برق الحيا شاع السماء وراح متبوع ، عقاب التميمي

[عقاب التميمي]

برق الحيا شاع السماء وراح متبوع
للديره الي بفيضها النوق رتاع


يسرج ضلام الليل بارقه ويروع
عليه تلقى الابره اللي على القاع


استكبـر الوديان وبطونها فروع
وزبر البرد في عالي الصمد ماماع


ومن وقعته فحساب سبتين وسبوع
في ساعتين الإبل مباريك وشباع


اطلـوع وسـم وكنها زرع مزروع
يشرب على عدن يساقيه زراع

وزدها ثلاث تشوف فالمفقع طلوع
تلقاء الكمى فرياضه اثلاث ورباع


هاذا هوى البال وطرب كل مسموع
وهذا دواء المرضان عن كل الاوجاع


في طلعتن يشفق لهاء خاطري طوع
مع ربعةٍ زُحّل خواطـرهم اوساع


ماعندهم فالمزح والضحك ممنوع
هبات ريح رجال عدلين الاطباع


مافيهم اللي بقلبه الحقد مزروع
ولافيهـم اللي للحماقات ينصـاع


في ذمتي معهم لـو افنى من الجوع
أخير لي من عيشةٍ قدم مذياع


هاذا هوى نفسي وبالفكر مشروع
احدٍ رتع قلبه واحد راح مرتاع


ابعد على المحتاج من حبّة الكوع
الـلي رقد متوسـدٍ راسه القـاع


الله يعين الي خذا السم قرطوع
سِمٍ سقطري في زمن كل خداع

[ابو البر]

صح لسانك وبارك الله في ما قلت
انشهد انك صادق / صورة تسر الخاطر يا استاذي الغالي .
(الوديان بطونها فروع )

[عقاب التميمي]

صح بدنك ورحم الله والدينك

[قوافي ( أم نهار )]

السلام عليكم ورحمة الله وبركاته
صح لسانك واعتلى شانك
قصيده جزله اشكرك حفظك الله
تحياتي وتقديري واحترامي

[عقاب التميمي]

صح بدنك ورحم الله والديك

[سحاب نجد راعي شقراء]

:heart::heart::heart::heart::heart::heart::heart:: heart::heart::heart::heart:




برق الحيا شاع السماء وراح متبوع
للديره الي بفيضها النـوق رتاع

يسرج ظلام الليل بارقه ويروع
عليه تلقى الابره اللي على القاع

استكبـر الوديان وبطونها فروع
وزبرالبرد في عالي الصمد ماماع

ومن وقعته فحساب سبتين وسبوع
في ساعتين الإبل مباريك وشباع

اطلـوع وسـم وكنها زرع مزروع
يشرب على عـدن يساقيه زراع

وزدها ثلاث تشوف فالمفقع طلوع
تلقاء الكمى فرياضه اثلاث ورباع

هاذا هوى البال وطرب كل مسموع
وهذا دواء المرضان عن كل الاوجاع

في طلعتن يشفق لهاء خاطري طوع
مع ربعةٍ زُحّل خواطـرهـم اوساع

ماعندهم فالمزح والضحك ممنوع
هبات ريح رجال عدلين الاطباع

مافيهم اللي بقلبه الحقد مزروع
ولافيهـم اللي للحماقات ينصـاع

في ذمتي معهم لـو افنى من الجوع
أخير لي من عيشةٍ قـدم مذياع

هاذا هوى نفسي وبالفكر مشروع
احدٍ رتع قلبه واحد راح مرتاع

ابعد على المحتاج من حبّة الكوع
الـلي رقد متوسـدٍ راسه القـاع

الله يعين الي خذا السم قرطوع
سِمٍ سقطري في زمن كل خداع

عقاب التميمي


يالله ياعقاب وش تبي تقول فيني من القصيد يوم لونت القصيده هههههههههه ترالي ساعتين مامن عرف بس قلت ذا الباذخه تستاهل ويستاهل قايلها بعد

[عقاب التميمي]

سحاب نجد يلوح برق الحيا فيه
ونا عيوني تسبر البرق لن لاح

لاحل وبله يابس العـود يسقيه
ويزيد ملح الارض بفياضها ملاح

[سحاب نجد راعي شقراء]

سحاب نجد يلوح برق الحيا فيه
ونا عيوني تسبر البرق لن لاح

لاحل وبله يابس العـود يسقيه
ويزيد ملح الارض بفياضها ملاح

ياملا العافيه الدائمه ياعقاب
ولا عليك زود يالغالي

انت تسمع منول الا قالو فلان مايق او فيه موقه ترا هذا انا هلحين ههههههه

الله يعز قدرك يالغالي دنيا ودين