الفزعة يا شباب مشكلة تاخير بتشغيل اكسنت 2012 حيرت افكاري

[hgfdvr]

السلام عليكم ورحمة الله وبركاته
ارجو من اهل الخبرة افادتي عن مشكلة بتأخير التشغيل لهيونداي اكسنت 2012
المشكلة بدئت من يوم غيرت صفاية البنزيم مع العلم ان الاولى ما كانت تشتكي من شي بس لأن عمرها الافتراضي انتهى وانا الي مغيرها بيدي وليتني ما غيرتها كانت السيارة يوم انقرالسلف نقرة بسيطة تنهض الان تشتغل عادي بلصباح واذا احتر الجو مجرد ما اطفي السيارة وهيا حارة واتركها ربع ساعة وارجع اشغل تطول بطريقة غير طبيعية لحوالي 10 ثواني وادبل الدقة اكثر من مرة لجل تشتغل
انا حاولت حل ها المشكلة وفحصت كمبيوتر واعطاني رمز الكود (P0704) وما ظنتي له علاقة بموضوعنا
وغيرت قلب الطرمبة و الجلد المدورة الي حوالين الصفاية غيرتها والبطارية وغيرتها ولا فاد ونظفت الثروتل بدي ونظفت البخاخات وشيكت على كتاوت الطرمبة ولا فيه فايدة واحنا مقبلين على فصل الصيف ها اليومين واخاف المشكلة تتطور وتعدملي السلف
ياليت تفزعولي ياهل الخبرة ايش سبب التأخير وايش الحلول.
ولكم ولجمعتكم بها المنتدى الراقي خالص الشكر.

[ألجمل ألإنف]

وعليكم السلام ورحمة الله وبركاته
اذا المشكله ماجت الا بعد تغير الصفايه شيك تركيب الصفايه لايكون مركبها بالعكس ولاالصفايه فيها مشكله غيرها
اعانك الله وسددك

[الحربي 591]

بطى في التشغيل ؟؟

ما طرت عليك البطاريه :)
تسبب بطئ في التشغيل قبل ما تخرب ..

[hgfdvr]

سلام عليكم ورحمة الله وبركاته
والله يا جمل بخصوص التركيب الصفاية اصلا الصانع مفصلها على اساس ما تقبل تركيب الا في مكانها الصحيح وذا الشي تأكدت منه بنفسي لأني فكيت الطرمبة اكثر من مرة ادور على الخطئ
وبخصوص ردك يا الحربي البطارية لو كانت السبب بيروح التاخير وقت ما غيرتها الا انها تغيرت وتأخير التشغيل على حاله ما تغير
ياليت القى جواب من اهل الخبرة ولكل من تجاوب الف شكر وتقدير

[ألجمل ألإنف]

طيب رجع الصفايه القديمه اذا كانت كويسه وجرب
الله ييسر أمورك

[hgfdvr]

نفس الكلام الي قلي عليه الكهربائي وقت مريته
المشكلة اني في لحظة نظافة شاملة رميت الصفاية :(
(ولو اني اعرف ان البحر عميق جدا ما ابحرت
لو اني اعرف خاتمتي ما كنت اتنكبت) :D

[SGL]

أخوي الكود هذا ماسئلت عنه يمكن هو السبب
والجلد المدوره بالصفاية متأكد من تركيبها زين
إذا تعبي بنزين أخضر جرب الأحمر وأمش عليه فتره ولو تستخدم معه منظف البخاخ وتشوف فيه تحسن
مشكلتك هذي أحيان تختفي من حالها بعد الإستعمال وإذا فيه خلل ماتروح

[hgfdvr]

الكود طال عمرك هو لحساس الجير اسفل دعسة الكلتش مع العلم ان الجير عادي والجلد الله يبارك فيك غيرتها بجلد جديدة لما شكيت انها بتكون السبب ولو فيها تهريب بيتأخر تشغيلها طول الوقت والبنزيم ماله علاقة ياغالي لأنه لو كان سبب التاخير بيكون في كل تشغيلة والبخاخات نظفتها ولا كانت وسخانة بلأساس
والمشكلة الله يحفظك والموجودين ماتبين الا والسيارة ساخنة يعني وقت الظهرية والمكيف شغال او من دون مكيف لفيت عليها ساعة او ازود ووقفت اخذلي شي ربع ساعة او عشر دقايق ورجعت اشغل تطوووول الين تقبل دقة السلف
وسلامتكم

[SGL]

نفس المشكلة قد صارت زمان مع واحد بس الموتر يختلف وكان السبب منظم البخاخات
يوم ماتشتغل معك لو تقدر تفك البوجي إذا لقيته غرقان بنزين يكون عندك خلل في بلف الراجع أو البخاخات تهرب بنزين ماتقفل أو منظم بخاخ مثل ماصار مع الرجال وتغيرك لصفاية ماله علاقة في الموضوع إلا إذا كانت تختلف أو تكون لموتر 6أو8سلندر وركبتها على4سلندر وتقدر تجرب تاخذلك صفاية تجاري لتجربه فقط وتركبها يمكن يكون الأصلية فيها خلل

[وطن العزة]

الله يعينك

باقي تشيك على بلف الراجع حق البنزين أو الريقيليتور و غالبا موقعه حول أو في ماصورة البخاخات ، قيمته ما هي غالية

من أعراضه يسبب تأخير بالتشغيل و يخرب الطرمبه بإستمرار

[hgfdvr]

SGL
والغالي وطن العزة ولا يهونو اخواني
الف شكر لتجاوبكم ولكل من تجاوب مع طرحي وبأذن الله بعمل بكلامكم وابلغكم بلنتيجة وربي يقدم ما فيه الخير