استفسار بخصوص ثلاجة سونيكو 50 لتر

[التمَاري]

السلام عليكم
لي تجربه غير ناجحه في ثلاجه سونيكو 50 لتر شريتها جديدة ما تبرد زين ولا تثلج المهم وديتها لوكيلها وصار فيها عيب مصنعي ....هل الي حصل لي معي حصل مع احد او انه فعلا عيب مصنعي و لا تعتبر مقياس ...
الي لهم تجربه لهذي الثلاجه يطرح تجربته الله يجزاكم خير ...

[جنيفاوي 503]

السلام عليكم ورحمة الله وبركاته
انا شريت ثلاجة سونيكو 50 لتر قبل 8 شهور تقريبا والثلاجه ماشاء الله مايحتاج حاطها في صندوق الشاص وشغالة اربع وعشرين ساعة ونادر اطفيها احيانا تقعد حول الشهرين ماطفت جاها مطر وغبار والحمد لله ماشكت ابد والصدق انها تريح الواحد حط فيها اللي تبي وانسه
وتقييمي لها 10/10

[المتلولس]

ثلاجة سونيكو ممتازة لها معي فترة ماشفت منها شي تبريدها سريع

[فارس المصارير]

وللمعلوميه فيها حساس هو اللي يخيلها تطفي مع تشغيل السياره
فصلته وضبطت الثلاجة
وموقع السلك في الوحة الالكترونية اليسرى فيها اسلاك من فوق الى تحت
افصل السلك الرابع اتوقع لونه اسود
وتضبط باذن الله
صارت معي ومع خويي 35 لتر و 50 لتر

[شلويح707]

عليكم السلام
يامرحبا بك
السونيكو جا منها الدفعة الثانية اللي داخلها المنيوم كثر فيها العيب المصنعي لاكن مافيه مشكلة ترجعها ويعبونها غاز ويلحمون التنسيم

[بيليه9]

وعليكم السلام
انا معي لها سنة ولله الحمد ماشية مضبوط
لكن كنت حاطها بمكان بالسيارة مايجيها هواء
وهذا اللي يخليها تقفل ولا تبرد
غير هذا غيرت المروحة الى مروحة اكبر
واقوى بدفع الهواء
والحمد لله سالكة معي
وشكرا للجميع

[راعي الشلفاء]

تصدقون خليته شغاله ع الكبرسور مايفصل من المغرب لما طلعت الشمس
ابختبر صرفيت الكهربا دقيت سلف ماكني شغلت ثلاجه مع العالم ان البطارية شد بلد

[هاوي الجكس]

الثلاجة لها معي حول 8 شهور

وماشاء الله من ابدع مايكون

اهم شي تسليك الكهرب يكون 6 مل من البطارية مباشرة وعليه فيوز

واذا كان معك جيب صالون تخلي فتحات التهوية لم الباب علشان ماتنكتم

[هاوي الجكس]

وصارت معي مشكلة انها تشتغل معي ابو ساعة وتطفي

وبعد الحوسه صار واحد متعبث في نظام حماية البطارية مخليه قوي وتفصل علطول

[برق البارود]

السلام عليكم كيف حالكم ي شباب انا
ابي استفسر عن الثلاجه هاذي كم قيمتها وهل تتحمل البطريه الاساسيه
ليست الجافه يعني تشتغل يوم كامل والسياره طافيه علمأ ان السياره جيب ربع
يعني مافيه تهويه ممتازه لثلاجه