حرارة ددسني ترتفع والموتر جديد

[احمد506]

بسم الله الرحمن الرحيم

السلام عليكم ورحمة الله وبركاته


مساكم / صبحكم الله بالخير جميعاً

لاحظت شيء بموتري قبل ثلاث ايام تقريبا وهو ان الحرارة ترتفع عندي بشكل تقريبا بسيط لكنه غريب

الددسن قبل اقل من اسبوع مغيَر زيته وكل 5000 كيلو اغير الزيت والسيفون والموتر الحمدلله جديد يعني توه مكمل ال26000 كيلو

الله حق مالي خبرة فالسيارات واجد , رجعت لنفس البنشري وشيّك ع الموتر وقال سليم من ناحية الزيت ومائ الرديتر والشغلات البسيطة

انا ناوي اطلع للصناعية واشوف وش الوضع لكن قلت استشير اللي عنده خبرة بهالمنتدى وان شاء الله يفزعون لي , لاني مثل ما قلت قبل ما عندي خبرة كثير بالخرابات ومشاكل الموتر



* للاسف ما قدرت ارفع صورة لعداد الحرارة لكنه يرتفع لين الخط الاول وفوقه بشوي احيانا
ولكم مني جزيل الشكر / موفقين :heart:

[مطر وسم]

اعتقد الحراره طبيعيه ع الربع وفوق الربع بشوي لا تخاف ع موترك اكثر الدداسن كذا

واذا فيه مشكله يمكن من تماتيك المروحه او انسداد بالاديتر او سير المروحه مرتخي

شيك ع اللي علمتك فيه .. وانشاءالله امورك طيبه

موفقين جميعاً

[احمد506]

اعتقد الحراره طبيعيه ع الربع وفوق الربع بشوي لا تخاف ع موترك اكثر الدداسن كذا

واذا فيه مشكله يمكن من تماتيك المروحه او انسداد بالاديتر او سير المروحه مرتخي

شيك ع اللي علمتك فيه .. وانشاءالله امورك طيبه

موفقين جميعاً

بيّض الله وجهك , مامن خوف الحمدلله لكن الاحتياط واجب
الوالد معه نفس موتري 2012 وامبير الحرارة ما شاء ما عمره ارتفع ابد هذا اللي خلانن اشك بس

شكرا مرة اخرى

[الدوسري2010]

يمكن الوالد فاك البلف اذا حرارت موترك على الربع او ورا الربع شوي تراها طبيعيه

[احمد506]

يمكن الوالد فاك البلف اذا حرارت موترك على الربع او ورا الربع شوي تراها طبيعيه

ما قصرت ي حبيبي هالوجه

[ابو ايمن]

اعتقد والله اعلم ان حرارة السيارة طبيعية

دام أنها على الخط الاول او الثاني ..

بالعكس مايقلق هو عدم ارتفاع الحرارة خوفا من أنها لاتعطي المقاس الصحيح

ولكن اذا كان المؤشر على الخط الاول او الثاني يعني لم تتجاوز الربع فهذا شي طبيعي .

تقبل مروري .