ابي ارهم دينمو كهرب لكزس للاندكروزر

[عبقري91]

وين احصل بالرياض الي يرهمون دينمو للكزس للاندكروزر97
لان دينمو البلد مراح يتحمل ثلاجه ومراوح كهرب لومينا يعني بيكون عليه حمل وسمعت ان الكزس اقوا من حق البلد
عاد ابي ورشه بالرياض تولف لي الدينمو
بجيب لهم جرم الينمو وهم يشيلون كل الي فيه ويركبون فيه قلب لكزس. ويعطي كهرب اقوا

وبالله التوفيق

[salih100]

الصناعيه القديمه وانت جاي من جهة طريق الخرج اشارة الصناعيه السالم للزجاج في وجهك يمين خذ يمين يصير وجهك شرق امش الين تتعدى الاشارة الاولى ثم امش الين يجيك حرف تي T خذ يسار يجي شارع معترض بوجهك خذ يمين ثم بيجيك فتحه مديور على يسارك خذ فوق تحت يعني ديور ثم امش شوي وخل عينك على اليمين بيجك كذا محل مكتوب على لوحاتهم كهربائي وتكييف تحصل عندهم مطلوبك
وهذا جوالي للاستفسار 0590115118 واذا تبي ارسل لك الموقع راسلني واتس اب

[أبوصالح9]

وين احصل بالرياض الي يرهمون دينمو للكزس للاندكروزر97
لان دينمو البلد مراح يتحمل ثلاجه ومراوح كهرب لومينا يعني بيكون عليه حمل وسمعت ان الكزس اقوا من حق البلد
عاد ابي ورشه بالرياض تولف لي الدينمو
بجيب لهم جرم الينمو وهم يشيلون كل الي فيه ويركبون فيه قلب لكزس. ويعطي كهرب اقوا

وبالله التوفيق

اذا تبي الشور مالك ومال الترهيم - حق البلد كافي وزود - الا اذا كان عندك مشكله بالكهرب هذا شي ثاني - والله ماراح تحس بالنعمه الا اذا فقدتها - تخيل انك بمقطعه منتب حول ديرة وخرب عليك الدينمو المرهم - هذا اللي حبيت اقوله والمعذرة لو ماقدرت افيدك

[عبقري91]

الشغله عاديه كلها تغيير مكره ويركب الدينمو الثاني
وضروري اغيره
لان بطاريه اضافيه ومحول كهرب وثلاجه ومراوح لومينا
مايقدر عليها حق البلد قوته 60 او 70 والي برهمه يعطي 110 فيه فرق
لان على حق البلد وبتركب شغلاتك ذي كلها بيحترق اتوقع