عطوني حل لقير الفتك

[Salmanxb]

السلام عليكم
موتري باترول 2005 فتك خرب علي مبرد القير وبدلته ونظفت مجاري الماء وغيرت زيت القير ثلاث مرات والثالثه وديته لورشه وفك الكرتير ونظفه وغير زيته بس صار مايعشق النمره الخامسه ويعر بالخط واذا حولته على العادي اذا مشيت شوي يحول (D) من نفسه غيرت كتاوتات القير ومافي فايده ورحت فحصت كمبيوتر قال عندك حساس القير وقال افكه لك واشيك على كهربه قلت بشوف وارد لك السؤال الحين للي عنده خبره او صارت معه نفس السالفه وشلون اغير هالحساس وكم سعره واي ورشه بالقصيم ممكن يسويها لي بأقل تكاليف

[ابوسند9]

وعليكم السلام
اذا المشكلة حدثت بعد ما غيرت الزيت ,وفكيت الكرتيل ونظفة الفلتر
فا المشكلة عندك من الاتي
الفلتر بجانبة اسلاك صغيررره مره مثل خيوط الثوب , والعامل اتوقع 99% مركب الفلتر وشاد مسامير الفلتر على الاسلاك
وكلامي اعلاة صار لاحد الزملاء غير الزيت ونظف الفلتر وركبه , واصبحت السيارة ما تعشق بالخامس , وبعد المرور على اكثر من ورشة اللي يقول كلتشات وواحد يقول حساسات ,,,,الخ
وبالاخير فكينا الكرتيل وحصلنا العامل مركب الفلتر وقاطع احد الاسلاك وتم توصيل السلك وضبط بعدها
واذا تقول لا والله ما فكيت الكرتيل ولا نظفة الفلتر , فهنا انصحك فك الفلتر ونظفه وشيك على الاسلاك بجانب الفلتر
واذا اعلاة سليم فا اتوقع تحتاج تنظيف الخارطة ويكلفك 1000 ريال بورشة المحيميد ببريدة
والقير تحصلة بالامارات اخو الجديد بتشاليح الشارقة ب 3000 ريال
وانت لا تستعجل وما يضر لو ما يعشق الخامس بس لا تتعداء 140
والقير يشيل من 4,5 الى 5 لتر

[awad1399]

عليك السلام ورحمة الله
خبط معي قيرين من اسباب المبرد خلط الماء والزيت
الخارطه صعب تحصل مستعمل وان حصلت تحصل من قير مخبط ولابد فيه مشكله و الخارطه سعرها تقريبا بالوكاله 4000 ريال واذا شريتها وركبتها ولا استفدت وطلع عندك الكلتشات معطبوه ما تستفيد .
والتوضيب ما انصحك فيه قير الفتك حساس وقيمة التوضيب قيمة قير مستعمل من التشليح
القير الاول بعد الغسيل اكثر من مرتين ما استفدت منه صار ينتع بالغيار الثاني وحنه مشى معي تقريبا 7 شهور و طق صار مايمشي نهائيا .
القير الثاني نفس الاول ضرب المبرد وخلط وخبط علي القير
اخر شي اشتريت مستعمل ب6000 ريال مع الرجيع وعملت له مبرد خارجي وربطت علية مروحة تبرد مستقله للمبرد اشغله وقت الصيف الظهر بالزحمات
وريحت راسي .
واغلب اصحاب الفتك مركبين مبرد خارجي مستقل عن الاديتر .

راجع الاعلان

بـخــصوووص مــبـرد زيــت قيــر الفــــتـــك عااااااجل




http://www.mekshat.com/vb/images/metro/golden/misc/quote_icon.png المشاركة الأصلية كتبت بواسطة هاوي الذيب










http://www.mekshat.com/vb/showthread.php?432168-%C8%DC%CE%DC%DC%D5%E6%E6%E6%D5-%E3%DC%DC%C8%DC%D1%CF-%D2%ED%DC%DC%CA-%DE%ED%DC%DC%D1-%C7%E1%DD%DC%DC%DC%DC%CA%DC%DC%DC%DF-%DA%C7%C7%C7%C7%C7%C7%CC%E1/page4

[Salmanxb]

الله يعطيكم العافيه ي رب راح اجرب افك الكرتير واشيك على اسلاكه واغير زيته واشوف

[فهد88]

هذا ماحصل معي في باترول 98 تماتيك
خرب المبرد وخلط الماء مع الزيت في القير والاديتر
شلون دريت؟ حصلته يرجع مع القربه زي لون العسكريم وعرفت انه المبرد
رحت محل الاديترات على طول وغيرت المبرد وغسلت السرندل
ورحت الورش وجبت كرتون زيت تجاري وجبت زيت اصلي وفلتر
وفكيت الصره وغيرته الزيت من التجاري 3مرات ولانضف طبعا الكرتون 12 علبه وكل تغييره اربع علب
الكرتون الاول مانضف واجيب الكرتون الثاني ولانضف واجيب الكرتون الثالث وينضف تقريبا 65 بالميه
الطريقه افرغ الزيت الاول واعبيه اربع علب وشغل واعطي دي وبعده ريوس وبععده دي وريوس وطفي وافرغ
المهم اخر تغييره اللي هي العاشره فكيت الكرتير وغيرت الفلتر وزيت اصلي
ونضف تقريبا 80 بالميه وامشي القير ماتغير فيه شي
وبعد اسبوع اشيكه واحصل الزيت نفس العسكريم يعني نفسه اول مره
واغيره وينضف 95 بالميه
ومدت اسبوعين وانا اشيكه وينضف ميه بالميه مع الحراره والمشي تبخر الماء
بداية المشكله قبل شهرين تقريبا الظاهر المبرد خرب من البرد كنا في البر واذكر يومها الصباح كان الارض صقيع ثلج
لان المبرد له سنتين في السياره والماء مقطر ومافيه ولا ذرت حلا والتنسيم ماينشاف في العين
المشاكل اللي صارت اول الوقت مافيه شي التعشي وكل شي على مايرام
بعده التغيراات بسبوعين وانا امشي في البر فضى الموتر من كيفه وهو في خان الدي
وقفت وعشكت ريوس ادعس فاضي ارجعه دي فاضي
طفيته على طول ونزل اشوف فيه تحت تهريب شي
واول مانزلت اسمع اصوات في القير زي الخرخره والموتر طافي
اصوات قويه داخل القير واشوفه يهرب زيت من بين القير والمكينه يهرب زيت قير
فتحت الكبوت وشيكت الزيت الزيت طبيعي
وارجع اشوف تحت وقف الزيت اللي يهرب
شغلت وشيكت الزيت طبعا لازم اشيك والموتر بنمره اول ماعطيته نمره قبل التعشيق
شيكت الزيت كويس اللي هربه يمكن مايجي بيالة شاهي
ورجع لوضعه الطبيعي
وامشي وكل خمسين كيلو اشيك من تحت الموتر واقف التهريب لاني ماسح الزيت الاولي
المهم انقطع التهريب نهائي وبعد فتره لاحظت القير احيان بالنمره الثالث احيان
تقل يسحب بالتعشيق شوي مع حنه
واحيان تروح واخر تغييره والله امس
والحنه بالثالث لازالت موجوده والله يستر
طبعا انا موتري له عيار زيت مو مثل الفتك
واتوقع ثلاث تغيررات ماينضف القير
والله ييسر الامور على المسلمين

[Salmanxb]

الله يعطيك العافيه قير الفتك فعلا مشكله خاصه انه بدون عيار والفتك ايضا مايجي له فلتر وله زيت خاص للقير اللتر الواحد بـظ¤ظ¥ ريال عند محلات قطع الغيار وياخذ خمسه لتر ونص والمشكله بحالة اذا خرب المبرد وخلط الزيت مع الماء ماتقدر تحط له زيت تجاري لانه راح يضر القير لازم زيته الخاص

[bullet4668]

نفس المشكله عندي بالضبط فتك ظ¢ظ×ظ×ظ¨ القير يحشر بغيار رابع مايريح طبعا القير غياراته سليمه تحصل المشكله هذي اذا صار ضغط عالي على القير او اخذت مطبات قويه احس فيه خمول بالقير بعد التهدئه الاحظ ان القير يقوم بغيار رابع او ثالث ويضل على نفس الغيار مايريح واحيان اذا شغلت واستعجلت عشقت علطول يضل بغيار الاول مايبدل الا اذا طفيت السياره وشغلته اكثر من مره يرجع الامر طبيعي واثناء الخلل تطلع علامه بالطبلون ات شك اخر ماوصلت له من الحلول بعد البحث بالمنتدى ان فيه حساسات بداخل القير تم تغييرها وضبطت واللي يقول نظفت القير والفلتر والى الان ماشفت اللي كتب تم حل المشكله فا اتمنى اللي يعرف حلها يفيدنا الله يجزاه خير لاني عانيت والله منها

[abood3]

بخصوص موضوعك اخوي bullet4668 انا صارت معي مشكه مشابهه لمشكلتك وكنت اعتقد انها من الكلتشات او خارطة القير ولكن طلع السبب بسيط جدا الزيت ناقص وتم تغيير الزيت بالكامل وتنظيف الفلتر واعادة للعمل من جديد وانتهت المشكله ولله الحمد فتأكد من هالموضوع لعل ان يكون هو السبب

[Xxxxxxxxxx]

اخوي رح اشتري زيت من وكالة بذات وجرب وانشاء الله تزين الامور ولا تنسى تاخذ استمارة معك عشان يعطيك الزيت على رقم الهيكل