مشكله بالنيسان الفتك

[k.f]

السلام عليكمصباح الخير ياوجيه الخيرياجماعه ياليت تفيدوني بمشكله عندي بالفتك موديل2002 الموتر نظيف ماشاالله وممشاه 200الف وشوي يعتبر مامشا وماشاالله بالخط وفالبر تمام ومحركاته زينه ولكن الي مستغرب منه ثقيله نفسه مايفز مثل المواتر انا تعودت حياتي كلتا مواتري قير عادي وكلها لاندكروزر واخذت هالباترول تماتيك واحس نفسه ثقيله لابغيت ادعس وانا توني ببدايه ممشاي يصقع الظغط بعدين يبدل يعني كني احنه بقوه وغيرت من راسي قلت بصفيه كويلات بواجي الي هي اسلاك البواجي وبواجي وفلتر بنزين وثلاث مرات افحصه كمبيوتر ابي اشوف فيه عله شي اوبخاخات الكمبيوتر مايطلع فيه شي ابد يقولون موترك سليم طبب والثقل هذا وشو اتعبني وفوق هذا مرات قليله سوا بالبلد اوفالبر وكنه بيغرز وادعس يصرقع الشكمان مره الموتر بالعربي احسه مكتوم بس حبيت اشرح التفاصيل لكم واتمنا القا حل لها المشكله طبعا انا بالشرقيه ومااصلح الا عند ورشه صبيه وكويسين ولكن هالمره بهالموتر للاسف ماوصلو حل لها يقول ابوخالد مافيه شي ممتاز موترك وانا اشوف انه ثقيل والي مستغرب منه الناس يقولون الفتك قوي ونفسه خفيفه ومالخ ياللناس ماعندها سالفه ياموتري فيه بلا زانطه بحلقه ...ولكم مني جزيل الشكر

[الحاتمي2006]

اتوقع لو تفرغ دبة البيئة اللي بالشكمان
بتروح كل مشاكلك

[الوسم]

موترك ما فيه إلا العافية
انت متعود على العايدي .. بس
سواقتك للعايدي تختلف عن سواقة التماتيك
فقط .. والله أعلم

[ثاقب]

اذا كان اللي معك cc4500 فهذا عزمه

[ابوسند9]

وعليكم السلام
غير طرمبة بنزين وصفاية بنزين وفلتر هواء
ونظف اللهات الخارجية بدون فك وان شاء الله يضبط
التكلفه اعلاه للقطع بحدود 450 ريال

[k.f]

يعطيكم العافيه على الردود بالنسبه للي قال فرغ دبة البيئه مافهمت وش هالدبه ووينك وكيف الطريقه؟
واما الطرمبه كيف اغيرها وهي شغاله الي اعرفه ان الطرميه ماتتغير الا اذا تعطلت وهي اذا تعطلت توقف ولالا؟ والصفايه فلتر البنزين مغيره مبطي ماتغير شي بالموتر عادي وفلتر الهوا مغيره قبل شهر برضو ماتغير شي وتنظيف اللهاه هل تقصد الي حقت دعسة البنزين الي فالكبوت منظفها ببخاخ لين قام يدخن وبعدين صفا ولكن برضو ماتغير شي مع العلم ان الموتر فتك 4800

[ابوسند9]

شوف يا الغالي
طرمبة الفتك ما تتعطل لكن تضعف مع الوقت
والسبب اما صافية البنزين متسخة , وبكذا الطرمبة يكون عليها ضغط كبير وتضعف مع الوقت
كذلك نفس الطرمبة فيها فلتر ومع السنين والوقت تتوسخ , وبكذا يقل ضخ الطرمبة للبخاخات
وسعر الطرمبة اصليه ب 280 ريال وتركيبها سهل ارفع الفرش الاخير وراح تحصل صاجة دائرية فكها وراح تشوف الطرمبة , افتح غطاء تانكي البنزين قبل الفك من شان خروج الهواء
اما دبة البيئة , هي دبة صغيره تجي بعد الدبة الكبيرة من جهة المكينه , يعني تقريبا اسفل دعسة البنزين , واذا السيارة مافيها حرارة ما اتوقع المشكلة منها
وطريقة فحصها تفكها وعن طرق اشعة الشمس ومن مجرد النظر تشوف هل هي مسكرة من الكربون ام لا؟ والمادة اللي بداخلها زي الجبس وعلى شكل خلايا صغيره جدااا
كذلك نصيحه اذا بتغير طرمبة البنزين ,غير صفاية البنزين ,لان الصفاية هي رئة الطرمبة