ابشر بلغزٍ ياتنـــــيني على الريق........الحل:جزار.....حله:بدر2003

[ابو ماجد 2]

جعل هاللغز ماينحل
طبعا لازم رمعة خفيفة
تنيني طبعا نيابة عن ابوعدنان الله يذكره بالخير
ويعجل بردته لنا مع مجموعه لا ما انساهم
تنيني ما اطول عليك صح لسانك دوم وبعد اذنك اقول كفوا مقدما
للي مايبي اللغز ينحل ورمعته مرسله خفيفه
حتى الان مالقيت له لقب يليق به
وتذكر حاكيتك عنه - حكي خير-
علما بان جميع صفات البوارديه الذربين فيه
مع جميع صفات القناصين طولين الذراع فيه
متختل ومتمكن ومفصص ومكسر الجنحان وفلال عقد صعيبات الغطاوي ورمعاته مع المذبح
ماشاء الله تبارك الرحمن زاده الله من فضله
رغبه ضغينونه نبي لغز منه
اسف ع الاطاله مدري وش اقول بس مريت لغزك ياتنيني
ولقيت لغزك من صيد امس ودور لنا غيره
صراحه امتعتونا لا عدمناكم




بسم الله الرحمن الرحيم

السلام عليكم ورحمة الله وبركاته


ابشر بلغزٍ ياتنـــــيني على الريق ..........

.......... غطوه ولا هي عن جنـــابك خفيه

ابشر بلغزٍ للوجيــــــــه المطاليق ..........

.......... عن الذي لا ماجــــــــــهلنا سميه

سمِّي سبب ياباهس الغطو تعليق ..........

.......... في مهنةٍ تحــــــــتاج نفسٍ دريه

متسميٍ ماجــــــت تخبِّط وتلفيق ..........

.......... لا والله الا عــن سبـــــايب قويه

وليابغيت عن لــغزنا زود تدقيق ..........

.......... وجه الشبه ياشيخ حال الضحيه


مع تحيات ابو ماجد

منتديات مكشات . خيمة الالغاز

[ابو اسامه 2]

صح لسانك ملايين يا الزعيم

وبيض الله وجهك اليوم ودوم

يستاهل ابو عدنان معلقات

وانت اهل الوفا والكرم لا عدمناك

وش رايك في

تعليق الذبيحة
تعليق الدراسة

تحياتي لك

[يمكن شاعر]

عليكم السلام
صح لساانك ملاييين يالغالي لاهنت
ويستاهل الغالي النبهاني الاسناد
ان سلم من رمعه الغالي ابو اسامه رجعنا

[ابو ماجد 2]

صح لسانك ملايين يا الزعيم

وبيض الله وجهك اليوم ودوم

يستاهل ابو عدنان معلقات

وانت اهل الوفا والكرم لا عدمناك

وش رايك في

تعليق الذبيحة
تعليق الدراسة

تحياتي لك


هلا بك يابو اسامه
صح بدنك وابو اسامه وابو عدنان كلهم تناين بحكم السن والرفقه
لكن هنا مقصودي ابو جار الله فهو من طلب لغز
اما الرمعه

طوقت لغزي يابن الاجواد تطويق ..........

.......... لكن على الرمعه يبي لك شــــويه

ودي تعــاود يافتى عقب تدقيق ..........

.......... تذبح وتسلخ والمعــــــاني جليه

[ابو ماجد 2]

عليكم السلام
صح لساانك ملاييين يالغالي لاهنت
ويستاهل الغالي النبهاني الاسناد
ان سلم من رمعه الغالي ابو اسامه رجعنا

هلا بالمتمكن
صح بدنك يالغالي
وابو اسامه كسر فيه جناح
وننتظر شريك يسقطه ارضا

[يمكن شاعر]

لاهنت ي الغالي
ممكن تقصد
معلق كوره القدم مهنه
ومعلق الذبايح

[عيد القضيب]

صح لسانك وسلم بنانك زعيمنا وتاج روسنا
مشتاقين لكم كثير واكثر من كثير وكذلك عمدتنا ابوعدنان الله يردّه بالسلامة
اعذرونا مقصرين بحقكم السموحة منكم
رمعة مضلعة: يمكن اخينا عليق بري الله يذكره بالخير
الف تحية ومليون وردة للجميع

[ف ف]

صح الله لسانك يالغالي

وبعد اذنك واستميحك عذرا
بالترحيب بالغالي ابو سلامه الله يحييبه بين احبابه وحمدا لله ع سلامته وعسى انقطاعه خيرا ان شاء الله


وهاللغز يحوم حول المتمكن المتختل

[النبهاني]

وعليكم السلام والرحمه
صح لسانك مليارات زعيمنا
والله يبشرك بالجنه متعود على العطاء زادك الله من فضله وماقصرت يالقدوه
لكن مازلنا منتظرين لغز من بدرالمتختل المتمكن الداهيه ( وراك وراك يالداهيه ;) )
نعود لمزيون الزعيم واللي فك لطمة العمده
معلايق القلب
ومعاليق الذبيحه

[ابو ماجد 2]

يالربع اعذروني
والله ان ودي ارد على كل ومشاركته
لكن طرح اللغز الترحيبي بحبيبنا ابو سلامه وتنسيقه سرق مني الوقت
اللغز لايزال طليق ولعله يحتاج لزياده

[ابو ماجد 2]

بسم الله الرحمن الرحيم

السلام عليكم ورحمة الله وبركاته

نزيده لعله يتضح


ابشر بلغزٍ ياتنـــــيني على الريق ..........

.......... غطوه ولا هي عن جنـــابك خفيه

ابشر بلغزٍ للوجيــــــــه المطاليق ..........

.......... عن الذي لا ماجــــــــــهلنا سميه

سمِّي سبب ياباهس الغطو تعليق ..........

.......... في مهنةٍ تحــــــــتاج نفسٍ دريه

متسميٍ ماجــــــت تخبِّط وتلفيق ..........

.......... لا والله الا عــن سبـــــايب قويه

وليابغيت عن لــغزنا زود تدقيق ..........

.......... وجه الشبه ياشيخ حال الضحيه

اللغز لامـن طال يالربع ماطيق ..........

.......... يمكن سبب طرحي حلوله عصيه

لكن ابفتح فيه زود الطواريــــــق ..........

.......... هيَّا انتلاعب في حروفه سويه

ان راح ذيله نطق بعص المخاليق ..........

.......... ضربه اِثر بعض الخطايا مجيـــه

ان راح راسه مابعرفه عواويق ..........

.......... خطيـــــــــةٍ ياكبرها من خطيه


مع تحيات ابو ماجد

منتديات مكشات . خيمة الالغاز

[badr2003]

صح لسانك يابو ماجد
محاولة
جزار

جزا ضربة جزاء
زار حفلة الزار ومايعمل فيها

[ابو ماجد 2]

صح لسانك يابو ماجد
محاولة
جزار

جزا ضربة جزاء
زار حفلة الزار ومايعمل فيها
كفووووووووو كفوووووووووووو كفوووووو
ايها الداهيه
نعم
جزار
نوع من انواع الصرد يعلق فريسته على الاشواك ثم يفصفصها فصفصه
لذلك سمي الجزار

http://www.up.albreah.com/uploads/images2/albreah-6cf21fe7e4.jpg

واليكم مانقلته عنه
قد يشاهد و هو يسلخ فريسته أثناء تعليقها، و حقيقة الأمر انه غالبا ما يترك فرائسه معلقة في شوكه أو فرع رفيع من فروع الشجرة و هي تتلوى ألما و يطير مغردا بعيدا عنها، ثم يعود إليها ليأكلها في وقت آخر و قد يري و هو يأكل رأس فريسته فقط و يترك باقي الفريسة و من هنا يستحق أن يطلق عليه لقب الجزار.

[badr2003]

كفوك الطيب والله يكفينا شره هالجزار
معلومة طيبة وغريبة