رجيلاتك بالفردوس
وعطيتها مقسوم الله
وقلت يكفيني دعاك لي
ثمن قالت لي ماودك تزودني شوي قلت الي معي اعطيتك اياه وتمسك يدي وهي تعبر تبي تصيح
وعلى طول ولا ارادي قلت لها لا تصيحين تراي ما اتحمل ولا اقوا وبا اصيح قبلك وتقعد تضحك من اصيح قبلك وخذت لها شوي وهي تضحك من كلمتي وتقول لا والله منيب صايحه ولا تصيح
ونا والله العظيم اني صادق وخنقتني العبره بعد وربي يشهد كلش ولا تصيح العجوزعندي مقوا ابد
تبون الصدق ما اتحمل اسمع صياح من احد على طول وسابقه على صياحه
وشذا الطبع الشين وش خليت للبزور بس مدري وشو ذالي جاني مع الكبر
ولا منول منيب اخالف اقوا نفسي
اسمعوني جعل ربي يسعد قلوبكم
منول الا صار الولد عاااايل يعني كرشه وعصاقيل وراسه وش كبره الله يعظم اجر اميمته
ويصيركنه من الحواقيل يعني عيال العصافيرالي مابعد نبت لهن ريش الحمد لله ياحبكم تعيرون في عيال الناس ههههههههههههههه كنكم قايلين شي
المهم الا صار البزر عاااايل يقولون الحريم عسا مهوب مبدل يعني الجن حاطين ولدهم وماخذين ولد الانس
اصلن ولد الجن يبي يجي اجمل منذا :D
يعني الي كاسبين الانس :p
وينتشربين العيجزات ان وليد فلانه مبدلينه الجن هههههه تصير امه الرابحه بكل المقاييس
اقول ياحبكم للتطنز وش عليكم منها ومن ولدها:j
اقول ياشيب عيني ذكرت شي
كنت اروح عند ناس وعندهم ولد عااايل ولا يقوا يمشي اسمه سعد ياسفاب ذا الاسم عليه لانه مهوب سعد شقا وقبله عنده تكرمون تهريب وذكر امه شابكه بالمشبك ثوبه في كتفه
طبعن ماعليه صروال ذا العايل
وقبل امه تصفق له وهي تقول سعد سعدنا سعد سعدنا وتحداكم تشوفون يظحك ولا انفعل شوي مع التصفيق ينطلق بطنه هماي اقول لكم عايل وبطنه وش كبره وعصيقيلاته نحيفه حول ماتجي دق القلم ولا يقون يشيلنه هو وكرشته
ولا ذاك قالت لي امه ياسحاب ماودك تمسك يد سعد وتروحبه يمشي ويوسع صدره في السوق عند العيال قلت طيب ومسك يد سعدنا ويالله يقوا يمشي انا ماجيت لسعدنا بس الاقدارحدتني على سعدنا
المهم وماسك يديه الثنتين ونا اقول سعد سعدنا سعد سعدنا وطبعن الثوب مشبوك في الكتف
ومن اشين الطبع في سعدنا مايبي يمر من عندنا احد من زود الملح على طول يصيح
ويتمسك فيني ثمن ينطلق كلش ان صفقتا له هر بطنه
ون مر احد مايعرفه من عنده هره بطنه ثمن ترتخي رقبته معاد يقوا يشيل راسه من كبره
اللهم لك الحمد والشكر
المهم مع السنين بدا يتقظب في الجدران شوي ويطيح وهو ابو 11 سنه وتفرح امه سعد سعدنا وهي تصفق له
وتطلعه عند باب السوق يجون عنده البزور ويوسعون صدره
وفي شقراء واحد يسمونه عبد جعله للجنه وعنده بقرواااجد وقبلهن في السكيك تطارد ولا يلاحقونهاالبزور
ويجن البقر بسرع شي ولا سعدنا عند بابهم ويراثعن فيه يعني وطنه برجليهن وهو ابو 11سنه وتوه بادي يمشي من يومين بس
وبغا سعدنا يموت صاير عقب البقر خرقه بين يدين امه
وسبحان من يحيي الموتا سعدنا كبر ولا قوا يمشي الا وهو ابو 17 سنه
والبارح جاي عندي شوي شرب له بريق حليب بالزنجبيل ثمن قالي الظاهر الليله ادفا من البارح
قلت الي مدفيها بريق كامل حليب بالزنجبيل في بطنك حسبي الله عليك يالله لحقت على بياله
والظاهر انه يشرب مع ثعبه البريق الا تغيفلني يتميلح بعد ذا العايل مشقيني طول عمري الا ياحضي الاقشر
وتراي مستاذن منه اكتب عنه وعن نشئته في بيئه بقريه وسنين نموه ياكبر ذا الكلام عليه:D