المساعد الشخصي الرقمي

مشاهدة النسخة كاملة : أنشدك عن رجل عمى عين وأطرم.......الحل:الظل.....حله:ابوماجد2


الخنفه
20/03/2016, 06:36 AM
السلام عليكم ورحمة الله وبركاته

أسعد الله مسأكم أو صباحكم بالخير والمسرات .
هذا أول مشاركة لي بخيمة الألغاز وأهديكم هذا اللغز اللطيف الخفيف


أنشدك عن رجل عمى عين وأطرم **** رجل صنوت ولا يرد الكلامي
يمـوت إليا منـه غـدا الليل أضـلام **** ويحـي إليا منـه تجلى الضلامي
ابو ماجد 2
20/03/2016, 08:36 AM
وعليكم السلام ورحمة الله وبركاته
يامرحبا بك وبأول مشاركاتك
لغز مؤشر لبادع الغاز متمكن
صح لسانك ملايين
نحاول
لعزٍ لحله يابـــــــو ماجد تولم ..........

.......... لغزٍ جزيلٍ يبغى شد الحزامي

ونا اللي سيفي بالغطاوي تثلَّم ..........

.......... لكن هـــاك اللي اراها تمامي

ظلٍ ولا له دور بالجو الأظلم ..........

.......... لكن حال النور يعطي علامي
قوافي ( أم نهار )
20/03/2016, 09:46 AM
وعليكم السلام ورحمة الله وبركاته
حياك الله بخيمة الالغاز
تحياتي وتقديري واحترامي
يمكن شاعر
20/03/2016, 02:36 PM
عليكم السلام
صح لساانك ملاييين يالغالي على اللغز لاهنت
وصح لسان الغالي ابوماجد
ننتضر ردك
راعي الجيب2
20/03/2016, 02:45 PM
وعليكم السلام ورحمة الله وبركاته
مساك الله بالنور والسرور
صح الله لسانك على هاللغز الطيب
بنتظار ردك على ابو ماجد رمعته طيبه ما شاء الله
الخنفه
20/03/2016, 03:44 PM
صح لسانك يابو ماجد :good2::good2:
عزالله انك جبت الحل صح ولاهي بغريبة عليك يافارس الألغاز .
صحيح هو الضل
تحياتي لك وصح االله لسانك .