لاندكروزر؟؟

[رياح الشرق1]

كيف حالكم يا الربع ابي اسئل عن افضل قماشات او فحمات للاندكروزر 2007 قالو في ماليزي وتايلندي وكثير ومثل الوكاله مايفرقن شي واسعارهن رخيصه جدا الطقم 120ريال فما ادري من جربهن يعطينا العلم ارجو الرد الله يجزاكم خير

[أبوصالح9]

اذا انهن نفس الكامري فوالله ان تندم - ركبت ماليزي على الكامري وغرن السعر 60 ريال وياليتي ماركبتهن - اصوات صرصره وريحة تصرع الطير تحلف انك توك عالكن الموتر بالتفحيط - طول عمري ماركب الا اصلي وقلت هالمرة خلن اجرب وليتني ماجربت لكن توبه - ركب اصلي او بديل يطابق الفحمه مثلا انا اركب فحمات افالون وكاله على الكامري لي ست سنين واحسن من فحمات الكامري - اما هالصناعات مثل الماليزي والتايلندي فاشله - وانت بكيفك

[ابوراكان تبوك]

الفرق 80 ريال وخذ فحمات اصلي درجة ثانيه قيمتها 200 مكتوب عليه بالكود YYZ هذا الدرجة الثانيه ممتازه جدا وتخدم
والاصلي درجة أولى بـ 310 ونادر تلقاه
اللي بـ 120 هاذي حقت اللاند القديم أصلي من 97 وتحت اسخف وانحف من حقات موديل 2007

الصناعات الاخرى غبار القماش يسود عليك الجنوط واي مسكة فرامل مفاجأة وبقوة تبدأ مسلسلات الاصوات

[رياح الشرق1]

الله يعطيكم العافيه جميع وياليت يا ابو راكان اذا عندك صوره للقماشات YYZوانا ماني مقتنع بالقماشات التجاري لكن من غلا قطع التويوتا واعطالها المستمره قلنا خلنا ندور الارخص يمكن يادن الغرض

[hassan-55]

دائماً خذ الأصلي وعسى الواحد يسلم
قبل فتره كان عندي ونيت متسوبيشي وكان عندي جيب ايسوزو
جابن لي الهم بغلا قطع غيارهم
الحين التويوتا القطع صارت مثل المتسوبيشي والايسوزو
انا عن نفسي ما ارتاح الا اركب اصلي الشكوى لله القطع غاليه جداً لكن وش نسوي وعسانا نسلم ونرتاح من خرابهن