احسن طريق من الرياض الى المدينة المنورة

[عرق رملان]

السلام عليكم ورحمة الله وبركاته..
يا شباب بختصار ناوي ازور مسجد الرسول صلى الله علية وسلم إنا والوالدة (الله يحفظها) .. ان شاء الله في عطلة الربيع
واول مره اروح خط الى المدينة المنورة مباشرة .
الفزعة هي / وش احسن طريق من الرياض الى المدينة المنورة ؟؟ وكم كيلو بالضبط ؟
وعند وعدي بدعوة من هالعجيز ان شاء الله
والله يعطيكم العافية

[العنابي 616]

والسلام عليكم ورحمة الله وبركاته

اول شي توصل وترجع بالسلامة

ثاني شي الطريق الله يسلمك واحد ما في غيره

تمسك خط القصيم ومن عنيزة تتبع لوحة المدينة

اتمنى لو واحد يوضح اكثر لاني من زمان ما جيت ذا الطريق

[جبل راف]

تروح وترجع بالسلامة وتقبل الله منكما مقدما والله لو اعرف كان خبرتك

دعواتك

[عرق رملان]

الله يجزاكم خير يا إخوان
وحسب ما اسمع ان فية طريق جديد .. ونا والله منيب متاكد .
وشكراً لكم

[السنع كله]

اذا انت في الرياض مثلا فامسك طريق القصيم ولا تلف لا يمين ولا يسار وتاصل المدينه بالسلامه وطريق القصيم يربطك بطريق المدينه السريع

[منصور 1]

بسم الله الرحمن الرحيم

اول شي وهم شي تكفى لا تنسانا انت والوالده الله يطول بعمرها بالعمل الصالح من دعائكم الصالح لأخوك ابو عمر
ان الله يصلح له النيه والذريه ويوفي عنه دينه ويجمعنا وياك في الفردوس العالى من الجنة
ثانياً وانا اخوك

انت عارف طريق القصيم لي هو يمتد من طريق الملك فهد هذا طريق الله يطول بعمرك يطيحك بالمدينة بإذن الله ولا يبي معرفه الطريق واضح جداً امسك الطريق ولايمين ولا يسار وهو يوديك للمدينة الله يوديك ويرجعك بسلامه
ويحفظك في سفرك وترحالك
ولا تنسانا من دعائك

اخوك
ابو عمر

[نقا مطوع]

أول شي تروح وترجع بالسلامة

لكن انتبه من يوم تتعدى بريدة ترا مافي الا محطة وحدة على بعد 300كيلو

[عرق رملان]

جزاك الله خير يابو عمر والله يحقق مبتغاك ان شاء الله
وبالنسبة المسافة .. كم كيلو
وشكراً للجميع

[عرق رملان]

جزاك الله خير
نقا مطوع

[ريم البراري]

الله يتقبل ياخوي منا ومنكم
فيه طريق الرياض القصيم السريع وامتداده طريق القصيم المدينة السريع
يعني مايضيع ان شاء الله
ومثل ماقالوا الأخوان القصيم المدينة السريع محطات الوقود فيه قليلة.
الطريق جدا جميل وراح تنبسطون ان شاء الله فيه وخاصة مناظر الجبال والربيع:D
انصحكم تطلعون الصباح بدري علشان تلحقون على صلاة الظهر ان شاء الله هناك
ولاتنسى السواليف الزينة مع الوالدة وخذ لك كم شريط شعر مثلا اذا هي تحب الشعر والا قصص والا اناشيد:D
لاتنسانا انت والوالدة من الدعاء الله يجزاكم خير.

[عرق رملان]

شكراً على النصائح
يا بنت الرس
وما قصرتي وان شاء الله ما راح ننساكم جميعاً بالدعاء

[عاشق سفر]

المسافة يا طويل العمر والسلامة من الرياض لين القصيم بحدود 300 تقريبا...


اما من القصيم لين توصل المدينة المنورة فهي 467كم بالظبط وراح تتذكر انها 467كم بالظبط يوم انك راجع من المدينة للقصيم فأول لوحة راح تقابلك بتلقى عليها هالرقم....

ترى جبتها بالظبط لان هاللوحة حصلي موقف بسببها فعشان كذا هي من اللوحات اللي ماراح انساها رغم اني مامريت من عندها الا مرة وحدة فقط...

عموما المسافة تقريبا حول 800 كم...

والطريق مثل ماقالوا لك الشباب...
المهم دعواتك يالغالي....

[منصور 1]

اخوي اول مشاركة
ام بنسبة للمسافة والله العالم انها من الرياض 700 كم الى المدينة
ومثل مقال اخوي نقا مطوع ترى بعد القصيم ما فيه محطه يعني مقطعه ياليت تعبي لا سمح الله تقريبا اكثر من 300كم وتاخذ احتياطك
ولا نسانا من دعاك وانا اخوك
وبامان الله
وسلام على الوالده وقلها لا تنسانا من دعائها الله يحفظها يطول بعمرها بالعمل الصالح

[عرق رملان]

المسافة يا طويل العمر والسلامة من الرياض لين القصيم بحدود 300 تقريبا...


اما من القصيم لين توصل المدينة المنورة فهي 467كم بالظبط وراح تتذكر انها 467كم بالظبط يوم انك راجع من المدينة للقصيم فأول لوحة راح تقابلك بتلقى عليها هالرقم....

ترى جبتها بالظبط لان هاللوحة حصلي موقف بسببها فعشان كذا هي من اللوحات اللي ماراح انساها رغم اني مامريت من عندها الا مرة وحدة فقط...

عموما المسافة تقريبا حول 800 كم...

والطريق مثل ماقالوا لك الشباب...
المهم دعواتك يالغالي....

بيض الله وجهك وجزاك الله خير على هالمعلومات القيمة
وان شاء الله انه خير هالموقف الي حصلك عند اللوحة ;) كفيت ووفيت

[حبة قهوة]

السلام عليكم
أولا تا صل وترجع بالسلامة
ترا ما فيه إلا خط القصيم
لكن أنتبه لأهل بريدة ترا الشرافة واللقافة مايبيله شي أولالالالالالالالالاتووه

[سعود1]

السلام عليكم
أولا تا صل وترجع بالسلامة
ترا ما فيه إلا خط القصيم
لكن أنتبه لأهل بريدة ترا الشرافة واللقافة مايبيله شي أولالالالالالالالالاتووه
حقيقة قليل ادب تتكلم عن اهل بريدة اطلب من المشرف العام لمنتديات مكشات
طرد هذا الجاهل من المنتديات اوتقديم اعتذار لهل بريدة واعضاءمكشات
(حقيقة مكشات تغير راحو الرجال وين نفل وين نقا هشال وين أوس وين وين
دخلو البزران وحاسو قشنا0)

[بنت مطير]

أنا صراحة ماعرف اسهل طريق موصل للمدينة المنورة
معنى هالشي إني مااستحق دعوه حلوة من هالعجيز الحلوة ؟؟؟

[abo_kaled001]

السلام عليكم ورحمة الله وبركاته
أخوي أول مشاركة الشباب كفو ووفو لكن إذا أنت من الرياض تمسك طريق الملك فهد شمال باتجاه القصيم وراح إذا وصلت القصيم الكوبري اللي يقولك بريدة يمين وعنيزة يسار خلك فوقه وروح شمال يبدا خط المدينة معاك اللي هو نفس الخط اللي انت عليه وبعدها الله الله بالمحطات وعدم السرعة لإن هناك أكثر أمن طرق لاقط للسرعة يعني لا تتعدى 120 ولا الله يعينك وتروح وترجع وأنت واللي معك بألف سلامة إن شاء الله .

[abo_kaled001]

حقيقة قليل ادب تتكلم عن اهل بريدة اطلب من المشرف العام لمنتديات مكشات
طرد هذا الجاهل من المنتديات اوتقديم اعتذار لهل بريدة واعضاءمكشات
(حقيقة مكشات تغير راحو الرجال وين نفل وين نقا هشال وين أوس وين وين
دخلو البزران وحاسو قشنا0)
السلام عليكم ورحمة الله وبركاته
أخوي سعود1 وسع صدرك ويمكن جايبها من باب الظرافة وبعدين الشباب المشرفين بالقسم الآن يكفوون ويوفوون عن الشباب اللي قبل وشكرا.

[الكونترولCONTROL]

حلوة وش احسن خط ..... كأن عندنا ستين خط سريع !!!!!!!

=====================

الخط واحد من يوم تطلع من الرياض الى ان ترى منارات المسجد النبوي

لا تطلع لا يمين لبريدة و لا يسار لعنيزة إلا إذا لك حاجة


و ترجعون بالسلامة =======================================

[نمر بن حثلين]

الشباب ما قصرو عطوك العلم المظبوط وطمعا بدعوة العجيز

الا طلعت من الرياض عبي من المحطات ويفضل محطه القصيم ( المسافر لان فصفصهم زين :d )
وتوكل على الله حط رجلك لحد ما توصل القصيم وتتعدى الكوبري يمين بريده يسار عنيزة حط رجلك سيده

بتجيك بعد الكوبري بكم كيلو محطات على اليمين عبي بنزين وحط رجلك

بعد تقريبا 240 كيلو من الكوبري بتجيك محطه واضحه على يمين الخط عبي منها ( وهذا هو منتصف الطريق ) وحتى علامته تحصل لوحه المدينه 250 كيلو

بعدها حط رجلك ولا توقف الا عند الحرم ودام الوالده معاك اسكن بالفنادق الي شمال الحرم لانها قريب من بوابة النساء مثل فندق اوبري - دار الايمان - دار التقوى - موفنبيك

وكانك تبي الشور لا تروح الا في شهر صفر
لانها تكون انتهت اجازة الربيع وفيز العمره موقفه والحجاج راحوا يعني الحرم فاااااااضي جدا

[السبع الازرق]

اخوي اول مشاركة
اقول الله يعافيك يوم تاخذ الوالده والله يصلح لك النية والذرية
الشباب ما قصروا لكن احرص على البنزين حاول ما تطلع من القصيم الا انت فل وانصحك بمحطة العاليات قبل المدينة بحوالي 180 كيلو على يسارك وانت رايح محطة كبيرة وحلوة وفيها غرف للإيجار ونظيفة ......................وتاصل بالسلامة.

[الكونترولCONTROL]

يا إخون ما فيه خوف كثير من البنزين حاليا و لله الحمد انتهت المشكلة تقريبا

الآن 3 محطات يمين و 4 يسار من القصيم للمدين

======

لكن المشكلة في شريحة الخرائط (( محلية التصميم ))

يوجد خطأ فادح بوضع علامة محطة بدون وجود المحطة !!!!!

و الإحداثية معي لا أحد يغلطني رجاء حتى يتثبت

حيث اني اعتمدت عليها في الصيف و شدة الحر و توهقت بقوة



الله يسامح من صمم الخريطة !!!!!!!!!!!!!

و لو ما كان معي قارمن كان أسلم لي ... و الله اعلم !!!!!

[عرق رملان]

اخوي اول مشاركة
ام بنسبة للمسافة والله العالم انها من الرياض 700 كم الى المدينة
ومثل مقال اخوي نقا مطوع ترى بعد القصيم ما فيه محطه يعني مقطعه ياليت تعبي لا سمح الله تقريبا اكثر من 300كم وتاخذ احتياطك
ولا نسانا من دعاك وانا اخوك
وبامان الله
وسلام على الوالده وقلها لا تنسانا من دعائها الله يحفظها يطول بعمرها بالعمل الصالح

بيض الله وجهك يالنشمي وما قصرت

[عرق رملان]

السلام عليكم
أولا تا صل وترجع بالسلامة
ترا ما فيه إلا خط القصيم
لكن أنتبه لأهل بريدة ترا الشرافة واللقافة مايبيله شي أولالالالالالالالالاتووه

الله يسلمك
لا ونعم بالقصيم وإهلها
ومشكور وماقصرت

[عرق رملان]

حقيقة قليل ادب تتكلم عن اهل بريدة اطلب من المشرف العام لمنتديات مكشات
طرد هذا الجاهل من المنتديات اوتقديم اعتذار لهل بريدة واعضاءمكشات
(حقيقة مكشات تغير راحو الرجال وين نفل وين نقا هشال وين أوس وين وين
دخلو البزران وحاسو قشنا0)

ونا خوك الرجال يمزح ... وخذ من سعة وسع صدرك :)
وعلى العموم حقك على وبشر به
ولا تزعل :d
علة فكره ما عطيتني اي معلومة عن طلبي ههههههههههههههههههه
ما قصرو الاخوان والاخوات

[عرق رملان]

أنا صراحة ماعرف اسهل طريق موصل للمدينة المنورة
معنى هالشي إني مااستحق دعوه حلوة من هالعجيز الحلوة ؟؟؟
ابشري والله بسعدك
وان شاء الله الدعوة للجميع

[عرق رملان]

السلام عليكم ورحمة الله وبركاته
أخوي أول مشاركة الشباب كفو ووفو لكن إذا أنت من الرياض تمسك طريق الملك فهد شمال باتجاه القصيم وراح إذا وصلت القصيم الكوبري اللي يقولك بريدة يمين وعنيزة يسار خلك فوقه وروح شمال يبدا خط المدينة معاك اللي هو نفس الخط اللي انت عليه وبعدها الله الله بالمحطات وعدم السرعة لإن هناك أكثر أمن طرق لاقط للسرعة يعني لا تتعدى 120 ولا الله يعينك وتروح وترجع وأنت واللي معك بألف سلامة إن شاء الله .
الله يجزاك الف خير يالنشمي وما قصرت

[عرق رملان]

حلوة وش احسن خط ..... كأن عندنا ستين خط سريع !!!!!!!


=====================
الخط واحد من يوم تطلع من الرياض الى ان ترى منارات المسجد النبوي
لا تطلع لا يمين لبريدة و لا يسار لعنيزة إلا إذا لك حاجة




و ترجعون بالسلامة =======================================


اولاً اشكرك على المداخلة
ثانياً وناخوك ما خاب من استشار
ثالثاً ابعد ما وصلت له المجمعه على طريق القصيم
رايعاً المشكلة مو معرفة الطريق واينة معة .. لو تسئل عامل محطة البنزين على طريق القصيم جاوبك
ولا الهدف اني اعرف الكيلوات وحسب ما سمعت ان فيه خط جديد مفتوح من فتره والاهم وظع المحطات على الخط آمان ولا عكس ذلك .
خامساً وش مدخلك في الموضوع دامان هذا تعليقك هههههههههههههههههههههههههه
ومشكور وما قصرت

[عرق رملان]

الشباب ما قصرو عطوك العلم المظبوط وطمعا بدعوة العجيز

الا طلعت من الرياض عبي من المحطات ويفضل محطه القصيم ( المسافر لان فصفصهم زين :d )
وتوكل على الله حط رجلك لحد ما توصل القصيم وتتعدى الكوبري يمين بريده يسار عنيزة حط رجلك سيده

بتجيك بعد الكوبري بكم كيلو محطات على اليمين عبي بنزين وحط رجلك

بعد تقريبا 240 كيلو من الكوبري بتجيك محطه واضحه على يمين الخط عبي منها ( وهذا هو منتصف الطريق ) وحتى علامته تحصل لوحه المدينه 250 كيلو

بعدها حط رجلك ولا توقف الا عند الحرم ودام الوالده معاك اسكن بالفنادق الي شمال الحرم لانها قريب من بوابة النساء مثل فندق اوبري - دار الايمان - دار التقوى - موفنبيك

وكانك تبي الشور لا تروح الا في شهر صفر
لانها تكون انتهت اجازة الربيع وفيز العمره موقفه والحجاج راحوا يعني الحرم فاااااااضي جدا

بيض الله وجهك وما قصرت ومشكور على النصيحة والمشكلة يانمر مرتبطين بمدارس ولا رايك في محلة وناخوك
الله يعطيك الف عافية

[عرق رملان]

اخوي اول مشاركة
اقول الله يعافيك يوم تاخذ الوالده والله يصلح لك النية والذرية
الشباب ما قصروا لكن احرص على البنزين حاول ما تطلع من القصيم الا انت فل وانصحك بمحطة العاليات قبل المدينة بحوالي 180 كيلو على يسارك وانت رايح محطة كبيرة وحلوة وفيها غرف للإيجار ونظيفة ......................وتاصل بالسلامة.
والله والعظيم يالسبع اني لو احجبها على راسي اني ما عطيها حق واحد من حقوقها
هاذي القلب والعمر وشوف ... والله لو احكي الى بكره ما خلصت....

مآ إقول ان الله يطول في عمرها وان الله يشفيها من المرض الذي تعاني منه ... حبيبت قلبي ... الله يحفظها هي والله نور البيت
على العموم بيض الله وجهك ويعطيك الف عافيه

[عرق رملان]

يا إخون ما فيه خوف كثير من البنزين حاليا و لله الحمد انتهت المشكلة تقريبا


الآن 3 محطات يمين و 4 يسار من القصيم للمدين
======
لكن المشكلة في شريحة الخرائط (( محلية التصميم ))
يوجد خطأ فادح بوضع علامة محطة بدون وجود المحطة !!!!!
و الإحداثية معي لا أحد يغلطني رجاء حتى يتثبت
حيث اني اعتمدت عليها في الصيف و شدة الحر و توهقت بقوة








الله يسامح من صمم الخريطة !!!!!!!!!!!!!




و لو ما كان معي قارمن كان أسلم لي ... و الله اعلم !!!!!


في ردك هذا تناقض ردك السابق
سبحان الله العظيم

[عرق رملان]

ونا اشكر جميع من شارك في الموضوع ويشهد الله اني استفت من مشاركاتكم جميعاً
والحمد الله وظحت الصوره بالنسبة لطريق مرررررررررره
والله يسهل علينا سفرنا

واخيراً اشكركم جميعاً ونا عند وعدي ان الوالدة راح تدعولكم جميعاً
والله يعطيكم الف عافية
وهنا يكون نهاية المشاركة ونقفل الموضوع

[اباالسدر]

تقبل الله منا ومنكم صالح الأعمال
والله يرجعكم بالسلامة 0
وانتبه للسرعة فيه وسط الطريق بعد القصيم مركز تفتيش ما يرحمون وكل واحد يمر لازم ياخذ مخالفة من عشرين سنه وانا اذامريت اوقف وآخذها ما عمري أخذت مخالفة الا من عندهم في حياتي كلها0
والله يستر عليكم0

[عرق رملان]

تقبل الله منا ومنكم صالح الأعمال
والله يرجعكم بالسلامة 0
وانتبه للسرعة فيه وسط الطريق بعد القصيم مركز تفتيش ما يرحمون وكل واحد يمر لازم ياخذ مخالفة من عشرين سنه وانا اذامريت اوقف وآخذها ما عمري أخذت مخالفة الا من عندهم في حياتي كلها0
والله يستر عليكم0

الله يخلف عليك بي اخير منها ان شاء الله
واشكرك على النصيحة والله يجزاك الف خير

[ماطر]

على خبري انه لاتوجد فيه محطات بنزين الى درجة انك تجد هناك من يبيع البنزين بالجركل .

وحصل اني وجدت امن الطرق طفشانين وسجلو علي مخالفة عدم ربط حزام الامان.

[ابرق العزاف]

اخوي

من الرياض الى القصيم مع الخط السريع
اذا جيت بين بريده وعنيزه فيه محطة ال الشيخ
انزل بها وتقهو واسترح وفلل بنزين وتو كل على الله
للمدينه البنزين يوصلك للحناكيه 100 كم قبل المدينه
فيه محطتين عند كبري الحناكيه بنزين واستراحه كامله
وبعد كذا المدينه 100 كم وتاصل بالسلامه
((( بعد جبل طميه الشهير وانت متجه للمدينه 35 كم
محطة هجرة القليب 000 محطه ومطعم وبنشر )))
اشكرك

[الباحث_الصغير]

ماقصرو الاخوان في توصيف الخط وهو طريق سريع من الرياض إلى المدينة مباشرة (القصيم فرعية مع هذا الطريق). لا تشاهد إلا أنوار مدينة بريده على يمينك وأنوار مدينة عنيزه على يسارك في المساء.

والمحطات لاتخشى فهي كثيرة .

1- محطة السيح بعد ماتتجاوز بريدة تقريباً 85كيلو .
2- محطة الوسيدي جديدة(سميتها محطة الوسيدي لأن صاحبها وسيدي ولا أدري والله وش إسمها) مالها يمكن شهر فاتحه بعد محطة السيح بـ 20 كيلو أو يزيد قليلاً لا أذكر ولكنها تقع شمال شرق سلسلة جبال أبانات ويقع خلفها جبل صغير يسمى مزيريره فيه جلسات حلووووووه وشلالات نازلة من أعلى الجبل.
3- محطة عند عقلة الصقور بعد محطة الوسيدي بـ 100 كيلو .
4-محطة العاليات (على ما أعتقد اسمها كذا) بعد محطة عقلة الصقور 150 كيلو تقريبا كان ماني غلطان.
بعد محطة العاليات 100 كيلو تكون إن شاء الله في وسط المدينه(عند الحرم النبوي)

[الكونترولCONTROL]

على خبري انه لاتوجد فيه محطات بنزين الى درجة انك تجد هناك من يبيع البنزين بالجركل .

وحصل اني وجدت امن الطرق طفشانين وسجلو علي مخالفة عدم ربط حزام الامان.
=================
كلامك هذا قديم و يوجد محطات متعددة الآن كما ذكرت في ردي السابق
==========================

[الكونترولCONTROL]

في ردك هذا تناقض ردك السابق

سبحان الله العظيم


===================

سبحان الله و بحمده


و المطلوب بيان التناقض ما هو لو سمحت ...

ما فيه فائدة انك تقول ان فيه تناقض و تسكت !!!!!

كذا ما استفدنا شي .....

و ان كنت تقصد الخطأ في خريطة القارمن : هذي محطة غير المحطات السبع مزودها

راعي الخريطة الظاهر على مكان تريلة كانت تعبي وقت الحج قبل 4 سنين !!!

و شكرا للملاحظة
[/center]

[خراش]

السلام عليكم
تروح وترجع بالسلامة
لكن اشوف فية اختلاف بوصف الطريق
بين الاعضاء لكن شوري عليك تروح بالطيارة

[الأرض الطيبة]

السلام عليكم الله يستر عليك انت ووالدتك اخوي ابشرك الطريق سهل وسريع وجديد ولكن يبغالك تفلل البنزيم بعد بريده والله يحييك في المدينه ودعواتك

[عرق رملان]

الاخوة الافاضل /
ماطر
ابرق العزاف
الباحث الصغير
الكونترول
خراش
ابو ناهس

اقدر لكم مداخلاتكم
والله لا يحرمكم الاجر يا رب

[karim06]

يعني
1- المسافة 700 م
2- بعد بريدة لايوجد محطات لمسافة 300 كم
صح كذا

[aflaj12]

كما ذكر اخونا تركي بن عازب هذي هي المسافة وينتبه لقلة المحطات بعد القصيم وهناك لوحات تنبيهيه للمحطات اللتي امامك ومسافتها لكنها ليست على الطريق مباشرة بل لابد من الاتجاه مسافة معينة حتى تصل اليها كما هو موضح في اللوحات الارشادية
وفق الله الجميع

[الكونترولCONTROL]

يعني
1- المسافة 700 م
2- بعد بريدة لايوجد محطات لمسافة 300 كم
صح كذا
===========================

... قلنا : بعد بريدة توجد محطات و ابعد مسافة
بين محطتين ما تتعدى 100 كم و أقل !!!!
من قال لا يوجد محطات ؟؟!!!!
بعدين من بريدة 460 كم الى المدينة تقريبا مع السريع !!!
و مع القديم فوق 500
==================

[القرم الاول]

إخواني أحب افيدكم أنه الآن يوجد طريق جديد قيد الانشاء من الرياض إلى المدينة المنورة دون المرور بمنطقة القصيم وهو طريق ( عفيف مهد الذهب المدينة وهو مختصر ولاكن يحتاج الى سنة من الان تقريباً حتى ينتهي.

[الكونترولCONTROL]

شي ممتاز - يفكنا من الزحمة !!! بس حلوة يكون ( مختصر ) من الرياض الى عفيف-المهد ثم المدينة
بدون المرور بالقصيم !!!! مع ان القصيم تقريبا بين الرياض و المدينة
- ممكن يزيد - نرجو منك توضيح المسافات لكي نفهم !!!
====================================
اكثر من الاختصار اللي صاير الآن ؟؟؟؟؟؟ صح يمكن يصير رديف و يفيد من الجنوب الى المدينة
- لكن من الرياض ؟؟؟ وضح المسافات مشكورا

[ibnalhaithem]

السلام عليكم ورحمة الله وبركاته ،،،

ياكثر ماكديت هذا الطريق ،،،

والشباب ماقصروا كفو ووفوا ،،


أمسك طريق القصيم حتى تشوف المدينة

والمسافة 800 كم بالضبط

أما بالنسبة للمحطات فأنا أوصيك إنك تعبي من القصيم

ثم ماتوقف غير في الحناكية في محطة العاليات وهي محطة موجودة فوق كبري الحناكية

والحناكية تبعد عن المدينة حول 100 كم

والمحطات بين القصيم والحناكية فهي متهالكة ولا أنصحك بالتوقف فيها فأنت لا تحتاج أصلا أن تتوقف فيها ،،

أتمنى لكم زيارة سعيدة ،،

ولاتنسونا من صالح دعائكم ،،،

ورزقك الله بر والدتك

[ساعة الصفر]

ياأخوي انا ماطفشني غير هالخط ومع هذا اشتاق له اذا ابطيت عنه بالنسبة للمســــافة حوالي 900 كيلو وأكثر اذا وصلت القصيم تقابلك اشارة (يمين الى بريده ويســــار الى عنيزة ) يعني لايمين ولايسار المدينة سيدا وتقابلك بعض القرى المهم بعد ماتعدا منطقة القصيم تمشي تقريبا 200 كم ثم تجيك محطة (هالمحطة امرحنا فيها ذات ليله :p ) وفي هالمحطة شقق مفروشة يمكن تباتون فيها اذا ماودكو تواصلون ومن هالمحطة اعتقد مافيه محطة ثانية الا محطة العاليات مفرق الحنـــاكية ((يملا الحيا )) بس تراها على يسارك وانت جاي للمدينة يعني تديور , ومع ذلك مافيه مشكلة اذا خلص البنزين تفرق مع اول مفرق يودي للقديم تعبي وترجع اذا لزم الامر ومن العاليات الى المدينة المنورة 100كم ولاتنسى تتفرج على الحرة حقة المدينة قبل ماتاصل 20كم ورافقنكم السلامة ........