افضل طريق للخفجي من الرياض

[ابوخالد000]

السلام عليكم

يااخوان بغيت اسئلكم عن طريق الخفجي الرياض

يقولون فيه طريق الرياض جوده الصرار النعيريه الخفجي

كيف الطريق هذا سيدين او سيد

وكيف الخدمات معه

مشكورين مقدما
✋

[محمد الحفراوي]

فيه طريق من عمد رماح - الرفيعه - معرج السوبان - الخفجي.. طريق سيد واحد ومليان محطات.. بس أفضل أمش بنهار إذا معك عائلة

[الدوسري2010]

افظل طريق من الرياض تمسك طريق رماح - شويه - الرفيعه - قريه العليا بعد ماتعدا قريه العليا حوالي 10كم يجيك كبري واصل سيده يجيك تقاطع انكانك بتروح يمين تمشي حوالي 30 كم وبعدها يجيك كبري السفانيه تاخذ معه يسار حوال 60 كم يجيك الخفجي مسافة هالطريق تقريباً 560كم طبعاً من بعد رماح الخط سايد واحد لكن مضبوط
اما الطريق الثاني فإذا موترك دفع رباعي نفس الطريق لكن بعد قريه العليا 10 كم يجيك كبري تعده يجيك التقاطع واصل سيده حوالي 80 كم ينزلك على الخفجي على طول هذا الطريق عذروبه النفود بعض المواقع داخله على الطريق ومسافته 520 كم تقريباً
اما الطريق اللي انت ذكرته فهو سايدين من الرياض حتى جوده بعدها يبدا يتحول لسايد واحد فيه ابل وبعض الطريق مكسر ومسافته 590 كم

[ابوماجد-1]

أفضل طريق رماح شويه الرفيعة قريه وكمل سيدا للخفجي مايقارب 520 كيلو
اما اذا طلعت باتجاه السفانيه زِد عليها 60 كيلو وطريق مكسر
والطريق واضح افتح خرائط قوقل مآب ويعطيك أفضل طريق