المساعد الشخصي الرقمي

مشاهدة النسخة كاملة : اهداء خاص


احمدالدمام
19/03/2016, 03:04 PM
أبيات بالأخ والصديق طويرش الهمزاني الشمري وفقه الله


مهارة الأسلوب في كل الأحوال
تضفي على جو الحوار القناعة
وتوضح الصورة ويسكن به البال
وتمنح مساحات النقاش اتساعة
الشمس أكبر أن تغطى بغربال
وأوسع مدى يوصل ضياه وشعاعه
والشمري من خلقته طيب الفال
مفطوم خلقة بالكرم والشجاعة
يامرحباً ترحيبة إكبار وإجلال
بطويرش أبوخالد زبون البضاعة
قدره كبير وبمنزل العم والخال
نعم العضيد اللي طويل ذراعه
ياصل مواصيل تشرف للأجيال
مقرونة بالطيب في كل ساعة
طبع الهمزاني جوادً ويختال
يشفق على بذل السخا والشفاعة
لو مالت الأقدار بالعسر ما مال
ثابت على مبدى اصول الجماعة
يا ما تخاوينا معه خوة رجال
وياما نهلنا منه لطف وقناعة
وياما بذر طيبه نديات و أثقال
بستان يزهو من حقول الزراعة
وجهه بشوش ومجلسه قمة وعال
ووصفه يشيب من بسن الرضاعة
فارس ومتمرس غدا مضرب أمثال
في حضرته للجود سمع وطاعة
سلام من قلب نشد فيك موال
حقايقً تطبع بدار الطباعة
شعر / أحمد المكتوم
الدمام 1437/6/8
أبوعبدالرحمن99
20/03/2016, 07:09 AM
صح لسانك يا احمد و صح لسان ابو خالد ،، و النعم فيكم جميعا .
قوافي ( أم نهار )
20/03/2016, 07:39 AM
السلام عليكم ورحمة الله وبركاته
ماشاء الله
صح لسانك اخي الكريم
قصيده جزله اشكرك على طرحها..
تحياتي وتقديري واحترامي
تم تقييم القصيده
احمدالدمام
20/03/2016, 12:07 PM
صح بدنك مشرفنا الخلوق ابوعبدالرحمن
ولاعليك زود
احمدالدمام
20/03/2016, 12:09 PM
السلام عليكم ورحمة الله وبركاته
ماشاء الله
صح لسانك اخي الكريم
قصيده جزله اشكرك على طرحها..
تحياتي وتقديري واحترامي
عليكم السلام ورحمة الله وبركاته
الشكر لكي اختي الفاضلة على مرورك ومتابعتك لجميع المشاركات
خوي المطاليق.
20/03/2016, 05:43 PM
صح لسانك يا اخ احمد

والله يديم الصداقه بينكم على الطيب والطاعه ..
احمدالدمام
20/03/2016, 09:41 PM
صح لسانك يا اخ احمد

والله يديم الصداقه بينكم على الطيب والطاعه ..

اهلا ً وسهلاً في خوي المطاليق
مطلق عنان الشعر في كل خيمة
صحبة مثل شرواك حظ وتوافيق
نعمة من المولى وفضل وغنيمة
خوي المطاليق.
25/03/2016, 05:53 PM
يامرحبا والوقت عندي به الضيق
و احداثنا عند المتابع قديمه

لي الشرف وانا خوي المطاليق
يا الله خوتنا عساها مديمة
احمدالدمام
26/03/2016, 09:05 PM
يامرحبا والوقت عندي به الضيق
و احداثنا عند المتابع قديمه

لي الشرف وانا خوي المطاليق
يا الله خوتنا عساها مديمة

صدق الشعور يوثق الشوق توثيق
خص ً الى صادف قلوب سليمة
شريان ينبظ حس وسط المعاليق
و نديم يسقي بالمعزة نديمه
أبوعبدالرحمن99
28/03/2016, 09:43 AM
صدق الشعور يوثق الشوق توثيقخص ً الى صادف قلوب سليمةشريان ينبظ حس وسط المعاليقو نديم يسقي بالمعزة نديمهمساجلة بديعة و رائعة و تستحق الثناء و التقدير ،، صحت الالسن و شكرا لكم ،،الخيمة تفخر بأنها قدمت شعراء مثلكم ،، كل الود و أمنيات السعادة .
احمدالدمام
28/03/2016, 11:55 PM
مساجلة بديعة و رائعة و تستحق الثناء و التقدير ،، صحت الالسن و شكرا لكم ،،الخيمة تفخر بأنها قدمت شعراء مثلكم ،، كل الود و أمنيات السعادة .


صح بدنك استاذنا ومشرفنا الخلوق ابوعبدالرحمن


مكشات جمع بين شوق وتشويق
وجولة مع الأبداع وعز وعزيمة
المحتوى بالمنتدى يطرد الضيق
مثل الحيا يجري من اسباب غيمة
ابو البر
04/04/2016, 11:05 AM
صح لسانك ويستاهل الطيب
احمدالدمام
04/04/2016, 11:10 PM
صح لسانك ويستاهل الطيب
صح بدنك ياابو البر وماعليك زود
وشرفتني بمرورك العطر
عابر سبيل0
05/04/2016, 10:55 AM
صح الله السانك قصيدة جزله مايلحقها اي كلام بيض الله وجهك كفيت و وفيت
احمدالدمام
05/04/2016, 08:58 PM
صح الله السانك قصيدة جزله مايلحقها اي كلام بيض الله وجهك كفيت و وفيت
صح بدنك ووجهك ابيض ولاعليك زود ياعابرسبيل