نقص زيت المكينة ودخان لاندكروزر

[eng.ahmed]

السلام عليكم ورحمة الله وبركاته


ياشباب عندي لاند كروزر 2003 جي اكس ار 6 سلندر ماشي حوالي 370 الف

اداء المكينة ماشاء الله تمام التمام وعزمها فوق الممتاز ماشاء الله لكن اواجه مشكلة نقص الزيت بعد 1000 كيلو ينقص زيت مع ان الزيت المستخدم بترومين a1 وبنفس الوقت الزيت يقلب اسود بس بعد ممشى 3000 كيلو

وش المشكلة يا اخوان ووش الحل معها

مع العلم عند تشغيل السيارة الصباح تطلع ريحة كانو غاز والرائحة جدا مزعجة

امس جربت السيارة شغلتها وبعد مدة 5 دقايق دعست لها وطلعت دخان وثواني ويختفى والدخان اللي يطلع قليل

يعطيكم العافية ياشباب

[ابوراكان تبوك]

زيت a1 تراه نقص معي في موتر مامشى 20 الف
زيت لايستحق لقب زيت ممتاز حسب الدعايات

باختصر عليك الحلول ان شاء الله حسب عرفي انا تابعتها سوف تقضي على المشكله ان شاء الله

اول واهم شي انسى زيت a1 وشيله من قاموسك
1- غير زيت جي تي كاسترول 20/50 مع السيفون وتأكد ان صرة الزيت ماتهرب
2- غير معاه بواجي ضروري جدا
3- استخدم بنزين 95
4- عاير الزيت بعد 1000 و 2000 و 3000 و4000 لازم تغير الزيت كل 4000 اقل شي ولا يتجاوز 5000 اذا تبغى المحرك يعيش معك لانه الزيوت اللي تمشي 10الاف تصلح لمكاين مامشت 100الف
اذا انتهت المشكله الحمد لله واوتوقع ذلك
اذا بقى نقص الزيت
روح لورشه محترمه وافحص جلد بلوف واذا طلع منها تكلفتها بدون فك راس 900/1200
وان شاء الله تنسى نقص الزيت

[عبقري91]

حسب كلامك
هذي جلد بلوف. وسهل شغلها زي ماذكر اخونا فوق
وجرب تغيير زيت اخر. مثلآ الترا7. 50w20
واذا الزيت يقلب. حاول تغييره قبل موعده. لان الواضح ان المكينه وصخه او فيها ترسبات كربون. يعني زيت محروق من زمان. ويسبب المشكله هذي. والله يوفقك. وييسر امرك وكل مسلم

[مناسبات]

اهلا بكم جميعا هذه المشكلة عندي في الاند كروزر ولا ينفع معها تغيير واستبدال أي زيت بأخر من واقع تجربه لأن جلد البلوف تحتاج الى تغيير ولكم جزيل الشكر ..

[ابوراكان تبوك]

اخوي مناسبات

لازم البدأ اولا في ابسط الحلول وردي كان تدريجي

[ff34d]

الي صار معي شخصياً
الموتر جي اكس ار 2006
المشكله / نقص زيت المكينه علبه الى ربع بعد 1000 كيلو
الزيت / الترا 7
الحل /غيرت بلف بخار الزيت اولاً الموجود في غطا راس المكينه مع واللي مع الجلده سعرها ما يتعدى 110 ريال وجربة ولازال فيه نقص
غيرت جلد البلوف والحمدلله انحلت المشكله

[eng.ahmed]

الله يعطيكم العافية ياشباب ماتقصرون وباذن الله بأبدا بتدريج بغير نوعية الزيت وبغير بلف التبخير لاني اشتريته من فتره لكن مالقيت فرصة اغيره

وبالنسبة لرائحة عند تشغيل السيارة وش سببها ياشباب مع العلم سويت لسيارة صيانة غيرت بواجي وفلتر هواء وبنزين وتنظيف البخاخات لكن ماكلمت الورشة على تنظيف الثروتل ؟؟ هل ممكن يكون له سبب بالرائحة الشبيهة بالغاز .. المشكلة جدا مزعجة وماتطلع الا عند تشغيل السيارة لفتره ممكن دقيقتين وبعدها تختفي

يعطيكم العافية ياشباب

[ابوراكان تبوك]

الله يعطيكم العافية ياشباب ماتقصرون وباذن الله بأبدا بتدريج بغير نوعية الزيت وبغير بلف التبخير لاني اشتريته من فتره لكن مالقيت فرصة اغيره

وبالنسبة لرائحة عند تشغيل السيارة وش سببها ياشباب مع العلم سويت لسيارة صيانة غيرت بواجي وفلتر هواء وبنزين وتنظيف البخاخات لكن ماكلمت الورشة على تنظيف الثروتل ؟؟ هل ممكن يكون له سبب بالرائحة الشبيهة بالغاز .. المشكلة جدا مزعجة وماتطلع الا عند تشغيل السيارة لفتره ممكن دقيقتين وبعدها تختفي

يعطيكم العافية ياشباب
رائحة الشكمان من فلاتر الشكمان اذا كانت خارج السياره فقط لانها خلاص استهلكت
اذا كانت خارجيه فقط
تحتاج تغيير دبة الرصاص اذا كانت موجوده
واذا لم يكن هناك دبة رصاص تحتاج تغيير الدبة الوسطيه اكبر واحده قيمتها حول 750

اذا كانت الرائحة داخل السياره هناك تنسيم لابد من البحث عنه

[alrzeenq8]

السلام عليكم ياخوي
جيبك فيه ربل صباب او جلد بلوف.........اذا خليتها واقفه وشغاله ودست لها بنزين يطلع دخان ابيض...........يعني جلد بلوف او ربل صباب
سيارتي لها 3 سنين وعادي عندي
تنقص عندي كل 2500 كم علبة زيت لكن الزيت الي صمل وياه هو شل هيلكس الاصفر 20/50 صنع في عمان
حاليا سويت له غسيل مكينه من الداخل و قاعد اجرب له بترومين 40 مع علبة STOP عشان الدخان.
الوضع للحين تمام الزيت مانقص عندي صارله 3000 وراح اكمل لل5 الاف
..