فايروخ 80 جديده + دربيل خاص للهوائيات + صتم متفجر = مشكلة عدم وزن الدربيل تكفون فزعه

[فإآيروخ]

السلام عليكم
ياشباب عندي فايروخ جديده مقاس 80 و الرصاص 5.5
طبعاً اول مافتحت الكارتون عشقتها يوم كامل عشان السبرنق ياخذ وضعه الطبيعي
وتم شراء صتم ابو راس نحاس او بعض الشباب يسمونه متفجر
و ركبت دربيل خاص بالهوائيات وتم تركيب قاعده اصليه وشده بقوه
مشكلتي هي انه طلقه فوق و طلقه تحت وشوي يمين وشوي يسار شي يرفع الضغط
تفكووووووون وش الحل ؟؟؟؟؟ هل الصتم ابو راس نحاس ماهو مناسب لقوة الساكتون ؟
المشكله والي يرفع الضغط انه مثلا احطها بالصليب وارمي والطلقه الثانيه ارمي على نفس الهدف تكون فوقه ؟ وشوي نفس الشي تكون تحت مع اني ماحركت وزنية الدربيل
تكفووووووووووووون الفزعه ي النشاما

[الخزاعي2010]

مستحيل يضبط الدربيل على الهؤايه لجل ارتدادها قوي

[عثمانن]

مبروك الله يطعمك خيره ويكفيك شره

[عثمانن]

اول شي فك الدربيل اي انك ترمي بدون دربيل

ثاني شي غير الرصاص

اذا مافاد فخير العلاج الكي رح للمحل نفسه وكلمهم

[ابوراكان تبوك]

الدربيل ع الهوائية يجيب المرض

نصيحه جربها بدونه

الرصاص اللي تحكم عليه
كروسمان او jsb

[coolfishing]

وعليكم السلام ورحمة الله و بركاته

أولا .. أتمنى لك التوفيق مع بندقيتك الجديدة
و أسأل الله أن يعطيك خيرها و يكفيك شرها

ثانيا : يفضل أن تذكر بعض المعلومات التي
تساعد الإخوان الأعضاء في تحديد
سبب المشكلة مثل :
- نوع الدربيل
- كم المسافة التي وزنت عليها الدربيل
- هل كنت مثبتا البندقية على قاعدة أو ركيزة ( إستاند ) اثناء الرمي
أو كنت ترمي و أنت تحمل البندقية
- هل كنت ترمي في منطقة مفتوحة وأقصد ( بر مثلا ) أو في مكان مقفل

جميع تلك المعطيات تساعد الأخوة الأعضاء في تحديد سبب المشكلة لديك

وكنت أتمنى لو أمكنك الإطلاع على بعض المواضيع أو المشاركات الخاصة بي
لعلك تجد ضالتك .. ولكن للأسف يبدو أنها حذفت جميعها

تحياتي

أخوك
أبو وجيه

[مستر هاوي]

تبي نصيحتي انا من أول احسب هالصتم ابو راس نحاسي شي ثاني ولاكن مع الوقت وكلام الناس اكتشفت انه سئ وواحد من العيال فوت قميريه يقول بسبب هالرصاص المهم اني صرت استخدم الرصاص اللي علبته حمراء ( اللي يباع عند الرميح) لانه هو افضل رصاص اعرفه وجربته الى الآن واللي يعرف افضل منه يفيدنا..

[Sniper 2015]

ماراح يضبط الدربيل على الكسر وخاصة القريات نفس الفايروخ 80 و90 وديانا 350 ماغنوم ماانصحك بالدربيل نصيحة اخو ومجرب اشتر ساكتون ضغط وراح تدعيلي اذا تحب الصيد عن طريق الدربيل .

[Abu Sary]

راح يضبط عليها الدربيل بشرط مايكون الرصاص أبو دبوس خذ الاخضر القديم اللي يجي راسه مسطح
انا عندي مثلها لكن عيار 4.5 وعليها دربيل وضابط ولا فيه هرجة

المشكلة كلها بالرصاص لاتاخذ رصاص ابو دبوس نهائياً مهما كان نوعة

[h a j u s]

ماعندك مشكله في شي غير وزنيه الهدف فقط

[M.brhom]

ليش ناس تفضل رصاص 5.5 والبعض 4.5
وايش الفرق بينهم ياليت توضحون لي لني ابي اشتري ولا ادري ايت الافضل والانسب

[M.brhom]

السلام عليكم
اخواني انا عندي نفس المشكله وغيرت اربع انواع رصاص ولازالت الفايروخ 80 تشكل في الرمي طبعا بدون دربيل ارمي
وانا ارمي ع بعد 20 الئ 30 متر تقريبا
البندق جديده ولكن لم اعشقها يوم كامل وبديت اكرهها بس بعطيها فرصه يمكن تضبط معي اذا تقدرون تفيدوني جزاكم الله خير

[أبوصالح9]

السلام عليكم
اخواني انا عندي نفس المشكله وغيرت اربع انواع رصاص ولازالت الفايروخ 80 تشكل في الرمي طبعا بدون دربيل ارمي
وانا ارمي ع بعد 20 الئ 30 متر تقريبا
البندق جديده ولكن لم اعشقها يوم كامل وبديت اكرهها بس بعطيها فرصه يمكن تضبط معي اذا تقدرون تفيدوني جزاكم الله خير


وش نوع الصتم اللي جربته ؟

هل كنت ترمي والبندق ثابته سواء على كيس رمل او اي اداة للتثبيت ؟ طبعا هذا مهب ضروري اذا كنت تتقن الجلسة السليمة او الوقوف السليم

هل كنت ترمي والجو صافي مافيه هواء ؟

هل وضع النيشان الامامي مع النيشان الخلفي كان واحد بالرمي ولا مره فوق ومره تحت ؟ يعني هل كنت تحفظ مكان النيشان الامامي في جميع رمياتك ؟؟؟؟؟؟؟

هل كانت المسامير مشدوده - مسامير الاخشاب والنياشين
____________________________________________

لا بد عند الوزن ان تكون المسافة واحده ومن وجهة نظري 25 متر - وبعد الوزن يبقى عليك تقدير المسافة عشان تعرف مقدار ارتفاع النيشان الامامي او انخفاضه على حسب بعد الهدف واتجاه الرياح

النقطه الاهم الصتم اللي توزن عليه بندقك لاتغيره ابد اشتر 20 30 50 دسته وخلها عندك لاتاكل ولاتشرب ولا تخرب

افضل صتم حاليا نوعين من خلال تجربة وهي الافضل بنظري بعد الالماني الاخضر القديم وليس الجديد

1- match الاخضر التشيكي راس مسطح

http://store1.up-00.com/2016-03/145928380514181.jpg (http://www.up-00.com/)

2- كروسمان الامريكي راس مسطح وليس المدبب

http://store1.up-00.com/2016-03/145928380522522.jpg (http://www.up-00.com/)

[الحربي حاتم]

الله ييير أمرك
بكم شريتها

[M.brhom]

عندي match وعندي كروسمان كلها جربتها وعندي نوعين المانيه ناسي اسمها حاليا ولكن اذا رجعت البيت بذكرها لكم
اووقت الرمايه ارمي ع مركاز والبندق ثابته تماما ً
اكثر الوقت ارمي في الحوش حق البيت ع مسافه 20 والجو صافي وشبة معدوم الهواء
اكيد احفظ مكان النيشان ان ماني جديد ع الرمي
البدائيات هذي كلها اعرفها بس وانا اخوك المشكله هذي اول مره تمر عليها
وللمعلوميه انا اول مااخذتها رميت فيهاا كم مره واكلت من صيدها ولله الحمد بس الحين لي اسبوع رميها مختلف وتشكل في الرمي
واشكرك ع تجاوبك معي واتمنا االقا حل لها
شريتها من السنيدي ب 1900

[vtc 14]

الرميح عندهم 1800
واذا تبي حل لمشكلة عدم الصوابه
عشق الساكتون يوم عشان تضبط رميها ومايكون كل طلقه بجهه

[أبوصالح9]

عندي match وعندي كروسمان كلها جربتها وعندي نوعين المانيه ناسي اسمها حاليا ولكن اذا رجعت البيت بذكرها لكم
اووقت الرمايه ارمي ع مركاز والبندق ثابته تماما ً
اكثر الوقت ارمي في الحوش حق البيت ع مسافه 20 والجو صافي وشبة معدوم الهواء
اكيد احفظ مكان النيشان ان ماني جديد ع الرمي
البدائيات هذي كلها اعرفها بس وانا اخوك المشكله هذي اول مره تمر عليها
وللمعلوميه انا اول مااخذتها رميت فيهاا كم مره واكلت من صيدها ولله الحمد بس الحين لي اسبوع رميها مختلف وتشكل في الرمي
واشكرك ع تجاوبك معي واتمنا االقا حل لها
شريتها من السنيدي ب 1900


معليش على هالسؤال - انت متأكد انك شريت فايروخ المانية من السنيدي وسعرها 1900 ؟؟؟

[M.brhom]

ايه اخوي متاكد انها ب1900
انا في المنطقه الشرقيه وبحثت في اكثر محلات الصيد احصل الاسباني والصيني.. ولكن الالماني حصلته في السنيدي فقط
( الفايروخ 80 ) واتصلت ع الرميح في الرياض حصلتها عنده ب 1800 الفرق بس مية ريال وماتحمل اطقها لرياض
بس ليش مستغرب وش الي لفت انتباهك في السعر .؟
علما بانه يوجود فاتوره شراء

[أبوصالح9]

ايه اخوي متاكد انها ب1900
انا في المنطقه الشرقيه وبحثت في اكثر محلات الصيد احصل الاسباني والصيني.. ولكن الالماني حصلته في السنيدي فقط
( الفايروخ 80 ) واتصلت ع الرميح في الرياض حصلتها عنده ب 1800 الفرق بس مية ريال وماتحمل اطقها لرياض
بس ليش مستغرب وش الي لفت انتباهك في السعر .؟
علما بانه يوجود فاتوره شراء

ممكن صورة للفاتورة طال عمرك ؟

[M.brhom]

موجوده بس ليش منت مصدق
فيها شي غريب ولا وش السالفه .؟

[عام1433]

بالنسبة لرمي دون دربيل تكون المشكلة غالبا من الحبة منحل الشداد الذي يثبتها وتتحرك مع الرمي اوزن الحبة وشد المثبت وان شاء الله تظبط

[أبو سعد الحربي]

أسعد الله صباحكم

بالنسبة للدربيل على الفايروخ 80 عندي له فترة والحمدلله ما اشتكت منه في الرمي أبد بس انا اشور عليك أنك تغير الصتم وتاخذ الالماني المسطح او المدبب كلها زوينه لكن عندي إستفسار ! شلون تعمر السكتون يوم كامل ؟؟ هذا يرخي السبرنق ويقلل القوة ! أنا صراحه ضد الفكره هذه وللعلم قبل الفايروخ كانت معي 70 والله ماسويت زي ما يقولون الشباب وكانت معي مضبوطه , ما عليك غير تغير الصتم والله يبارك لك فيها

[ابوسعد العنزي]

افضل صتم مر علي وجربته ولا اشتري الا هو اكزاكت ومايبيعة الا محل لوازم الرحلات علي شارع خالد بن الوليد اسم المحل مأرب الصحراء صراحة صتم يجمل ولا شفت مثل دقة الصتم هذا وراح تدعولي

[ابوسعد العنزي]

ومع العلم الهوائية الي معي فايروخ ظ¨ظ× حجم ظ¥ ،ظ¥ جربة لان فيه احتمال من الصتم

[ولد آل مقبل]

السلام عليكم ورحمة الله وبركاته

اسعد الله جميع اوقاتكم بكل خير

انا عندي ديانا ماقنوم وطفشت منها ودربيلها .. والنيشان يتحرك يقولون صمغ وحوسه


بالاخير مسكت معي اظبط الدربيل

جربت كذا نوع كلها فاشله

ظبط معي دربيل الويبلي قولد ب 450 ريال وماش ماظبط بس افضل من اول

اول اوزن طلقتين تتغير الوزنيه بعد الويبلي ظبط يعني يمشي ابو طلعه

بعدها رحت للهدف بالتخصصي ( حاليا لهم فرع بشبرا ) وشريت قواعد امريكيه ب 100 ريال

ركبتها ووزنت صليب الدربيل مظبوط بالميزان المائي

والبندق صارت تختلف وزنيتها بعد كم طلعه ...

وجو بزران عندي بالمزرعه لعبو بالساكتون وكسروها ويوم جيت من بكره والقاها مكسوره وع الارض

وارمي بها ومن عقبها ابشركم وزنيتها زي ماهي لها سنه وهي زي الوزنيه بالملي

اتمنى اني افدتكم

اخوكم ولد آل مقبل

واي مساعده انا حاضر

[ابوشوق0]

ابيض وجه ياولد ال مقبل يا اخوان الرجال عطاكم زبدة الموضوع وحل مشكلة اختلاف وزنية الرصاص